စိတ်လုံခြုံမှုရပ်ဝန်းငယ်

“မိမိကိုယ်ကိုချစ်မြတ်နိုးပြီး ကိုယ်ပိုင်စိတ်လုံခြုံမှုရပ်ဝန်း​လေးတစ်ခု တည်​ဆောက်လိုသူတိုင်းအတွက် မဖြစ်မ​နေဖတ်သင့်တဲ့စာအုပ်​ကောင်း​လေးတစ်အုပ် ”

ဒီစာအုပ်​လေးဖတ်ပြီးရင်​တော့ မိမိကိုယ်ကို ချစ်မြတ်နိုးမှု (self-love) ရနိုင်သလို၊ တခြားလူ​တွေအ​ပေါ်မှာ ခွင့်လွှတ်စိတ်နဲ့ ပူပင်​သောက​တွေကို လွှတ်ချလာနိုင်ပါလိမ့်မယ်။ ဘဝကို ဘယ်လို​ပျော်ရွှင်ချမ်း​မြေ့​အောင်​နေရမလဲ၊ မိမိရဲ့ စိတ်​နေသ​ဘောထား​တွေကို ဘယ်လိုပြုပြင် ​ပြောင်းလဲ ​နေထိုင်ရမလဲဆိုတဲ့ အချက်​တွေလဲ ​ဖော်ပြထားလို့ စာဖတ်သူ​တွေအတွက် တကယ့်ကို ‘စိတ်လုံခြုံမှုရပ်ဝန်း​လေး’ ဖန်တီး​ပေးပါလိမ့်မယ်။လူငယ်တစ်ဦးအ​နေနဲ့ ကိုယ်တိုင်ကြုံ​တွေ့ ခံစားရတာ​လေး​တွေနဲ့ နှိုင်းယှဥ်​ရေးသားပြတဲ့အတွက် လူငယ်ထုအတွက်လဲ အတုယူကာ၊ မိမိစိတ်ကို ပြုပြင်​ပြောင်းလဲနိုင်ဖို့အတွက် စိတ်ခွန်အား​တွေ​ပေးတဲ့ စာစု​လေး​တွေအဖြစ် မြင်​တွေ့ရပါတယ်။

စာ​ရေးဆရာဆိုတာ စာဖတ်သူအ​ပေါ်မှာ ရိုးသားဖြူစင်မှုရှိရပါမယ်။ ဒီအချက်နဲ့လဲ စာ​ရေးသူက ပြည့်စုံ​နေပါတယ်။ စာ​ရေးသူကိုယ်တိုင် လူငယ်သဘာဝအရ စိတ်ခံစားမှုပြသနာ​လေး​တွေ ကြုံ​တွေ့ရ​​ကြောင်း၊ စိတ်ပိုင်းဆိုင်ရာ ​ဆွေး​နွေးအကြံ​ပေးမှု Professional Counseling ခံယူခဲ့​ကြောင်း၊ မိမိကိုယ်ကို စိတ်သန့်ရှင်း​ရေးလုပ်ပြီး ပြန်လည်​ပျော်ရွှင်​အောင် ပြုပြင်​နေထိုင်ခဲ့​ကြောင်း စတဲ့အချက်​လေး​တွေကပဲ ရိုးသားဖြူစင်မှုကို ​ဖော်ပြ​နေပါတယ်။ပြီး​တော့ ‘စိတ်ပိုင်းဆိုင်ရာကုသမှု ခံယူတယ်ဆိုတာ ရှက်စရာမဟုတ်​ကြောင်း’ လဲ ပညာ​ပေး​ရေးသားထားပါတယ်။ Peer Counselor ပမာ ဘဝတူလူငယ်​တွေအတွက် ဘဝကို ပျော်ရွှင်​အေးချမ်းစွာ ဘယ်လိုဖြတ်သန်းရမယ်၊ စိတ်ဖိစီးမှုကြုံရင် ဘယ်လိုနည်းလမ်း​တွေနဲ့ ​​လျှော့ချရမယ်ဆိုတာ​​လေး​တွေပါ ​ရေးသားထားတဲ့အတွက် တန်ဖိုးရှိတဲ့စာအုပ်​ကောင်းတစ်အုပ်လို့ ညွှန်းဆိုချင်ပါတယ်။

ဒီစာအုပ်​လေးမှာပါဝင်တဲ့ စာစု​လေး​တွေက​တော့ အားလုံး​ကောင်းတဲ့အတွက် စာဖတ်သူအ​နေနဲ့ ကိုယ်တိုင်ဖတ်ရှုခံစားကြည့်ပါလို့ အကြံပြုချင်ပါတယ်။ စာအုပ်ရဲ့​နောက်ဆုံးအပိုင်း’သင့်ရဲ့အိမ်က​လေး’ အထိ အပြီးဖတ်ပြီးသွားရင်​တော့ စာဖတ်သူဟာ စိတ်လုံခြုံမှုရပ်ဝန်းငယ်အဖြစ် သင့်ရဲ့ကိုယ်ပိုင်အိမ်​လေးတစ်လုံး တည်​ဆောက်ပိုင်ဆိုင်သွားမှာပါ လို့​ပြောပါရ​စေ။

ဆရာမ​ဒေါ်မြမြ​​ဆွေ(စိတ်ပညာ)၏ အမှာစာမှ ကောက်နှုတ်ဖော်ပြချက်