တက်စ်

ယခုစာအုပ်ကို မြန်မာစာဖတ်ပရိသတ်က ဘာသာပြန် ဝတ္ထုစာအုပ်တစ်အုပ်အဖြစ် မဖတ်ရှုခင်ကပင် စာရေးဆရာကြီး သခင်ဘသောင်း မြန်မာမှုပြု ရေးသားခဲ့သော “ပန်းသာ မစာအု” ဝတ္ထု အဖြစ် ရင်းနှီးကျွမ်းဝင်ပြီး၊ နှစ်သက်စွဲလမ်းကြပြီး ဖြစ်ပါသည်။ မြို့စား မင်းသမီးတက်စ် အမည်ရှိ အပျိုစင်တောသူမလေးတစ်ဦး၏ ဘဝကို ဖွဲ့ဆိုထားသော ဝတ္ထုဖြစ်သည်။ အလွန်ချစ်စရာ၊ သနားစရာကောင်းသော၊ အလွန်လည်း ရိုးသားဖြူစင်ပြီး အပြစ်ကင်းသော၊ ဘာကိုမျှ မသိနားမလည်ရှာသေးသော တက်စ် အမည်ရှိ ထိုအမျိုးသမီးကလေး၏ ကံမကောင်း အကြောင်းမလှသည့်အဖြစ်နှင့် လောကဓံလှိုင်းတွေကြားတွင် ဒုက္ခ သုက္ခမျိုးစုံနှင့် ကြုံတွေ့ရင်ဆိုင်ခဲ့ရပုံများကို ရင်နင့်စဖွယ် ဖတ်ရှုရသည့် ကမ္ဘာ့ဂန္ထဝင် ဝတ္ထုရှည်ကြီး တစ်ပုဒ်ဖြစ်ပါသည်။စာရေးဆရာကြီး သောမတ်စ်ဟာဒီ၏ အကောင်းဆုံး ဝတ္ထုကြီး များအဖြစ် ရွေးချယ်ထားသော ဝတ္ထု ခြောက်ပုဒ်တွင် အပါအဝင်ဖြစ်သည့် ဝတ္ထုရှည်ကြီးလည်းဖြစ်ပါသည်။