သင့်နှလုံးသားက တေးပြန်သီပါလိမ့်မည်

သင့်နှလုံးသားက တေးပြန်သီပါလိမ့်မည် အား ဝေဖန်သုံးသပ်မှု 3 ရှိပါသည်။

1. 

   Rated 5 out of 5

   Ma Aye Moe Kyi – September 26, 2022

   ဆရာမကြီးရဲ့စာအုပ်ကိုနှစ်သက်လို့ပါ။
   သူငယ်ချင်းမွေးနေ့လက်ဆောင်ပေးရင်းကိုယ့်အတွက်ကတစ်အုပ်ပါ။

2. 

   Rated 5 out of 5

   Thae JM – October 17, 2022

   #သင့်နှလုံးသားကတေးပြန်သီပါလိမ့်မည်

   ခွဲခွာရခြင်းဆိုတာ ကျွန်မတို့ တစ်နေ့မဟုတ် တစ်နေ့တွေ့ကြုံရမယ့် လောက အမှန်တရားပါ…….ကျွန်မတို့ လက်ခံချင်သည်ဖြစ်စေ လက်မခံချင်သည်ဖြစ်စေ ခွဲခွာခြင်းကတော့ရောက်လာမှာပါပဲ…… သေခြင်းတရားကြောင့် ခွဲခွာကြရတဲ့အခါလည်း ကျန်ရစ်သူက ပိုပြီးနာကျင်ရစမြဲပါ…… သင့်ရဲ့ ဝမ်းနည်းပူဆွေးမှုတွေကို ဒီစာအုပ်လေးက အတော်လေး သက်သာစေမှာပါ…. ဖြေသိမ့်စရာလေးဖြစ်မှာပါ……

   ကွယ်လွန်သွားပြီဖြစ်တဲ့ ဆရာမကြီး ခင်စောတင့်ရဲ့ နောက်ဆုံးစာအုပ်လေးဖြစ်ပါတယ်……ဆရာမရဲ့ စာဖတ်ပရိသတ်တစ်ယောက်အနေနဲ့တော့ ဆရာမကို နှမြော လွမ်းဆွတ်မိပေမယ့် ဒီစာအုပ်လေးဖတ်ပြီးတော့လည်းဖြေသိမ့်စရာလေးရခဲ့ပါတယ်……

   မိသားစုကို လောလောလတ်လတ် ဆုံရှုံးရသူတွေအတွက်လည်း ဒီစာအုပ်လေးကိုဖတ်ကြည့်စေချင်ပါတယ်…..စာစုလေးတွေက တိုတိုလေးတွေဆိုပေမယ့် သင့်ကို တွေးစရာ နှစ်သိမ့်ပေးစရာ ဖြေသိမ့်ပေးစရာ လေးတွေပေးနိုင်မှာအမှန်ပါပဲ……. စိတ်အေးချမ်းစေမယ့် သရုပ်ဖော်ပုံလေးတွေကလည်း သင့်ရဲ့ပူဆွေးမှုကိုလျော့ကျစေပါလိမ့်မယ်……

   ဖတ်လိုက်ပါ…..သင်ငိုကြွေးချင်သလောက်ငိုကြွေးလိုက်ပါ…..သင့်ရဲ့ ပူဆွေးသောကတွေအတွက် နှစ်သိမ့်ပေးနိုင်တဲ့စာစုလေးတွေကြောင့် သင်နှလုံးသားလည်း တစ်ဖန်တေးပြန်သီလာနိုင်ပါလိမ့်မယ်…..

   “သေခြင်းကြောင့် ထိခိုက်ခံစားရသည်။

   တစ်စုံတစ်ယောက်ကို ချစ်ခြင်းသည် ရှင်သန်လိုခြင်းပင်ဖြစ်သည်။ ”

   Thae JM

3. 

   Rated 5 out of 5

   Mon Halsey – October 5, 2023

   ဒီစာအုပ်က စာရေးဆရာမကြီး အန်တီခင်စောတင့်.. ပန်းဆက်လမ်းစာပေကိုနောက်ဆုံးပေးခဲ့တဲ့..စာအုပ်လေးဖြစ်ပါတယ်.. သူ့ရဲ့နောက်ဆုံး စာအုပ်ကလေးဆိုရင်လည်း မမှားပါဘူး..

   စာအုပ်ထဲမှာပါတာ.. စာကြောင်းတိုလေးတွေဆိုပေမယ့် တစ်ကြောင်းချင်းဖတ်ရင်း တွေးစရာလေးတွေ ပေါ်လာပါတယ် ..ချစ်ရသူတို့ကွယ်လွန်သွားတဲ့အခါ ဝမ်းနည်းကျန်ရစ် နေရသူတွေအတွက် ဖြေသိမ့်စရာ စာလေးတွေပါ..တဲ့..

   စာအုပ်ကိုရေးသွားခဲ့သူကိုယ်တိုင်… ကွယ်လွန်သွားတာတစ်နှစ်ပြည့်မြောက်ခဲ့ပြီပဲ.. ဘယ်လိုပဲဖြစ်ဖြစ် ခင်စောတင့်ရဲ့ နောက်ထပ် စာအုပ်တွေ ..လက်ရာအသစ်တွေ ကျွန်မတို့ဖတ်ရတော့မှာမဟုတ်ပါဘူး… ဒါကြောင့်..စာကြောင်းလေးတွေ ခပ်တိုတိုနဲ့ စာအုပ်သေးသေးလေးကိုပဲ ကျွန်မကတော့ ..လွမ်းဆွတ်စွာ..မြတ်နိုးစွာ..တန်ဖိုးထားရင်းကြိုဆိုလိုက်ရပါတယ် ..