တော့တိုကျန်

( 3 မှတ်ချက်)

3500 (ကျပ်)

တော်မော့အဲ့မူလတန်းကျောင်းတည်ထောင်သူကျောင်းအုပ်ဆရာကြီး ကောဘယရှီအကြောင်းကို တော့တိုကျန်ဟူသော ကျောင်းသူလေးက ပြန်ပြောပြသော ၀တ္ထုဇာတ်လမ်း တစ်ပုဒ်ဖြစ်ပါတယ်။ ၁၉၈၁ ခုနှစ်တွင် ပထမဆုံးအကြိမ် ထုတ်ဝေခဲ့သော “တော့တိုကျန်” သည် ၁၉၈၂ ခုနှစ်တွင် (၅၂) ကြိမ်မြောက် ထုတ်ဝေရသည်အထိ အုပ်ရေပေါင်း (၄)သန်းကျော်ကို တစ်နှစ်အတွင်းပြိုက်ခနဲရောင်းကုန်သွားသော စာအုပ်လည်းဖြစ်သည်။ ယခုစာအုပ်မှာ တော့တိုကျန်ကျောင်းသူလေး ငယ်စဉ်ကလေးဘ၀အတွေ့အကြုံများကို အသေးစိတ်ရေးဖွဲ့ထားပါသည်။ သည့်အပြင် တပည့်များကို ရင်ဝယ်သားကဲ့သို့ ချစ်မြတ်နိုးပြီး နွေးထွေးစွာမေတ္တာပေး ဆိုဆုံးမတတ်သော အမြော်အမြင်ကြီးမားလှသော ကျောင်းအုပ်ဆရာကြီးနှင့် သူ့ကို ချစ်ခင်လေးစားအားကျရသော တပည့်များ၏ ဆက်ဆံရေးကိုလည်း ပေါ်လွင်စွာ ဖတ်ရှုရပါတယ်။
“အာစရိယဂုဏော အနန္တော” ဟူသော ဂုဏ်ပုဒ်သည်ပီပြင်သည်ဟုယူဆပါလျှင် ကြိုးစားပြီး ဘာသာပြန်ရကျိုးနပ်ပါပြီဟု ဆရာရဲမြလွင်က အမှာစကားမှာ ဆိုထားပါတယ်။

စာမျက်နှာ

320

စာအုပ်အရွယ်အစား

5.2 x 0.5 x 8 inches

ပုံနှိပ်မှတ်တမ်း

ကောင်းသန့်စာပေ၊ 2020 ဩဂုတ်လ (ဒု – ကြိမ်)

Out of stock

တော့တိုကျန် အား ဝေဖန်သုံးသပ်မှု 3 ရှိပါသည်။

  1. ကလေးစိတ်ပညာ နှင့် ပညာရေး

    ကလေးစိတ်ပညာဆိုင်ရာ စာအုပ် REVEW
    ————————————————-
    မိဘ ဆရာတိုင်း ဖတ်သင့်တဲ့
    ဖြစ်ရပ်မှန် ဂျပန်နိုင်ငံက
    ကမ္ဘာ့ပထမဆုံး စံပြ ကျောင်းလေး
    တစ်ကျောင်းအကြောင်းဖြစ်ပါတယ်။

    *အရာရာစူးစမ်းတတ်တဲ့ စိတ်တွေနဲ့ ပထမတန်း ကျောင်းစတက်တဲ့ ရက်သတ္တပတ်အတွင်းမှာပဲ ကျောင်းထုတ်ခံလိုက်ရတဲ့ ခုနနှစ်အရွယ် ကျောင်းသူလေး တော့တိုးချန်…..

    * ကျောင်းက သမီးဖြစ်သူကို အရမ်းဆိုးတယ်ဆိုတဲ့ ဂုဏ်ပုဒ်နဲ့ အထုတ်လိုက်သည်ကိုပင် သမီးအား အပြစ်မမြင် အပြစ်မပြောဘဲ ကလေးငယ်ရဲ့စိတ်ကို နားလည်တဲ့ မိခင်တစ်ယောက်…..

    *ကျောင်းသစ် စတက်တဲ့နေ့မှာ မိခင်က ဘာမှမပြောလိုက်ရခင်မှာပဲ ကျောင်းအုပ်ဆရာကြီးကို မိမိကိုယ်တိုင်နှုတ်ဆက်ပြီး မိမိကိုယ်ကို ကျောင်းအပ်ခဲ့တဲ့ ပထမတန်း ကျောင်းသူလေး တော့တိုးချန်….

    *ကျောင်းစအပ်တဲ့နေ့ ကျောင်းအပ်ရာ ရုံးခန်းမှာပဲ ပထမတန်းအရွယ် ကလေးတစ်ယောက်ရဲ့ တီတီတာတာ ပြောစကားတွေကို ၄-နာရီလုံးလုံး စိတ်ဝင်တစား နားထောင် ပေးခြင်းဖြင့် ကလေးငယ်ထံမှ ရင်နီးမှု ယုံကြည်မှု လေးစားမှုတွေကို ရယူခဲ့တဲ့ ကလေးစိတ်ပညာဆိုင်ရာ အထူးကျွမ်ကျင်တဲ့ ကျောင်းအုပ်ဆရာကြီး……

    *စုပေါင်းပြီး နေ့လယ်စာ စားတဲ့အခါ ကလေးငယ်များ အာဟာရပြည့်ပြည့် ၀၀စားသုံးတတ်စေလိုတယ်။ ဒါကြောင့် ပျော်ရွှင်စရာ ကစားနည်း အဖြစ် အိမ်က ဟင်းထည်လာတဲ့အခါ ပင်လယ်ထဲက တစ်ခုခုနဲ့ တောင်ကုန်းပေါ်က တစ်ခုခု ထည့်လာကြဖို့ မှာလေ့ရှိတဲ့ ကျောင်းအုပ်ဆရာကြီး…..

    *ကျောင်းစအပ်တဲ့နေ့မှာ ဆရာကြီးရဲ့ ရင်းနီးမှု ချစ်ခင်မှုတွေက နံနက်စောစော ထလေ့မရှိတဲ့ ကလေးငယ်ကို နံနက်စောစောဖြစ်ဖို့ ဘာစကားမှ ဆုံးမစရာမလိုဘဲ အလိုအလျောက် အကျင့်ကောင်းကို ဖြစ်ပေါ်စေခဲ့တယ်…..

    *ကျောင်းကနေ အိမ်ပြန်ရောက်တိုင်း ကျောင်းကအတွေ့အကြုံတွေ အံဖွယ်တွေ ပျော်စရာကောင်းပုံတွေကို နေတိုင်း မိခင်ကို ပြန်ပြောလောက်အောင်ထိ ကလေးငယ်များကို ပျော်ရွှင်မှုပေးတဲ့ကျောင်း…

    *ညအိပ်ရာဝင်တိုင်း မနက်မြန်မြန် ရောက်ပါစေလို့ စုတောင်းရင်း မနက်မှာ ကိုယ်တိုင် စောစောထပြီး ကျောင်းသွားဖို့ပြင်ဆင်နေတတ်တဲ့ ကလေးငယ်နှင့် ထိုသို့ဖြစ်အောင် ကလေးငယ်ကို ကျောင်းပျော်ဖို့ စွဲဆောင်နိုင်တဲ့ ကျောင်းတစ်ကျောင်းအကြောင်း………။

    *ကလေးငယ်များရဲ့ လွတ်လပ်တဲ့စိတ်နဲ့ ပျော်ရွင်မှုတွေကို အားပေးရင်း သင်းကြားနည်း အမျိုးမျိုးကို သုံးသွားတဲ့ ကျောင်းတစ်ကျောင်းရဲ့ အကြောင်းပဲ ဖြစ်ပါတယ်။

    *ထိုကျောင်းလေးက ကလေးငယ်တွေကနေ နိုင်ငံကျော် ရူပဗေဒ
    ပညာရှင်..၊ ရုပ်မြင်သံကြား မင်းသမီး..(အခု ဒီစာအုပ်ကို ရေးတဲ့စာရေး ဆရာမလေး) နဲ့ တခြား သူတို့ ဝါသနာပါတဲ့ လုပ်ငန်းတွေမှာ ထူးချွန်တဲ့ သူများ ဖြစ်သွားကြပါတယ်။

    *ဒီစာအုပ်ဟာ ဂျပန်နိုင်ငံမှာ ရောင်းအားအကောင်းဆုံး စာအုပ်တစ်အုပ် ဖြစ်ခဲ့သလို မြန်နိုင်ငံမှာလည်း စာပေဆုရ စာအုပ်တစ်အုပ်လည်းဖြစ်ခဲ့ပါတယ်။

    *မူရင်းစာရေး ဆရာမကတော့ ဇာတ်လမ်းထဲက တော့တိုးချန်ပဲဖြစ်ပါတယ်။
    သူမအလုပ်ထဲရောက်တဲ့အခါ သူငယ်ငယ်က နေခဲ့ရတဲ့ အလွန်ပျော်စရာကောင်းတဲ့ စံပြကျောင်းလေး အကြောင်းကို ပြန်ရေးသားပြခြင်းပဲဖြစ်ပါတယ်။

    မိဘ ဆရာတိုင်းကို ဖတ်ကြည့်စေချင်ပါတယ်။

    အားလုံးကိုလေးစားလျက်….
    ကလေးစိတ်ပညာနှင့်ပညာရေး

  2. Ko khaing lin phyo

    တော့တိုကျန် ကို ဖတ်တဲ့အခါ
    မိမိ ကိုယ်တိုင် တော့တိုကျန် ဖြစ်ချင်မိတာ
    သူက မနက်ဖြန် ကျောင်းရောက်ဖို့ စိတ်စောနေသလို ကိုယ် ကလဲ စာတစ်မျက်နှာလှန်ပြီး သူဘာလုပ်မလဲ သိချင်နေမိတာ
    တော့တိုကျန် လို သမီးလေးတစ်ယောက် လိုချင်မိတယ်ဆိုပေမယ့် ကိုယ်တိုင် သူလို ခလေးဘဝ ကိုပြန်ရောက်ချင်မိတာ
    ဟုတ်ကဲ့ သူက ကျွန်တော် တို့ အချိန်တွေကိုလွန်ဆန်ပြီး ဖြူစင်တဲ့ ခလေးတစ်ယောက်ရဲ့ ခံစားချက်ကို ပြန်ပေးနိုင်တဲ့ စာအုပ်ကောင်း တစ်အုပ်ပါ

  3. Lai Lai Win Hlaing

    ဘ၀ မှာ အကြိုက်ဆုံး စာအုပ်ပါ။ သမီး က လိမ်မာတဲ့ ကလေးပါ ဆိုတဲ့ စကားဟာ ကလေး တယောက်ဘ၀ ကို ဘယ်လောက် ပြောင်းလဲ သွားစေနိုင်တယ် ဆိုတာ သိရလို့။ ဘာသာပြန်တဲ့ ဆရာ ကျေးဇူး နဲ့ မြန်မာလို ဖတ်ရတာ ကိုယ့်ဘာသာ နဲ့ ဖြစ်လို့ အရသာ အရှိဆုံးပါဘဲ။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ရဲမြလွင် စာအုပ်များ