သူလိုလူ

( 3 မှတ်ချက်)

6500 (ကျပ်)

နိုင်ငံတော်ချစ် သတင်းစာဆရာ၊ နိုင်ငံရေးသမားကြီးတစ်ဦး၏ အလွန်တိုတောင်းလှသော ဘဝသက်တမ်းတွင်  ယုံကြည်နိုင်ရန် ခဲယဉ်းလှပေသော သူ၏အတွင်းရေးအတ္ထုပ္ပတ္တိကြီးကို ဂျာနယ်ကျော်မမလေးသည် “သူလိုလူ” ဟူသော နာမည်ဖြင့် ရေးသားထုတ်ဝေလိုက်ခြင်းဖြစ်ပေသည်။ ဤဝတ္ထုသည် ဆန်းလွန်းသော လူရိုးတစ်ယောက်၏ အကြောင်းဖြစ်ပြီး၊ ရိုးလွန်းသော လူဆန်းကြီးတစ်ဦး၏ အကြောင်းလည်းဖြစ်၏။သို့ဖြစ်၍ ဤဝတ္ထုသည် ဆန်းဆန်းနှင့်ရိုး၍၊ ရိုးရိုးနှင့်ပင်ဆန်းနေ၏။

စာမျက်နှာ

575

စာအုပ်အရွယ်အစား

5.2 x 0.9 x 8.2 inches

ပုံနှိပ်မှတ်တမ်း

စိတ်ကူးချိုချိုစာပေ၊ 2016 ဇန်နဝါရီလ၊ (ဧကာဒသမ-ကြိမ်)

Out of stock

သူလိုလူ အား ဝေဖန်သုံးသပ်မှု 3 ရှိပါသည်။

  1. Eaint Mhue

    ဂျာနယ်ကျော်ဦးချစ်မောင်ကို ၉တန်းမှာစပြီးရင်းနှီးခဲ့တယ်

    ၉တန်းတုန်းက Bio ဆရာက “ဂျာနယ်ကျော်ဦးချစ်မောင်ဆိုတာ သူ့ထီးရိပ်အောက်မှာ မိုးခိုရင်း သူ့အိတ်ထဲကပိုက်ဆံကိုနှိုက်နေတဲ့ ခါးပိုက်နှိုက်ကိုတောင် နှိုက်ရတာပိုလွယ်အောင် မသိမသာနဲ့အိတ်ကပ်လေးကိုဟပေးခဲ့တာ. . အဲ့သလောက်စိတ်ထားကောင်းပြီး ငဲ့ညှာတတ်တာ. . ” ဆိုပြီး ဦးချစ်မောင်ရဲ့ရိုးသားပုံတွေကိုပြောပြောပြပြီး “မင်းတို့ အဲ့ဒီဦးချစ်မောင်အကြောင်းရေးထားတဲ့ “သူလိုလူ”ကို ဖတ်ကြစမ်းပါ၊ အတုယူကြစမ်းပါ၊ အဲ့လိုစာအုပ်မျိုးတွေဖတ်ရမှာ”လို့ စာသင်ရင်းအမြဲပြောပြောနေကျမို့ အဲ့ကနေစပြီး သိရှိဖတ်ရှုရင်း ရင်းနှီးခဲ့တယ်ဆိုပါတော့. . .

    ဦးချစ်မောင်ဟာ နယ်ချဲ့လက်အောက်ကနေ နိုင်ငံလွတ်လပ်ရေးရအောင်ကြိုးစားကြတဲ့နေရာမှာ ကလောင်လက်နက်နဲ့တိုက်ပွဲဝင်ခဲ့တဲ့သူတစ်ဦးဖြစ်တဲ့အလျောက် အဲ့ဒီခေတ်အခါက နိုင်ငံရေးလှုပ်ရှားမှုတွေလည်း ပါသင့်သလောက်ပါပါတယ်။

    ပြည်သူကိုသတင်းပေးတဲ့ သတင်းစာတစ်စောင်ဟာ ဘယ်လောက်အရေးကြီးသလဲ၊ အရေးပါအရာရောက်သလဲဆိုတာကလည်း မပါမဖြစ်ပေါ့။

    သူ့ဘဝမှာ အကြိုက်ဆုံးစာအုပ်တစ်အုပ်ကတော့ သူနဲ့အကျင့်စရိုက်ချင်း သိပ်ကိုတူလှတဲ့ Queed ဆိုတဲ့စာအုပ်ပါတဲ့၊ (ဦးဝင်းတင် ဘာသာပြန်ထားတာရှိပါတယ်၊ “ကွိ” ဆိုပြီးရှာဖတ်နိုင်ပါတယ်။)

    သတင်းစာလုပ်ငန်း/ဂျာနယ်လုပ်ငန်းအကြောင်းကိုလည်း လေ့လာနိုင်တယ်။

    ဆရာဝန်လည်းဖြစ်ချင်/သတင်းစာဆရာလည်းဖြစ်ချင်ခဲ့တဲ့ဦးချစ်မောင်တစ်ယောက် သတင်းစာလောကကို ဘယ်လိုရည်ရွယ်ချက်နဲ့ ဝင်ရောက်ဖြစ်ခဲ့တာလဲဆိုတာကလည်း လေးစားစရာပါ။

    ရိုးသားတဲ့နေရာမှာ သြချရလောက်အောင် ရိုးလွန်းတဲ့လူဆန်း၊ ဆန်းလွန်းတဲ့လူရိုးလူဖြောင့်ကြီး ဦးချစ်မောင်. . .
    ကိုယ်ကျိုးစွန့်တဲ့နေရာမှာလည်း အံ့သြရလောက်အောင်စွန့်နိုင်ခဲ့တဲ့ ဦးချစ်မောင်. . .
    သူ့ကြင်ဖော် ဂျာနယ်ကျော်မမလေးနဲ့တွေ့တဲ့အချိန်မှာတော့ “ကျွန်တော်တော့စျာန်လျှောပြီ”လို့ ထုတ်ပြောရလောက်တဲ့ထိ အရင်ကဘယ်အမျိုးသမီးတစ်ယောက်နဲ့မှ အဆက်အဆံမရှိ တည်ကြည်ခဲ့တဲ့ဦးချစ်မောင်. . .
    ဘယ်တော့မဆို သူ့ကိုယ်သူနှိမ့်ချပြီးပဲပြောတတ်/ဆက်ဆံတတ်တဲ့ ဦးချစ်မောင်. . .
    သူ့ဘဝတစ်လျောက်လုံးမှာ သူ့ထက်နိမ့်ကျတဲ့လူတစ်ယောက်ကိုမပြောနဲ့၊ ခွေးတစ်ကောင်ကိုတောင် ခြေနဲ့မကန်ဖူးခဲ့တဲ့ ဦးချစ်မောင်. . .

    နိုင်ငံ့အရေး၊ ပြည်သူ့အရေးကို အစဥ်တစိုက်ဂရုစိုက်ပြီး သူ့အသိ၊ သူ့ပညာတွေအမြဲမျှဝေခဲ့ပေမယ့်
    သူကိုယ်တိုင်ရဲ့ကျန်းမာရေးကိုတော့ ဥပေက္ခာပြုခဲ့တယ်။

    သူ့ဘဝနဲ့ယှဥ်ပြီးပေးခဲ့တဲ့ Message ကတော့ ဝါသနာပါရာ/စေတနာသန်ရာကို တစိုက်မတ်မတ်လုပ်ဆောင်သင့်တယ်ဆိုပေမယ့် ကျန်းမာရေးကိုတော့ အလွန်အကျူးလျစ်လျူရှုမထားဘဲ ဂရုစိုက်သင့်တယ်ဆိုတာပါပဲ. . .

    သြော်. . . ဦးချစ်မောင်. . .
    ငယ်ငယ်ရွယ်ရွယ်နဲ့ ကြွေလွင့်ခဲ့ရတယ်. . .
    နှမြောပါဘိခြင်း. . . နှမြောလှပါဘိခြင်း. . .

  2. မလေး

    “ဂျာနယ်ကျော်ဦးချစ်မောင်” အကြောင်းရေးထားတဲ့ သူလိုလူ စာအုပ်ကဖြင့် ပညာရှိသုခမိန်ကြီး ဆရာဦးချစ်မောင်၏

    -နိုင်ငံရေးတွင်လည်း ပညာခန်းကနေမားမားမတ်မတ်ရှိခဲ့သူ

    -ပြည်သူတို့အတွက် သတင်းအမှန် ဖြစ်မြောက်စေရေးအတွက် ရရာကလောင်စွဲကိုင်ပြီး လမ်းပြပေးခဲ့သူ

    -ပညာအရာတွင်လည်း ထိုထိုအီအီစာပေမှန်သမျှ ဖတ်ရူကာ ပညာခန်းမှ နိုင်ငံတော်အတွက်နေရာမရွေး အချိန်မရွေး အသင့်ဖြစ်နေတတ်သူ

    -ဘယ်လောက်ထိအောင်ဆိုရင် မိမိကျန်းမာရေးထိခိုက်သည်အထိ စာပေဖတ်ရူကာ နိုင်ငံတော်အတွက် ဉာဏအားဖြင့် အလုပ်အကျွေးပြုခဲ့သူ၊ တိုက်ပွဲဝင်ခဲ့သူ

    အကြောင်းရေးသားထားသည်မှာ ဆရာမနှင့်ထပ်တူလွန်စွာနှမြောတသဖြစ်မိပါသည်။ မြန်မာနိုင်ငံမှာထိုကဲ့သို့ ပညာရှိတွေရှိခဲ့သည့်အကြောင်း သိခွင့်ရအောင်ရေးသားထုတ်ဝေပေးခဲ့သည့်အတွက်လည်း ဆရာမဂျာနယ်ကျော်မမလေးကိုလည်းလွန်စွာကျေးဇူးတင်မိပါသည်။ နောင်လာနောင်သားတွေသိရှိနိုင်ဖို့ အိမ်တိုင်းရှိသင့်တဲ့စာအုပ်တစ်အုပ်ပါပဲရှင်။

  3. အောင်နွယ်ထွန်း

    အခုဆို “သူလိုလူ” ဧကာဒမအကြိမ် စာအုပ်ထုတ်ဝေရောင်းချခဲ့ပြီးပြီ။
    စာလုံးပေါင်းသတ်ပုံ မှားတာတွေ အကြိမ်ကြိမ်တွေ့ရလို့ ဖတ်နေရင်းနဲ့ စိတ်မသက်မသာဖြစ်ရတယ်။ ကန့်ကွယ်(မှားရိုက်) ၊ တစ်စုံတစ်ရာ၊ တစ်လုံးတစ်ဝတည်း၊ တစ်ပါတည်း၊ မှတစ်ဆင့်၊ … ဆိုတာတွေမှာ တဝမ်းပူကိုစသတ် စရာ မလိုပါဘဲ နေရာတိုင်း ထည့်‌ရိုက်ထားတယ်။ စာရိုက်သူအမှားလား၊ စာစစ်သူတွေရဲ့အမှန်ထင်မှုလား မဝေခွဲတတ်ပါ။ ပထမအကြိမ်ထုတ် စာအုပ်အတိုင်း စာလုံးပေါင်းစေချင်ပါတယ်။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

ဂျာနယ်ကျော်မမလေး စာအုပ်များ