နံရံ၏ အခြားတစ်ဘက်

( 1 မှတ်ချက်)

5000 (ကျပ်)

စာမျက်နှာ

278

စာအုပ်အရွယ်အစား

5.2 x 0.7 x 8.1 inches

ပုံနှိပ်မှတ်တမ်း

ဂျူးစာပေ၊ 2020 သြဂုတ်လ၊ (တတိယကြိမ်)

စျေးနှုန်းအပြောင်းအလဲ

8.3.2023 ရက်နေ့မှစတင်၍ မူရင်းထုတ်ဝေတိုက်မှ 5000 ကျပ် စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။

3 in stock

နံရံ၏ အခြားတစ်ဘက် အား ဝေဖန်သုံးသပ်မှု 1 ရှိပါသည်။

  1. Aeri Myat

    “ဘယ်လူသား၏ ဘဝတွင်မှ အချိန်ကာလ လုံလောက်မှုဆိုတာ မရှိပါ။
    လူသားအားလုံးသည် မိမိဆန္ဒများ ပြည့်ဝသည်အထိ လူ့လောကမှာ နေထိုင်ဖို့ အခွင့်အရေး မရကြပါ။သေခြင်းတရားသည် ဘာကိုမျှမစောင့်၊ မည်သူ့ကိုမျှ မစောင့်ပါ။”
    လူတစ်ယောက်က ဘယ်နေ့၊ဘယ်ရက်မှာ သေဆုံးမယ်ဆိုတာ ကြိုသိနိုင်ခဲ့မယ်ဆိုရင် လောဘ၊ဒေါသ၊မာန်မာနတွေအားလုံးလျော့ပါး ပျောက်ကွယ်သွားနိုင်မလားလို့ တွေးကြည့်မိပါတယ်။

    ဒီစာအုပ်လေးထဲက “နှောင်းခင်ဇော်”
    ဆိုတဲ့ အမျိုးသမီးလေးကတော့ ရှားရှားပါးပါး ကံကြမ္မာလို့ပဲ ပြောရမလားပဲ…သူမဘဝမှာ ကြုံတွေ့ရမဲ့ နမိတ်တွေကို ကြိုသိခွင့်ရခဲ့ပါတယ်…။
    သူမအသက်၂၄နှစ်တွင် တစ်ဘဝချုပ်ငြိမ်းမယ်ဆိုတဲ့ အကြောင်းကတော့
    အားလုံးသော နမိတ်တွေထဲက ထိတ်လန့်စရာအကောင်းဆုံး နမိတ်စကားတစ်ခုပေါ့။
    ခေတ်လူငယ်တစ်ယောက်ဖြစ်တဲ့ “နှောင်း”အတွက် ဒီရှေ့ဖြစ်နမိတ်တွေက ယုံရခက်ခက်ပါပဲ။ဒါပေမဲ့ အဲ့ဒီနမိတ်တွေက တကယ်ကို ဖြစ်လာခဲ့တယ်။စိတ်ရောဂါကု ဆရာဝန်ဒေါက်တာ “အောင်စည်”နဲ့ ပြရင်း နှောင်းစိတ်ထဲက ဥပါဒါန်အစွဲတွေကို လျော့ပါးအောင်လုပ်ဖို့ ကြိုးစားတယ်။အသက်အန္တရာယ်ဖြစ်နိုင်လောက်တဲ့ အခြေအနေ မှန်သမျှကို အသေးစိတ် ညွှန်ကြား ကုသပေးခဲ့တယ်။ဒီလိုနဲ့ လူနာနဲ့ ဆရာဝန်ကြား ထားရမဲ့စည်းကြားမှာ သံယောဇဥ် ကြိုးထုံးလေး
    တဖြည်းဖြည်း ရစ်တွယ်လာကြတယ်။
    ဒေါက်တာက အိမ်ထောင်ကွဲ၊ “နှောင်း”နဲ့လည်း အသက်က နှစ်ဆလောက်ကွာတာဆိုတော့ ရှေ့ဆက်မတိုးသာတဲ့ အခြေအနေတစ်ခု ဖြစ်နေလေရဲ့….။”နှောင်း”ဘက်ကတော့ သူမရဲ့ ချစ်ခြင်းမေတ္တာတွေကို တတ်နိုင်သမျှ မြင်သာအောင် ဖော်ပြခဲ့တယ်။
    ဒေါက်တာ “အောင်စည်”နဲ့ ဇနီးဟောင်း ဖြစ်သူ “သီ”တို့ ကွဲကွာသွားရတဲ့ အချက်ကလေးကလည်း သင်ခန်းစာယူစရာပါပဲ။
    ဇနီးဟောင်းဖြစ်သူ “သီ”က သားသက်လွတ်စားသူ၊ဝိပဿနာတရား အားထုတ်သူ၊တရားအားထုတ်ပြီး ဘာသာရေးလုပ်တဲ့သူမျိုးဖြစ်တယ်။
    ဒေါက်တာ”အောင်စည်”က အိမ်ထောင့်သုခကို ခံစားလိုသူဆိုတော့ နှစ်ယောက်က သဘောထားတွေ မတိုက်ဆိုင်ခဲ့ဘူး။
    အိမ်ထောင်ရေးက အက်ကြောင်းများလာတော့ နောက်ဆုံးမှာ ပြိုလဲခဲ့ရတော့တာပဲ…။
    တစ်ချို့က သေခြင်းတရားကို ကြိုတင်
    သိခွင့်ရကောင်း ရနိုင်ပေမဲ့ တစ်ချို့အတွက်တော့ မဟုတ်။အသက်ငယ်ငယ်၊ကြီးကြီး၊ သေခြင်းတရားက အချိန်မရွေး
    နီးကပ်တည်ရှိနေတဲ့ အရာတစ်ခုပါပဲ။
    “နှောင်း”တစ်ယောက် ကြုံတွေ့ရမယ့် ကံကြမ္မာကို ရှောင်လွဲနိုင်ခဲ့လား သိချင်ရင်တော့ စာအုပ်လေး ဖတ်ကြည့်စေချင်ပါတယ်။
    ဖတ်လို့လည်းကောင်း၊ရင်တထိတ်ထိတ်နဲ့
    စိတ်ဝင်စားစရာလည်း ကောင်းတဲ့ စာအုပ်လေးပါပဲ💖
    #ဂျူး
    #နံရံ၏အခြားတစ်ဖက်
    #reviewby하은
    #Nov112023

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ဂျူး စာအုပ်များ