ထိုသူတို့ရဲ့ ကြယ်ရောင်စုံအိပ်မက်

ထိုသူတို့ရဲ့ ကြယ်ရောင်စုံအိပ်မက် အား ဝေဖန်သုံးသပ်မှု 4 ရှိပါသည်။

1. 

   Rated 5 out of 5

   Thang Mang – August 11, 2022

   လူတိုင်းဖတ်သင့်တဲ့အဖိုးတန်စာအုပ်ပါ

2. 

   Rated 5 out of 5

   Theint Thinzar Ko Ko – October 3, 2022

   >>> စာအုပ်နာမည်လေးက ထိုသူတို့ရဲ့ကြယ်ရောင်စုံအိပ်မက်တဲ့ <<< ♡

   ပုဂံမြို့က ကလေးတွေရဲ့ရုန်းကန်လှုပ်ရှားမှုများနဲ့ သူတို့လေးတွေရဲ့ ဘ၀ဇာတ်ကြောင်းလေးတွေကိုအသေးစိတ်လေးတွေကိုကွက်ကွက်ကွင်းကွင်းမြင်အောင်ရေးသားထားတာလေးတွေကလက်ကမချချင်အောင်ဆွဲဆောင်တဲ့စာအုပ်လေးတစ်အုပ်ပါ။

   ဖတ်နေရင်းနဲ့ emotions မျိုးစုံကိုခံစားရတယ်

   မျက်ရည်လဲဝဲခဲ့ရတာတော့ ဝေဖြိုးမောင်ဆိုတဲ့ ကောင်‌လေးက သူ့ရဲ့ပထမဆုံးအကြိမ်ဈေးရောင်းရတဲ့အတွေ့ကြုံမ၀င့်မရဲနဲ့ မိဘကိုသိတတ်တဲ့စိတ်လေးကိုဖော်ပြသွားတာလေးအရမ်းသဘောလဲကျစိတ်မကောင်းလဲဖြစ်ရတယ်။

   သေချာတာကတော့ဖတ်ကြည့်ရင်နောင်တမရစေမယ့် ဆရာမ မေ(ပညာရေး)ရဲ့ စာအုပ်ကောင်းလေးတစ်အုပ်ပါ။

   ပုဂံဆိုတာကိုနောက်တစ်ကြိမ်ထပ်သွားဖြစ်ခဲ့ရင် ဒီစာအုပ်လေးကိုကိုင်ပြီး အဲကလေးလေးတွေရှိတဲ့နေရာကိုအရောက်သွားချင်တာပါပဲ။

   1.10.2022

3. 

   Rated 5 out of 5

   Saw Htet Lynn Oo – January 25, 2023

   စာဖတ်သူရေ ….ညဘက် ကောင်းကင်ကြီးကိုမော့ကြည့်လိုက်ပါဦး။
   ကြယ်ကလေးတွေကိုတွေ့ရတယ်မဟုတ်လား။တစ်ချို့ကြယ်ကလေးတွေကတော့တောက်တောက်ပြောင်ရှိပေမယ့်တစ်ချို့ကျတော့လည်းမှိတ်တုတ်မှိတ်တုတ်လေးနဲ့လောကကိုကိုယ်ပိုင်
   စွမ်းနှင့်အလှဆင်ပေးနေတာပဲမဟုတ်လား။
   ခုလည်းပုဂံကကြယ်ကလေးတွေထဲကကြယ်ကလေး(၁၅)လုံးအ
   ကြောင်းလေးတွေကိုစာရေးသူကိုယ်တိုင်ရုပ်ပုံလေးတွေနဲ့ ဘဝဇာတ်ကြောင်းအခက်အခဲများ၊ဖြစ်ချင်သောဆန္ဒတွေကို‌ရေးပြထားတဲ့စာအုပ်လေးပါ။
   ကြယ်ကလေးတော်တော်များရဲ့အိပ်မက်တွေကတူနေကြတယ်။ကျန်းမာရေးနှင့်နိုင်ငံရေးအခြေအနေကြောင့်ကျောင်းနေတာရပ်ခဲ့ကြရသလို မိသားစုစားဝတ်နေရေးအတွက် တစ်ဖက်တစ်လမ်းကနေကူညီဖြေရှင်းကြတဲ့ကြယ်ကလေးတွေပါပဲ။
   တချို့ဆိုရင် စာတော်ရဲ့သားနဲ့ဘဝပေးကုသိုလ်ကြောင့်ကျောင်းထွက်ပြီးမွေးရပ်မြေမှာပဲ မိရိုးဖလာစျေးသည်ဖြစ်သွားကြရတဲ့ ကြယ်ကလေးတွေလည်းရှိပါတယ်။
   စျေးရောင်းတယ်ဆိုတာကရှက်စရာမဟုတ်ပေမယ့်ဘယ်သူကရောစျေးသည်ဖြစ်ချင်ပါ့မလဲ။ဖြစ်ချင်တာထက်ဖြစ်သင့်တာကိုပဲဦးစားပေးရတဲ့အခိုက်အတံ့တွေကသူတို့အတွက်သိပ်ကိုထိရောက်တဲ့စကားတစ်ရပ်ပါပဲ။သို့သော် ဖြစ်ချင်တာတွေကဖြစ်မလာဘူးလို့တော့သူတို့သတ်မှတ်ထားပုံမပေါ်ဘူး။
   ဆရာမ
   ဖြစ်ချင်တဲ့ကြယ်ကလေး၊သူနာပြု
   ဖြစ်ချင်တဲ့ကြယ်ကလေး၊သင်္ဘောစက်ပြင်ချင်တဲ့ကြယ်ကလေးတွေစတဲ့ကြယ်ကလေးတွေကလည်းကျွန်တော်တို့ရဲ့အလှတရားကိုပိုမြတ်နိုးဖို့ကောင်းလာအောင်ကူညီပေးနေတယ်မဟုတ်ပါလား။
   ပုဂံကိုလာရောက်လည်ပတ်တဲ့ဧည့်သည်များကိုပိုက်ဆံ(မုန့်ဖိုး)ရသည်ဖြစ်စေမရသည်ဖြစ်စေ စေတနာနဲ့လိုက်ပြီးပုဂံမြေအလှကို ကြွားကြွားဝင့်ဝင့်ရှင်းပြပြောပြတဲ့ကြယ်ကလေးတွေပါ။
   ကျွန်တော်လည်းပုဂံကိုရောက်ခဲ့မယ်ဆိုရင်လည်းစာအုပ်မှာပါတဲ့ကြယ်ကလေးတွေနဲ့လည်းဆုံချင်ပါတယ်။
   စာဖတ်သူတို့ရော ဒီစာအုပ်လေးကိုဖတ်ကြည့်ကြယ်ကလေးတွေရဲ့ဘဝကိုစာနာနားလည်ပေးကြမှာလို့မျှော်လင့်မိပါတယ်။
   #ထိုသူတို့ရဲ့ကြယ်ရောင်စုံအိပ်မက်
   #The Hidden lives in Bagan
   #မေ(ပညာရေး)
   #sawhtetlynnoo
   အကြောင်းအရာလွဲမှားသွားပါက တောင်းပန်ပါတယ်။

4. 

   Rated 5 out of 5

   thiha htinkyaw – April 6, 2023

   ထိုသူတို့ရဲ့ကြယ်ရောင်စုံ အိပ်မက် – မေ(ပညာရေး)
   The hidden lives in Bagan

   ကြယ်ဆိုတဲ့ သဘောသဘာ၀က ကောင်းကင်မှာပဲ ရှိတတ်တာပါ။ အဲ့ဒီကြယ်တွေက အရောင်စုံလား မစုံလားတော့ ကျွန်တော် မသိပါ ။ ဒါပေမဲ့ ဒီစာအုပ်လေးထဲက ကြယ်လေးတွေမှာတော့ အရောင်စုံလင်တဲ့ အိပ်မက်တချို့ရှိနေပါတယ် ။

   ထိုသူတို့နှင့်
   ကြယ်ရောင်စုံအိပ်မက် (သို့မဟုတ်) ငုပ်လျှိုးနေတဲ့ ဘ၀တွေ…..

   ပုဂံရဲ့ဘုရားတွေပေါ်မှာ တွေ့ရမဲ့ သူတို့လေး‌တွေ….။

   ပို့စ်ကတ်ရောင်း၊ ဧည့်လမ်းညွန်ပြီး ဘုရားသမိုင်းရှင်းပြတဲ့သူ ၊ သနပ်ခါးလိမ်း ဓာတ်ပုံရိုက် ၊ လက်ပန်းချီဆွဲတဲ့သူ ၊ သဲပန်းချီဆွဲတဲ့သူ ‌၊ ယွန်းထည်လုပ်တဲ့သူ ၊ ငါးဖမ်း ရွှေကျင်တဲ့သူ ၊ ဟိုတယ်လ်၀န်ထမ်း စသည့်ဖြင့် နေရာအစုံ ရပ်တည်မှု‌ေပါင်းစုံကနေ လင်းလက်နေတဲ့ မှိတ်တုပ်မှိတ်တုပ်ကြယ်ကလေးတွေပါ။

   အဲ့ဒီဘ၀တွေဟာ ထင်ထားတာထက်ပိုပြီး စိတ်၀င်စားဖို့ကောင်းသလို ရင်ထဲ ထိခတ်လှုပ်ရှားသွားစေပါတယ်။ သူတို့ဟာ မိသားစုရဲ့ဘ၀ရပ်တည်မှုအရ အလုပ်လုပ်ရတာမျိုးတွေ ၊ ဈေးရောင်းရတာမျိုးတွေရှိတယ်။ ကျောင်းတက်ရမဲ့အချိန်မှာ အကြောင်းအမျိုးမျိုးနဲ့ ရပ်တည်ရတာမျိုးတွေလည်းရှိတယ်။
   ဖြစ်ချင်တာထက် ဖြစ်သင့်တာကို ဦးစားပေးလိုက်ရတဲ့ အခိုက်အတန့်တွေလည်း ရှိခဲ့ကြောင်း သူတို့ရဲ့ စကားတွေ ၊ စာအုပ်ထဲက စာသားတွေကနေ တဆင့် မြင်လိုက်ရပါတယ်။

   အဲ့လို ခံစားရပ်တည်နေရတဲ့ ကြယ်လေးတွေဟာ တပြိုင်ထဲမှာပဲ အရောင်စုံလင်တဲ့ အိပ်မက်တွေကိုလည်း အကောင်အထည် ဖော်ချင်ကြပါသေးတယ်။
   ကျောင်းဆရာမ ၊ သူနာပြု ၊ ပန်းချီဆရာ ၊ စက်ချုပ်သမ ၊ သရုပ်ဆောင် ၊ စားဖိုမှူး စသည့်ဖြင့်ပေါ့ ။ မိဘနဲ့မိသားစုကို လုပ်ကျွေးချင်တဲ့ သိတတ်စိတ်ထားလေးတွေ ၊ လက်ရှိဘ၀ကိုပဲ ရောင့်ရဲကျေနပ်နေတဲ့ အေးချမ်းစိတ်ဓာတ်လေးတွေ ၊ ပုဂံမြေကို ချစ်တဲ့ စိတ်ကလေးတွေ လည်း ပိုင်ဆိုင်ကြပါတယ် ။

   ဒီစာအုပ်ထဲမှာ လူ ၁၅ ယောက် ၊ ဘ၀ ၁၅ ခု ပါပါတယ် ။ အဲ့ဒီ ဘ၀ ၁၅ ခု ဆီကနေ လှစ်ဟထုတ်ဖော်ပြသွားတဲ့ အကြောင်းအရာတွေကတော့ ပုဂံမြေဆီက အကြောင်းအမျိုးမျိုးနဲ့ ရပ်တည်နေရတဲ့ ဘ၀ပေါင်းများစွာကို ကိုယ်စားပြုတယ်လို့ ကျွန်တော် ထင်ပါတယ်။

   စာရေးသူရဲ့အထူးပြုစာသားတွေလိုပါပဲ။
   ကြယ်တွေရဲ့အနီးဆုံးကို ကျွန်တော်ရောက်ခဲ့ရတယ်။

   ကောင်းကင်ကကြယ်တွေအရောင်စုံရှိမရှိ သေချာမသိပေမဲ့ ပုဂံပြည်က သက်ရှိကြယ်ပွင့် တချို့ကတော့ အရောင်စုံအိပ်မက်တွေနဲ့ ရှင်သန်ရုန်းကန်နေတယ်ဆိုတာကိုလည်း ဖတ်ခဲ့ရပါတယ်။

   – Review by August –