ဝါဆောက ရုပ်သေးဆရာလေး

( 1 မှတ်ချက်)

4000 (ကျပ်)

လူတိုင်း လူတိုင်းရဲ့ဘ၀မှာ ဖြတ်သန်းမှုဆိုတာ ရှိခဲ့ကြတာပဲ။
ဒီစအုပ်ကလည်း ကမ္ဘာပေါ်က လူသားတစ်ဦးရဲ့အကြောင်းစာအုပ်ပါ။
စိတ်ဝင်စားဖွယ် ဇာတ်လမ်းတစ်ပုဒ်၊ ၀တ္ထုကောင်းတစ်ပုဒ်ဖြစ်စေတဲ့
သွင်ပြင်လက္ခဏာတွေ ဒီစာအုပ်မှာ ဖတ်ရမှာပါ။
• ၀တ္ထုရဲ့အစကို မီခါ အဖိုးအိုတစ်ဦး အရွယ်ရောက်ပြီး
၂၀၀၉ ဇန်နဝါရီ၊ အမေရိကန်နိုင်ငံက စဖွင့်တယ်။
မီခါဟာ ဒုတိယကမ္ဘာစစ်တုန်းက ဂျာမန်လက်အောက်ရောက်ခဲ့တဲ့
ပိုလန်နိုင်ငံ၊ ဝါဆောက ဂျူးတစ်ယောက်။
အဖိုးအိုအရွယ်ရောက်နေပြီဖြစ်တဲ့ မီခါဟာ မြေးလေးကို လက်ဆွဲပြီး
နယူးယောက်မြို့ထဲ သွားလာနေရင်း ၇၂ လမ်းပေါ်လျှောက်လာတဲ့အချိန်မှာ
ဇာတ်ရုံတစ်ရုံရဲ့ ပိုစတာမှာ “ဝါဆောရုပ်သေးဆရာလေး” ဆိုတာ
ဖတ်လိုက်မိတဲ့အချိန်မှာ…
• ၁၉၃၈ ကနေပြီး ဒုတိယကမ္ဘာစစ်အတွင်း အသက်မသေဘဲ
ကြံဖန်ရှင်သန် နေထိုင်သွားတဲ့ ဆယ်ကျော်သက် ဂျူးလူမျိုး မီခါလေးရဲ့ ကမ္ဘာထဲကို
စာဖတ်သူတို့ ခဏဝင်ကြည့်လိုက်တာနဲ့ အဆုံးထိ ဆွဲခေါ်သွားပါလိမ့်မယ်။
• ဒီစာအုပ်မှာ တခြားနာဇီစအုပ်တွေနဲ့ မတူကွဲပြားတဲ့ ဇာတ်ကြောင်းကို ဖတ်ရမှာပါ။
နေ့ခင်းကြောင်တောင် လူလယ်ခေါင်မှာ အမျိုးသမီးတစ်ဦးကို
ကိုယ်တုံးလုံးချွတ်ဖို့ ခိုင်းစေနေတာကို မကြည့်ရက်လို့ သွားပြောတဲ့
မီခါ့အဖိုးကို နာဇီတွေက သေနတ်တွေနဲ့ ပွဲခြင်းပြီးသတ်လိုက်တဲ့အခါ
အဖိုးရဲ့ ကုတ်အင်္ကျီကို မီခါ ရလိုက်ပါတယ်။
• အဲ့ဒီကုတ်အင်္ကျီဟာ ဒီစာအုပ်ရဲ့အသက်ပါပဲ။
အဲဒီအင်္ကျီရဲ့အထဲမှာ မီခါရဲ့အဖိုးဆီက ရုပ်သေးရုပ်လေးတွေရှိနေပြီး
မီခါဟာ ဂျူးရပ်ကွက်က ရုပ်သေးဆရာလေးဖြစ်လာခဲ့တယ်။
မီခါဟာ ဒုတိယကမ္ဘာစစ်အတွင်း ဂျူးပေါင်းများစွာကြုံခဲဲ့ရတဲ့
အဖြစ်ဆိုးကနေ လွတ်မြောက်ခဲ့တယ်။
သူဖြတ်သန်းခဲ့ရတဲ့ အခက်အခဲတွေက အံ့ဩလောက်စရာတွေပါပဲ။
ကုတ်အကျင်္ီထဲမှာ ကလေးတွေ ထည့်ဝှက်ပြီး နာဇီတွေမသိအောင်
ပို့ဆောင်ရေးလုပ်ရတာတွေဆို အသည်းထိတ်စရာတွေပါ။
• မီခါဟာ ဂျူးရပ်ကွက်ထဲမှာသာမက
နာဇီတွေဘက်ကိုပါ သွားဖျော်ဖြေရတဲ့အထိဖြစ်လာတယ်။
နောက်ဆုံးအကြိမ် ဖျော်ဖြေအပြီးမှာ
သူနဲ့တိုက်ရိုက်ဆက်သွယ်တဲ့ ဂျာမန်စစ်သား မက်ခ်ဆ်ကို
မီခါဟာ မင်းသားလေးရုပ်သေးရုပ်ကို လက်ဆောင်ပေးခဲ့တယ်။
မက်ခ်ဆက်က သူ့သားလေးအတွက် လက်ဆောင်တောင်းဖူးတာကို
အမှတ်ရပြီး မီခါက ပေးတာပါ။
အဲ့ဒီနောက် မီခါလည်း ဂျူးတွေ ခံစားရတဲ့ ဒုက္ခမျိုးစုံနဲ့ ဇာတ်ကြောင်းစုံခဲ့တယ်။
• ဒီစာအုပ်မှာ အပိုင်း ၂ ပိုင်းပါတယ်။
မီခါ့အကြောင်းနဲ့ မင်းသားလေးအကြောင်း။
မင်းသားလေးအကြောင်းက မီခါက မက်ခ်ဆ်ကို ပေးလိုက်တဲ့အချိန်ကစပြီး
အရုပ်ကလေးဖြတ်သန်းရာဘ၀ပေါ့။
• မီခါနဲ့ အရုပ်ကလေးပြန်ဆုံမှာလား?
စာအုပ်အရွယ်အစား

5.2 x 0.5 x 8.2 inches

ပုံနှိပ်မှတ်တမ်း

လင်းလွန်းခင်စာပေ၊ 2019 စက်တင်ဘာလ၊ (ပ-ကြိမ်)

5 in stock

ဝါဆောက ရုပ်သေးဆရာလေး အား ဝေဖန်သုံးသပ်မှု 1 ရှိပါသည်။

  1. Thiri May

    အရမ်းကောင်းတဲ့စာအုပ်လေးပါ။ တချို့အခန်းတွေဆို ဖတ်နေရင်းနဲ့ မျက်ရည်ကျရတယ်။ မီခါရယ် ၊ ဂျာမန်စစ်သားရယ် ၊ မင်းသားလေးရယ် ၊ ကိုယ့်အတွက်တော့ စာအုပ်ဖတ်လို့ပြီးသွားတာတောင် တစ်ပတ်နှစ်ပတ်လောက် တွေးလို့မဆုံး၊ ခံစားလို့မဆုံးဘူး။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

စိန်ဝင်းစိန် စာအုပ်များ