အကောင်းမြင်စိတ်ဖြင့် အလုပ်လုပ်ခြင်း

ဒေါက်တာဘွဲ့ယူထားသူတွေဖြစ်ကြတဲ့ “အာနိုးဖောက်” နဲ့ “ဘာရီဖောက်” တို့ ပူးပေါင်းရေးသားထားတဲ့ စာအုပ်ဖြစ်ပါတယ်။ ဒီစာအုပ်ရဲ့ အရင်ကလည်း သူတို့နှစ်ယောက် ပူးပေါင်းရေးသားထားတဲ့ “နိုးထလော့” ဆိုတဲ့ စာအုပ်တစ်အုပ်ထွက်ဖူးပါတယ်။ စာအုပ်နှစ်အုပ်လုံး ဘဝမှာ ကြီးပွားချမ်းသာရေးလမ်းကြောင်းကို ဦးတည်တဲ့ မဟာဗျူဟာတွေကို ရေးသားဖော်ပြထားပါတယ်။ အဲ့ဒီ့စိတ်ကူးတွေဟာ ဖြစ်နိုင်ပါ့မလားဆိုတဲ့ သံသယတွေကို ချေဖျက်ဖို့အတွက် “ဖောက်” မိသားစုက သက်သေသာဓကတွေနဲ့ပါ ရေးသားဖော်ပြပေးထားပါတယ်။

ယခုစာအုပ်တွင်လည်း မိမိကို ပြောင်းလဲပေးနိုင်သူဟာ မိမိကိုယ်တိုင်ပဲဖြစ်တဲ့အကြောင်းနှင့် မိမိကိုယ်မိမိပြောင်းလဲခြင်းအားဖြင့် တခြားသူတွေက အတုယူစရာဖြစ်အောင် လုပ်ဆောင်သင့်ကြောင်း ရေးသားထားပါတယ်။