သေရွာပြန်ကလေးများ

( 0 မှတ်ချက်)

3000 (ကျပ်)

Holocaust (ဒုတိယကမ္ဘာစစ်အတွင်း နာဇီတို့၏ ဂျူးလူမျိုးတုံးသုတ်သင်ရေးစီမံကိန်း)မှ သေကံမရောက်ဘဲ လွတ်မြောက်လာကြသူများအကြောင်း ရုပ်ရှင်၊ဝတ္ထု၊ဖြစ်ရပ်မှန် ..စသည် ပုံသဏ္ဌာန်အမျိုးမျိုးဖြင့် သိရှိကြရ နာကျည်းခံခက်ဖြစ်ကြရ စာနာ နားလည်ခဲ့ကြရသည်။ ပြန်ပြောလျှင်ပင် ယုံနိုင်ဖွယ် မရှိသည့် ဖက်ဆစ်နာဇီတို့၏ လူမဆန်အောင် ရက်စက်မှုအပေါင်းသရဖူဆောင်းပုံများ။ ထိုထိုသောအနိဌာရုံများက ကိုယ်တိုင်ကြုံခဲ့ဖူးသူ မဟုတ်သည့်တိုင် တဆင့်ကြားဖြင့်ပင် နှလုံးသားမှာ နာနာကျင်ကျင် စွဲထင်ကျန်ရစ်နေရတတ်သည်။
ဆရာတင်မောင်မြင့် ဘာသာပြန်သော ယခုစာအုပ်သည် Holocaust မှ ကံကောင်းထောက်မ၍ လွတ်မြောက်လာသူဂျက်မင်ဒဲလ်ဘန်း၏ ဖြစ်ရပ်မှန်
ငရဲခန်းအတွေ့အကြုံများအကြောင်း စာရေးဆရာမAndrea Warren က မှတ်တမ်းတင်ထားခြင်းဖြစ်ပါသည်။ ဖက်ဆစ်နာဇီများ၏အဓမ္မဖမ်းဆီးခြင်းခံလိုက်ရချိန်က ဂျက်၏ အသက်မှာ ၁၃ နှစ်ပြည့်ပြီးစပဲရှိသေးသည်။ဂျက်မှာ အဖေ၊အမေ၊အစ်မနှင့် သူ့အောက်ငါးနှစ်ငယ်သောညီတစ်ယောက်ရှိပြီး ဂျက်မှလွဲ၍ ကျန်မိသားစုဝင်များအားလုံး နာဇီတို့၏ သုတ်သင်ခံခဲ့ရသည်။ နာဇီငရဲခန်းများတွင် ၃နှစ်တိုင် နည်းလမ်းပေါင်းစုံဖြင့် အသက်ရှင်ကျန်အောင် နေထိုင်ခဲ့ရသော နာကျည်းခါးသီးဖွယ်အတွေ့အကြုံများ၊ ပြည့်စုံကုံလုံသော ပျော်ရွှင်ဖွယ်မိသားစုဘဝကလေး ဖက်ဆစ်နာဇီတို့ကြောင့် အကွဲကွဲအပြားပြား သေကြေ ပြိုပျက်သွားရပုံများက ဂျက်ဘဝတလျောက် အရိပ်မည်းကြီးအဖြစ်‌တကောက်ကောက်လိုက်ပါ ခြောက်လှန့်ခံခဲ့ရသည်။ ကျွန်မတို့အတွက် သူတို့ဇာတ်လမ်းများမှာ မယုံကြည်နိုင်လောက်အောင် လူမဆန်သော အံ့ဩထိတ်လန့်စရာများဖြစ်၍ သူတို့အနေဖြင့် ပြန်ပြောဖို့ ဝန်လေးတတ်ကြသည်။ အိပ်မက်ဆိုးတွေ သူတို့ပြန် မမက်ချင်ကြ။ သို့သော် ကျွန်မတို့ကို အသိပေးဖို့သူတို့တွင် တာဝန်ရှိသည်ဟု ယုံကြည်သဖြင့် ပြန်ပြောကြခြင်းဖြစ်သည်။ ကျွန်မတို့အများကြီးပညာရပါသည်။ ဟိုလိုကော့စ် သေရွာပြန်များ၏ လမ်းညွှန်မှုဖြင့် သည်လို လူစိတ်ကင်းမဲ့သောရက်စက်မှုများကို အမြစ်ပါမကျန်ကျွန်မတို့ ရှင်းပစ်ကြရမှာဖြစ်ပါသည်။ သည်လို မလုပ်နိုင်လို့ နာဇီလက်သစ်တွေပေါ်လာလျှင် သင်ကိုယ်တိုင် ဟိုလိုကော့စ်အဖြစ်မျိုးနှင့် ကြုံရနိုင်ကြောင်း သတင်းပေးရင်း ကျွန်မဆက်ရေးသွားပါတော့မည် ဟူသော ဂျက်မင်ဒဲလ်ဘန်းနှင့် ကိုယ်တိုင်တွေ့ဆုံမှတ်တမ်းတင်ခဲ့သူ မူရင်းစာရေးဆရာမ Andrea Warren၏ နိဒါန်းစကားကပင်ယခုစာအုပ်ကို ဆရာတင်မောင်မြင့် ဘာသာပြန်ဖြစ်ခြင်းအကြောင်းတရပ် ဖြစ်လေမလားဟူ၍လည်း ထင်ယောင်ယူဆမိပါသည်။

စာမျက်နှာ

141

စာအုပ်အရွယ်အစား

5.2 x 0.3 x 8.2 inches

ပုံနှိပ်မှတ်တမ်း

လင်းလွန်းခင်စာပေ၊ 2021 စက်တင်ဘာလ(ပ-ကြိမ်)

4 in stock

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“သေရွာပြန်ကလေးများ” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published.

တင်မောင်မြင့် စာအုပ်များ