တဖြည်းဖြည်းနှင့်ကြွေ မဂ္ဂဇင်းဝတ္ထုတိုများ

မိုးလေး တဖြောက်နှစ်ဖြောက် ဖျန်းကာမှ ရိုးတံကားရားနဲ့ ပင်ခြောက်တွေဟာ သက်ဝင်စိမ်းလန်းလာတဲ့ ဒေသ။ ပင်ကိုသဘာဝအားဖြင့် ရိုးရှင်းတဲ့ ဘဝနေထိုင်မှုတွေနဲ့ ချစ်စရာ့အလေ့တို့ ကုံလုံနေတဲ့ ဒေသ။ အညာမှာ တမာတွေ ပေါက်တယ်။ ထနောင်းတွေ ပေါက်တယ်။ ခယောင်းတွေ ထူတယ်။ အဲဒီလို ဒေသမှာ ရှင်သန်ရတဲ့ သူများရဲ့ ဘဝတွေဟာလည်း တချို့ တမာတွေလို ခါးတယ်။ တချို့တွေမှာ ထနောင်းဆူးလို ချွန်ထက်လှတဲ့ လောကဓံဆူးများအကြားမှာ ရုန်းထ ရှင်သန်ရတယ်။ တချို့တွေမှာ ခယောင်းလမ်းလို ကြမ်းတမ်းခက်ထရော်တဲ့ ဘဝတွေ ရှိတယ်။ သူတို့တွေရဲ့ ဘဝအဖုံဖုံ၊ သောကအစုံစုံကို ရက်ရှယ်ဖွဲ့သီထားတဲ့ ဝတ္ထုတို ၁၅ ပုဒ် စုစည်းမှု။