ရေနံ့သာခင်ခင်ကြီး (စ+ဆုံးပေါင်းချုပ်)

( 3 မှတ်ချက်)

22000 (ကျပ်)

စာမျက်နှာ

564+62 (ကတ်ထူအဖုံး)

စာအုပ်အရွယ်အစား

8 x 1.5 x 10.7 inches

ပုံနှိပ်မှတ်တမ်း

စိတ်ကူးချိုချိုစာပေ ၊ 2016 နိုဝင်ဘာလ၊ (ပ – ကြိမ်)

စျေးနှုန်းအပြောင်းအလဲ

25.11.2023 နေ့မှစတင်၍ မူရင်းထုတ်ဝေတိုက်မှ ကျပ် 22000 စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။

6 in stock

ရေနံ့သာခင်ခင်ကြီး (စ+ဆုံးပေါင်းချုပ်) အား ဝေဖန်သုံးသပ်မှု 3 ရှိပါသည်။

  1. Thaw zin naing

    ဖတ်ဖူးသမျှထဲတွင် ဇာတ်လမ်းဇာတ်အိမ်အကောင်းဆုံး
    လူနှစ်ဦးရန်ငြိုးတွေကြောင့် မိသားစုနှစ်စုလုံးခံစားခဲ့ရတဲ့အကျိုးဆက်‌‌တွေအချစ်ဆိုတာမတစ်သက်လံုးမျက်နှာမမြင်ချင်‌ေလာက်‌ေအာင်နာကြည်း‌ေန‌ေပမဲ့လည့်ချစ်‌ေနလို့ရပါးလားလို့လဲသိခဲ့ရတယ်မရည်ရွယ်ခဲ့ပေမဲ့လူတစ်ဦး၏ဘဝတစ်ခုလုံးကိုအတိတ်ဆိုးတွေပဲဖြစ်စေခဲ့တာတွေဘဝဆိုတာကိုယ်ကမရည်ရွယ်ပေမဲ့လည်းမကောင်းမှုတွေဖြစ်တတ်ပါလားလို့လဲသိခဲ့ရတယ်ဘဝရဲ့အနိမ့်အမြင့်အတက်အကျတွေကိုလည်းပြည့်ပြည့်ဝဝခံစားခဲ့ရတယ်နောက်ဆုံးမိခင်နှင့်ဖခင်တစ်ယောက်ရဲ့မေတ္တာဟာသားသမီးအပေါ်အင်မတန်ကြီးမားပါလားလို့လဲခံစားခဲ့ရပါတယ်
    အကြိုက်ဆုံးဝတ္ထုဖြစ်တဲ့အတွက်100% recommendပေးပါတယ်

  2. Anonymous

    စာမျက်နှာ ၂၀၀ လောက်အထိ ခင်ခင်ကြီးက ဘာမှအဖြစ်မရှိတဲ့ ဒီပရက်ရှင်ကောင်မလေးဖြစ်နေလို့ ဆက်မဖတ်ဖြစ်တော့ပါဘူး။ ပထမက ဒီစာအုပ်ကို နိုင်ငံရေးစာအုပ်ထင်ခဲ့မိတာပါ။ အခုတော့ အချစ်ဇာတ်လမ်းစာအုပ်သက်သက်ပါပဲ။

  3. Htet Htet Tin Zar

    🔰 ခုမှပဲ ရေနံ့သာခင်ခင်ကြီးဆိုတဲ့ ဂန္ထဝင်ဝတ္ထုကြီး ဖတ်ဖြစ်သွားတော့တယ်။ စာအုပ်က ကြီးလည်းကြီး ထူလည်းထူတော့ တော်ရုံဖတ်ဖြစ်သေးမှာ မဟုတ်ဘူး။ စီးရီးထွက်လာလို့သာ ခုလိုဖတ်ဖြစ်တာ။ ကိုယ်က စာအုပ်မဖတ်ရသေးခင် ဇာတ်လမ်းကို ကြိုမကြည့်ချင်ဘူး။ အပြဇာတ်ရုပ်တွေက လွှမ်းမိုးတာ မခံချင်ဘူး။ ဒါတောင်မှပဲ နမူနာလေးတွေ ကြည့်ကြည့်မိထားတော့ ခင်ခင်ကြီး စကားပြောရင် ဝေလာရီအသံနဲ့ ပြော‌နေတာကို ကြားယောင်နေသလို၊ မောင်မောင်ဦး ဇာတ်ဝင်ခန်းကျရင် ဟန်ထူးဈာန်ကြီး စိတ်အာရုံက ပေါ်ပေါ်လာတာ ခဏတိုင်းပါပဲ။ အဲဒီမြင်တာ ကြားတာတွေကို မနည်းဖြောက်ပြီး စာအုပ်ထဲ စီးမြောရတယ်။

    🔰 ဇာတ်လမ်းက ရေနံချောင်းမြို့ကို နောက်ခံပြုထားပြီး ရေနံချောင်း ရေနံတွင်းလုပ်ငန်း၊ ရေနံလုပ်သားများနဲ့ တွင်းရိုး တွင်းစားအနွယ် သူဌေးသူကြွယ်တွေအကြောင်းကို အခြေပြုထားပြီး ခေတ်ကာလအားဖြင့် မြန်မာနိုင်ငံကို ဗြိတိသျှတို့ အုပ်စိုးစဉ် ကာလကို အခြေပြုတည်ဆောက်ထားပါတယ်။ ဒီအပေါ်မှာမှ အာဃာတအငြိုးတွေ ရှိကြတဲ့ မိသားစုနှစ်စုနဲ့ အဲဒီမိသားစုတွေက ဆင်းသက်လာကြသူနှစ်ဦးရဲ့ ချစ်ကျွမ်းဝင်ရာကနေ ရေနံ့သာခင်ခင်ကြီးဆိုတဲ့ မိန်းကလေးရဲ့ မိသားစုဘဝ၊ နေထိုင်မှု၊ ချစ်ခြင်းမေတ္တာ၊ မိုက်မှားမှု အစရှိတာတွေကို မွေးစကနေ အသက်ကြီးတဲ့အထိ သူမရဲ့ဘဝတစ်လျှောက် ဖြတ်သန်းမှုတွေကို အသေးစိတ်ကျကျ ရေးသားထားတဲ့ သမားရိုးကျ မဆန်တဲ့ ဇာတ်လမ်း ဖြစ်ပါတယ်။ ခင်ခင်ကြီးက ပိတ်လှောင်ခံထားရပြီး လွတ်လပ်မှုမရှိတဲ့ တွင်းရိုးတွင်းစားနွယ် မိန်းကလေးတစ်ယောက်ဖြစ်ပေမဲ့ သူ့ဘဝကို ပျော်ရွှင်ရယ်မောစွာနဲ့ မိသားစုနဲ့အတူ ဖြတ်သန်းလာခဲ့တာ အဖေ့ရဲ့ရန်သူတော်ရဲ့သား မောင်မောင်ဦးနဲ့ မတွေ့ရခင်အချိန်ထိပါပဲ။ မောင်မောင်ဦးနဲ့ တွေ့ရပြီးနောက် သူမရဲ့ဘဝဟာ တစ်ဆစ်ချိုး အပြောင်းလဲကြီး ပြောင်းလဲကာ အရာအားလုံးကို ဆုံးရှုံးဖို့ ဖြစ်လာခဲ့ရတော့တယ်။

    🔰 ဒါ့အပြင် ရေနံချောင်းမြို့ ဖြစ်ပေါ်လာပုံနဲ့ ရေနံထုတ်လုပ်မှုသမိုင်း၊ ရေနံတွင်းနဲ့ လုပ်ငန်းတွေအကြောင်းကိုလည်း ရှေးဘုရင်မင်းတွေ လက်ထက်က အစပြုလို့ အဆင့်ဆင့် ပြောင်းလဲတိုးတက်လာပုံတွေကို ရေးသားဖော်ပြထားပြီး ဗြိတိသျှတွေက တိုင်းပြည်က ထွက်သမျှ သယံဇာတတွေကို လက်ဝါးကြီးအုပ် ဝါးမျိုဖို့အတွက် ဓနရှင်အရင်းရှင် ကုမ္ပဏီတွေကို တည်ထောင်ကာ သူတို့နဲ့ ပူးပေါင်းပြီး ရေနံနဲ့ ရေနံထွက်ပစ္စည်းတွေအပေါ်မှာ အမြတ်အစွန်းတွေကို ဂုတ်သွေးစုတ်နေကြပေမဲ့ ရေနံအလုပ်သမားတွေအပေါ်မှာတော့ မတရားဖိနှိပ်မှုတွေကြောင့် ဖြစ်ပေါ်လာတဲ့ ရေနံမြေသပိတ်အကြောင်း၊ ဒုတိယကမ္ဘာစစ် မဖြစ်ပေါ်ခင် စစ်ရိပ်စစ်ငွေ့များ သန်းနေပုံကစလို့ စစ်ကြီးဖြစ်ပြီး ပြည်သူအများ၊ အိုးအိမ်ပစ္စည်းများ သေကြေပျက်စီးကာ စစ်ပြေးဘဝ ရောက်ရပုံနဲ့ စစ်ကြီး ပြီးပြန်တော့လည်း အုပ်ချုပ်ရေးကအစ တည်ဆောက်ရေး၊ ပြုပြင်ရေး အခြေအနေတွေ ဖရိုဖရဲဖြစ်ရပုံတွေအကြောင်းကိုလည်း စာရေးသူက ဝတ္ထုအပေါ်မှာ သူ့ခေတ်ကာလက အမှတ်တကယ်ဖြစ်ပေါ်ခဲ့ဖူးတဲ့ သမိုင်းဖြစ်ရပ်မှန် အခြေအနေတစ်ရပ်ကို ထည့်သွင်းဖော်ပြထားပါတယ်။
    __________________________

    ~ ရေနံ့သာခင်ခင်ကြီး ~
    ❝‌ရေနံ့သာ❞
    ရန်ကုန်မြို့ ပြည်လမ်း ခုနစ်မိုင်ခွဲနဲ့ ရှစ်မိုင်အကြားက ကျယ်ဝန်းပြန့်ပြောတဲ့ ခြံကြီးတစ်ခြံ။ လမ်းနဲ့ ဝေးလံတဲ့နေရာမှာ ခေတ်အမီဆုံးပုံစံနဲ့ တည်ဆောက်ထားတဲ့ နှစ်ထပ်တိုက်တစ်လုံးရှိတယ်။ ခြံဝင်းသို့ဝင်ရာ တံခါးပေါက်အုတ်တိုင်မှာ ကြေးသားပြားကို ထွင်းပြီး “ရေနံ့သာ” လို့ အိမ်ခြံဝင်းအမည်ကို ရေးထိုးထားတယ်။

    ❝ခင်ခင်ကြီး❞
    🔰 ဒေါ်ရေနံ့သာခင်ခင်ကြီးက အဲဒီခြံပိုင်ရှင်၊ ရေနံတွင်းစားရိုး၊ ချမ်းသာကြွယ်ဝတဲ့ အမျိုးသမီးကြီး။ အချို့က “ရေနံ့သာ” အိမ် ပိုင်ဆိုင်လို့ ဒေါ်ရေနံ့ သာခင်ခင်ကြီးဟု တွင်တယ် ဆိုကြသလို့ အချို့ကတော့ ရေနံချောင်း ခေါ် ရေနံ့သာမြို့သူ ဖြစ်တာကြောင့် ဒီအမည်ကို ရခဲ့တာလို့ ယူဆကြတယ်။ သူမက နာမည်ရှေ့မှာ ရေနံ့သာမပါဘဲ ဒေါ်ခင်ခင်ကြီးလို့ပဲ ခေါ်ရင် မကြိုက်တတ်သူ။ သူမကိုယ်ကိုယ်လည်း ရေနံ့သာခင်ခင်ကြီးလို့သာ သုံးစွဲတယ်။ ဒေါ်ခင်ခင်ကြီးက တသီးတသန့်နေတတ်သူ၊ ပြုံးခဲရယ်ခဲသူ။ မျက်နှာမှာ အစဉ်မှိုင်းနေတတ်တယ်။ စကားနည်းပြီး ပြောပြီဆိုရင်လည်း ပြတ်တယ်။ သူမဘဝအကြောင်းကို တစ်ခါမှ ထုတ်ဖော်ပြောလေ့မရှိ။

    🔰 အလုပ်အကိုင်နဲ့ ပတ်သက်စပ်ဆိုင်ခြင်းမရှိဘဲ ဘယ်သူ့ဆီမှ မသွား။ သူမအိမ်သို့ လာရောက်တတ်သူများအားလည်း ရင်းနှီးဖော်ရွေစွာ ဧည့်ခံစကားပြောလေ့ရှိသူမဟုတ်။ သူမ၏ အိမ်တွင်လည်း လူများများစားစား တွေ့ရတတ်လေ့မရှိ။ ဒေါ်ရေနံ့သာခင်ခင်ကြီးနဲ့ ပတ်သက်လာရင် ပဟေဠိတစ်ပုဒ်သဖွယ်။

    🔰 တစ်လောက ဒေါ်ရေနံ့သာခင်ခင်ကြီးနဲ့ ပတ်သက်ပြီး ဂယက်တစ်ခု ရိုက်သွားခဲ့တာက သူမက လူတစ်ယောက်ကို ရက်ရက်စက်စက် သတ်ဖြတ်ခဲ့ပါသတဲ့။ သူမကိုယ်တိုင်ကလည်း ကျူးလွန်ကြောင်း ဝန်ခံတယ်။ ကျသမျှ အပြစ်ဒဏ်ကို ခံဖို့ အသင့်ဖြစ်ကြောင်းနဲ့ “သူ့ကို ကျွန်မက သတ်လိုက်တာကိုသာ လူတွေက မြင်ကြတာပါ၊ ကျွန်မကို သူသတ်ခဲ့တယ်ဆိုတာကိုတော့ လူတွေက မမြင်ခဲ့ကြပါဘူး။ ဟုတ်ပါတယ်။ ကျွန်မဟာ သူ့ကြောင့် သေခဲ့တယ်။ သူ့ကြောင့်ပဲ အသက်ရှင်ရက်နဲ့ သေခဲ့ရတယ်” စဖြင့် နာကြည်းခံပြင်းစွာ ပြောပြခဲ့တယ်။

    ~ ဦးအောင်ခန့်နဲ့ ဦးကောင်းမိုး ~
    🔰 ဦးကောင်းမိုးနဲ့ မမြလေးတို့က ငယ်စဉ်က မေတ္တာမျှခဲ့ကြတယ်။ နှစ်ဦးလုံးကလည်း ဆွေမျိုးမကင်း၊ တွင်းရိုးချင်းတူလို့ မိဘတွေကလည်း သဘောတူကြည်ဖြူခဲ့ကြတယ်။ နောက်တော့ ဦးကောင်းမိုးရဲ့ စာရိတ္တကို မကြိုက်လို့ သဘောတူညီမှုကို ဖျက်သိမ်းခဲ့တယ်။ နောက်ပြီး တွင်းထိန်းကနေ အလုပ်ကို အောက်သက်ကျေ၊ လုံ့လဝီရိယနဲ့ ကြိုးစားလို့ ချမ်းသာကြွယ်ဝလာတော့ တွင်းစား ဦးအောင်ခန့်နဲ့ မမြလေးကို ပေးစားခဲ့တယ်။

    🔰 ဦးအောင်ခန့်နဲ့ မမြလေးတို့ လက်ထပ်ပြီး မကြာခင်မှာပဲ မင်းမျိုးမင်းနွယ်ထဲက ဒေါ်သူဇာဆိုသူနဲ့ ဦးကောင်းမိုးကို မိဘများက ပေးစားခဲ့တယ်။ ဦးကောင်းမိုးက ဦးအောင်ခန့်လိုမဟုတ်။ မိဘတွေ ငွေကြေးချမ်းသာလို့ ပေါ်ကြော့နေ၊ အလုပ်အကြောင်းလည်း နားမလည်၊ လုံ့လဝီရိယမရှိ။ အသောက်အစားနဲ့ လောင်းကစားလည်း မွေ့လျော်တယ်။ ဒီလိုနဲ့ ဦးအောင်ခန့်က ချမ်းသာသထက် ချမ်းသာလာပြီး ဦးကောင်းမိုးကတော့ စီးပွားရေး ကျဆင်းသထက် ကျဆင်းလာတယ်။

    🔰 တွင်းရိုးနဲ့ တွင်းစားအကြား ပြိုင်ဆိုင်မှုအပြင် မမြလေး ကိစ္စနဲ့ပါ ပတ်သက်ပြီး ဦးကောင်းမိုးက ဦးအောင်ခန့်အပေါ် အမြဲလိုလို အငြိုးထား ရန်သူလိုဆက်ဆံခဲ့တယ်။ အစပိုင်းမှာ ဦးအောင်ခန့်က မူမပျက် အပြုံးနဲ့ ဆက်ဆံပေမဲ့ ဦးကောင်းမိုးရဲ့ ဆိုးဆိုးရွားရွား ဆက်ဆံမှုတွေကြောင့် ကြာလာတော့ နောက်ပိုင်းမှာ ရန်သူလို ပြန်ဆက်ဆံလာခဲ့တယ်။ ဒီလိုနဲ့ ထိုလူနှစ်ဦးရဲ့ အငြိုးအတေး အာဃာတတွေ ပိုမိုကြီးထွား‌လာစေမယ့် အကြောင်းအရာတွေ ဖြစ်ပေါ်လာခဲ့ပြီး သူတို့ရဲ့ နာကြည်းမုန်းတီးမှုတွေကလည်း အရှိန်ပြင်းထန်လာခဲ့ကြတယ်။

    ~ ခင်ခင်ကြီးနဲ့ မောင်မောင်ဦး ~
    🔰 ခင်ခင်ကြီးနဲ့ မောင်မောင်ဦးတို့ စတွေ့ခဲ့ကြတာ အစ်ကိုဖြစ်သူ ခင်မောင်ညွန့် ရန်ကုန်မှ စိန်ပေါလ်ကျောင်းကို သွားတက်ရာမှ တစ်နှစ်အကြာ ပြန်အလာ သင်္ဘောဆိပ်ကမ်းမှာ သွားကြိုရာက စတွေ့ခဲ့ကြတယ်။ ‌မောင်မောင်ဦးက အစ်ကိုနဲ့အတူ သင်္ဘောဒုတိယတန်းမှာ အတူတူ စီးနင်းလိုက်ပါလာတဲ့ တစ်ကျောင်းတည်း သူငယ်ချင်း ဖြစ်နေပြီး သူက ခင်ခင်ကြီးအဖေ ဦးအောင်ခန့်နဲ့ ရန်သူတွေဖြစ်တဲ့ ဦးကောင်းမိုးရဲ့ သားဖြစ်နေပါလေတယ်။

    🔰 နောက်တစ်ကြိမ် ဆုံဖြစ်ကြတာက ပင်းဘုရားပွဲတော်ရက်မှာ ပင်းချောင်းမှာ ခင်ခင်ကြီးက ထဘီရင်ရှားလျက် ရေချိုးနေတုန်း မျက်စိထဲ သဲတွေဝင်လို့ ချောင်းရိုးအတိုင်း ပြေးလာတဲ့ မောင်မောင်ဦးက ဝင်တိုက်မိခဲ့တယ်။ ဒီလိုနဲ့ ပထမဆုံး စတွေ့တည်းက သတိပြုမိရာကနေ ခုတော့ မှတ်မှတ်သားသားကို ဖြစ်လာခဲ့ကြပြီ။ နောက်တစ်ကြိမ်မှာတော့ ညဘက် ပွဲခင်းမှာ အရက်သမားဖြစ်သူတွေရဲ့ အနှောင့်အယှက်ပေးမှုကနေ မောင်မောင်ဦးက ခေါ်ထုတ်ပေးခဲ့တယ်။

    🔰 ဒီလိုနဲ့ ရင်းနှီးခဲ့ရာကနေ ချစ်ကျွမ်းဝင်မိခဲ့ကြတယ်။ ခင်ခင်ကြီးမှာ မောင်မောင်ဦးနဲ့ ကိုယ်ဝန်ရလာခဲ့တယ်။ တကယ်တော့ မောင်မောင်ဦးက ခင်ခင်ကြီးကို အမှန်တကယ် ချစ်မြတ်နိုးပေမဲ့ လူရှုပ်လူပွေတစ်ယောက်မို့ လွတ်လပ်စွာနဲ့ မိန်းကလေးတွေနဲ့ ပွေရှုပ်လိုစိတ် ရှိနေပါသေးတယ်။ ဖခင်တစ်ဦး မဖြစ်လိုသေး။ ဒါပေမဲ့ ခင်ခင်ကြီးကို ယူပါမယ်လို့ ကတိပေးပြီး စီစဉ်စရာများအတွက် ရန်ကုန်ကို ခဏသွားနေချိန်မှာ အဖြစ်အပျက်အားလုံးကို ခင်ခင်ကြီး မိဘတွေ သိရှိခဲ့ပြီး ခင်ခင်ကြီးကို အဖေဦးအောင်ခန့်က ညတွင်းချင်းပဲ အိမ်ပေါ်က မောင်းချခဲ့တယ်။

    🔰 ခင်ခင်ကြီးလည်း မိုးတွေသည်းနေတဲ့ ညမှာ အားကိုးစရာ မောင်မောင်ဦး အိမ်ကို ထွက်လာခဲ့တယ်။ ဦးကောင်းမိုးနဲ့ တွေ့ပြီး မောင်မောင်ဦးမရှိကြောင်း ပြောပြီး အိမ်တွင်း အဝင်မခံခဲ့တာမို့ ပြန်ထွက်သွားခဲ့ရတယ်။ နောက်ရက်မှာ ခင်ခင်ကြီး ပျောက်ဆုံးနေတဲ့ သတင်းဟာ ဟိုးလေးတစ်ကျော်ဖြစ်ပြီး မောင်မောင်ဦးနဲ့ ခိုးရာလိုက်ပြေးခဲ့တယ်လို့ ထင်ခဲ့ကြပေမဲ့ ‌ရက်များမကြာမီ မောင်မောင်ဦး မြို့ကို ပြန်ရောက်လာချိန်မှာတော့ ထိုအထင် မမှန်ကန်ကြောင်း နားလည်သွားကြတယ်။ မောင်မောင်ဦးကတော့ အဖေ ဦးအောင်ခန့်က ခင်ခင်ကြီးကို တစ်နေရာ ပို့ထားတယ်လို့ ထင်ခဲ့ပြီး ဦးအောင်ခန့်နဲ့ သွားတွေ့တယ်။ ဦးအောင်ခန့် ခြံစောင့်ပြောကြားချက်အရ ခင်ခင်ကြီးတို့ မိသားစုလည်း ခင်ခင်ကြီးတစ်ယောက် ဘယ်ရောက်နေတယ်ဆိုတာ မသိကြောင်း သိသွားခဲ့ရပါတယ်။
    __________________________

    🔰 ဒါဟာ ဇာတ်လမ်းရဲ့ တကယ့်ကို အစဆိုမှ အစပဲ ရှိပါသေးတယ်။ အခုဖော်ပြထားတဲ့ ရှေးဦးဇာတ်‌ကောင်တွေ၊ သူတို့တစ်ဦးချင်းရဲ့ စိတ်ခံစားချက်၊ အပြုအမူ၊ အဆုံးသတ်သွားရတာတွေအပြင် ‌သူတို့နဲ့ ဆက်စပ်ပြီး နောက်ပိုင်း ထပ်ပြီး ထွက်လာတဲ့ ဇာတ်ကောင်တွေကလည်း ဆွဲဆောင်မှုရှိပြီး ဇာတ်ရဲ့အရှိန်ကို တက်သထက်တက်စေပါတယ်။ plot တစ်ခုချင်း တစ်ခုချင်းဟာ ဆွဲဆောင်သွားတာများဟာ ဇာတ်လမ်းရဲ့ အခင်းအကျင်းတွေက မျက်စိထဲ ကွက်ကွက်ကွင်းကွင်း မြင်ရလောက်အောင်ထိ စာရေးသူရဲ့ ကလောင်စွမ်းဟာ အံ့မခန်းပါပဲ။ ဦးအောင်ခန့်နဲ့ ဦးကောင်းမိုးတို့ သေဆုံးတဲ့အခန်း၊ မသူဇာနဲ့ ဒေါ်ခေမာတို့ သေဆုံးတဲ့အခန်း၊ ခင်ခင်ကြီး အိမ်ပေါ်ကနေ ဆင်းလာတဲ့အခန်း၊ တင်ရီရီ မန္တလေးက ထွက်ပြေးလာတဲ့ အခန်းနဲ့ ကားတိုက်မိတဲ့အခန်းတွေဟာ ဇာတ်ကောင်တွေရဲ့ စိတ်ထဲက အတွေးတွေအထိ ဝင်ရောက်ကာ အသေးစိတ် ခြယ်မှုန်းတင်ပြပြီး ဇာတ်ဝင်ခန်းကို အရှိန်အမြင့်ဆုံးရောက်အောင် ခေါ်ချသွားပါတယ်။

    🔰 ဒါကြောင့်လည်း ဂန္ထဝင်ဝတ္ထုကြီး ရေနံ့သာခင်ခင်ကြီးရယ်လို့ စာချစ်သူတွေအကြား ညွှန်းဆိုကြပေတာပေါ့။ အချိန်များရခဲ့ရင် ဖတ်ကြည့်စမ်းစေချင်ပါလေရဲ့။ မှတ်မှတ်ရရ ဒီစာအုပ်ကို ဒီနှစ် စိတ်ကူးချိုချိုစာအုပ်ပွဲ ဇန်နဝါရီ ၂၀၂၃ မှာ ဝယ်ခဲ့ပြီး ခုဒီဇင်ဘာဆိုတော့ တစ်နှစ်မပြည့်ခင် ဖတ်ဖြစ်သွားပါတယ်။
    __________________________

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

မောင်သိန်းဆိုင် စာအုပ်များ