စိတ်လုံခြုံမှုရပ်ဝန်းငယ်

( 1 မှတ်ချက်)

7000 (ကျပ်)

“မိမိကိုယ်ကိုချစ်မြတ်နိုးပြီး ကိုယ်ပိုင်စိတ်လုံခြုံမှုရပ်ဝန်း​လေးတစ်ခု တည်​ဆောက်လိုသူတိုင်းအတွက် မဖြစ်မ​နေဖတ်သင့်တဲ့စာအုပ်​ကောင်း​လေးတစ်အုပ် ”

ဒီစာအုပ်​လေးဖတ်ပြီးရင်​တော့ မိမိကိုယ်ကို ချစ်မြတ်နိုးမှု (self-love) ရနိုင်သလို၊ တခြားလူ​တွေအ​ပေါ်မှာ ခွင့်လွှတ်စိတ်နဲ့ ပူပင်​သောက​တွေကို လွှတ်ချလာနိုင်ပါလိမ့်မယ်။ ဘဝကို ဘယ်လို​ပျော်ရွှင်ချမ်း​မြေ့​အောင်​နေရမလဲ၊ မိမိရဲ့ စိတ်​နေသ​ဘောထား​တွေကို ဘယ်လိုပြုပြင် ​ပြောင်းလဲ ​နေထိုင်ရမလဲဆိုတဲ့ အချက်​တွေလဲ ​ဖော်ပြထားလို့ စာဖတ်သူ​တွေအတွက် တကယ့်ကို ‘စိတ်လုံခြုံမှုရပ်ဝန်း​လေး’ ဖန်တီး​ပေးပါလိမ့်မယ်။လူငယ်တစ်ဦးအ​နေနဲ့ ကိုယ်တိုင်ကြုံ​တွေ့ ခံစားရတာ​လေး​တွေနဲ့ နှိုင်းယှဥ်​ရေးသားပြတဲ့အတွက် လူငယ်ထုအတွက်လဲ အတုယူကာ၊ မိမိစိတ်ကို ပြုပြင်​ပြောင်းလဲနိုင်ဖို့အတွက် စိတ်ခွန်အား​တွေ​ပေးတဲ့ စာစု​လေး​တွေအဖြစ် မြင်​တွေ့ရပါတယ်။

စာအုပ်ရဲ့​နောက်ဆုံးအပိုင်း’သင့်ရဲ့အိမ်က​လေး’ အထိ အပြီးဖတ်ပြီးသွားရင်​တော့ စာဖတ်သူဟာ စိတ်လုံခြုံမှုရပ်ဝန်းငယ်အဖြစ် သင့်ရဲ့ကိုယ်ပိုင်အိမ်​လေးတစ်လုံး တည်​ဆောက်ပိုင်ဆိုင်သွားမှာပါ လို့​ပြောပါရ​စေ။

စာမျက်နှာ

184

စာအုပ်အရွယ်အစား

5.4 x 0.4 x 8.3 inches

ပုံနှိပ်မှတ်တမ်း

The Book Townစာပေ 2024၊ မေလ (သတ္တမအကြိမ်)

စျေးနှုန်းအပြောင်းအလဲ

24.5.2024 နေ့မှစတင်၍ မူရင်းထုတ်ဝေတိုက်မှ ကျပ် 7000 စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။

16 in stock

စိတ်လုံခြုံမှုရပ်ဝန်းငယ် အား ဝေဖန်သုံးသပ်မှု 1 ရှိပါသည်။

  1. စွမ်းအားကျော်ဇံ (verified owner)

    မင်းက စိတ်လုံခြုံမှုမရှိတော့ဘူးလို့ ခံစားနေရရင် ဒီစာအုပ်ကို ဖတ်ကြည့်သင့်တယ်။

    သင့်အတွက် စိတ်လုံခြုံမှုရပ်ဝန်းငယ်လေး (ဒါမှမဟုတ်) သင့်ရဲ့ အိမ်ကလေးဟာ သင်ကိုယ်တိုင်ပါပဲ။ ဘယ်သူ့ကမှလည်း စိတ်လုံခြုံမှု ဘယ်တော့မှ မပေးနိုင်ပါဘူး။ ကိုယ်ကိုယ်တိုင် ကိုယ့်စိတ်လုံခြုံအောင် ဖန်တီးယူတတ်ရမယ့် အရာပါ။

    စိတ်လုံခြုံမှုရပ်ဝန်းငယ်တစ်ခုကို တည်ဆောက်မယ်ဆိုရင် –
    ⁃ ကိုယ်ကိုယ်တိုင် စိတ်ဒဏ်ရာတွေကို ကုစားတတ်ရမယ်။
    ⁃ ဝမ်းနည်းစရာ၊ ပြိုလဲစရာတွေကြုံလာတဲ့အခါ ကိုယ်ကိုယ်တိုင် ထွေးပွေ့တတ်ရမယ်။ ကိုယ်ကိုယ်တိုင် နှစ်သိမ့်တတ်ရမယ်။ လွှတ်ချသင့်ရင် လွှတ်ချတတ်ရမယ်။
    ⁃ ကိုယ့်ကိုယ်ကိုယ်လည်း ခွင့်လွှတ်သင့်ရင် ခွင့်လွှတ်တတ်ရမယ်။
    ⁃ ကိုယ်ကိုယ်တိုင် Boundary ချထားရမယ်။
    ⁃ ပတ်ဝန်းကျင်ရဲ့ ရိုက်ခတ်မှုတွေ၊ ကိုယ့်အပေါ်မကောင်းတဲ့သူ စတဲ့ တစ်ဖက်သားတွေရဲ့ မကောင်းမှုတွေ (Negative Energy)ကြောင့် Absorb မလုပ်မိဖို့၊ ကိုယ့် Energy မကျအောင် ကာကွယ်တတ်ရမယ်။
    ⁃ ကိုယ့်ကိုယ်ကိုယ်လည်း ရှာဖွေတတ်ရမယ်။
    ⁃ ကိုယ်ကိုယ်တိုင် ကိုယ့်ရဲ့ ပုံစံအတိုင်း လွတ်လွတ်လပ်လပ် ပေါ့ပေါ့ပါးပါး ရှင်သန်တတ်ရမယ်။

    အဓိကပြောရရင် စိတ်ဆင်းရဲမှုကြားထဲမှာ ဘယ်လိုစိတ်ထားမျိုးနဲ့ ကိုယ့်စိတ်လုံခြုံမှုကောင်းအောင် နေတတ်ထိုင်တတ်ဖို့ပဲ။ ဒီလိုမှမဟုတ်ရင် ကိုယ့်ဘဝအတွက် ရှေ့ဆက်လို့မရဘူး။

    ဒါကို အပိုင်းခုနစ်ပိုင်းနဲ့ စာစုတိုလေးတွေနဲ့ ရေးပြထားတာပါ။ အပိုင်းတစ်ပိုင်းချင်းစီတိုင်းမှာ ကိုယ့်မှာ နာကျင်လာတဲ့ စိတ်ဒဏ်ရာတွေကို ကုစားတတ်ဖို့ (Healing လုပ်တတ်ဖို့)လည်း ထပ်ခါထပ်ခါ ရေးပြထားတယ်။

    စိတ်ပိုင်းဆိုင်ရာ ကုသမှုခံယူတာ၊ နှစ်သိမ့်ဆွေးနွေးပေးတာ (Counseling)ဟာ ရှက်စရာ၊ ကြောက်စရာမဟုတ်ဘူးလို့ တကယ်ရေးပြထားတယ်။ စိတ်ပိုင်းဆိုင်ရာ နှစ်သိမ့်ဆွေးနွေးပေးမှု (Counseling) ပေးနိုင်တဲ့ နေရာလေးတွေကို လက်လှမ်းမှီသလောက် ရေးပြထားတာ တကယ်လည်း ကောင်းပါတယ်။

    စိတ်လုံခြုံမှုရပ်ဝန်းငယ်ဟာ စာမဆန်ဘဲ လက်တွေ့ဆန်အောင် ပေါ့ပေါ့ပါးပါးလေး ရေးပြထားတယ်။ အရမ်းကြီးရှည်လေမျောကြီးမဟုတ်ဘဲ တိုတိုတုတ်တုတ်လေးနဲ့ ဖတ်လို့ကောင်းအောင် ရေးပြထားတာ တွေ့ရတယ်။

    အခု ဒီစာအုပ်ကို တစ်ထိုင်တည်း မဖတ်ဘဲ နည်းနည်း နည်းနည်းချင်းစီဖတ်မှ အဆင်ပြေမယ့် စာအုပ်မျိုးပါ။ ယူသင့်တဲ့အရာကိုယူသင့်၊ ပယ်သင့်တဲ့အရာကို ပယ်သင့်တယ်ဆိုပေမယ့် စာတစ်အုပ်လုံးက လက်တွေ့တအားဆန်လွန်းတာမို့ ကြိုက်ကြိုက်မကြိုက်ကြိုက် ရွေးယူလို့မရဘူး။

    နောက်ထပ်ကလေးမျိုးဆက်တွေကို မိဘ(ဒါမှမဟုတ်) အုပ်ထိန်းသူတွေအနေနဲ့ ဒီစာအုပ်ကို ပေးဖတ်ပြသင့်ပါတယ်။

    အဆိုးတွေများတဲ့ ပတ်ဝန်းကျင်လူ့လောကကြီးအလယ်မှာ စိတ်လုံခြုံမှုကို ကိုယ်ကိုယ်တိုင် အာမခံချက်အပြည့်နဲ့ တည်ဆောက်ပြီး ဘဝကို လွတ်လပ်စွာ ရှင်သန်တတ်ကြပါစေ။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

စူးရှမေ စာအုပ်များ