ကျမဘာကိုသေချာသိလဲဆိုတော့

“ကိုယ့်ကိုယ်ကို ငါဘယ်သူလဲ” လို့ ရှာဖွေနေသူ၊ကလေးဘဝကတည်းက ရလို့ရမှန်းမသိခဲ့တဲ့ ရခဲ့တဲ့ နာကျင်မှုတွေ၊ သိမ်ငယ်မှုတွေ၊ စိတ်ဒါဏ်ရာတွေက မိမိ ကြီးပြင်းလာတဲ့ ဘဝတလျှောက်မှာ ဘယ်လိုထိခိုက်မှုတွေ ရှိတတ်လဲဆိုတာ နားလည်ချင်တဲ့သူ ၊”ဘဝမှာ ဘယ်လိုအရာတွေသိဖို့ ၊ လေ့ကျင့်ဖို့ လိုအပ်လဲ”ဆိုတာ သိချင်သူ၊”တဒင်္ဂ”အချိန်လေးတွေကို တန်ဖိုးထားတတ်တဲ့သူ၊”စိတ်ရဲ့ ငြိမ်းအေးခြင်း”ကို လိုလားတောင့်တနေသူ၊”ချစ်ခြင်းမေတ္တာတရား” အမျိုးမျိုးကို သိရှိ ခံစားချင်သူ၊”ကိုယ့်ရဲ့ အလိုလို သိစိတ်”ကို ယုံကြည်သူ၊”စိတ်ရဲ့ အစွမ်းသတ္တိ”တွေကို ခံစားမိသူ၊”လူတယောက်ရဲ့ အသက်နဲ့ ရင်းပြီးရခဲ့တဲ့ အတွေ့အကြုံကို လိုလားသူနှင့်”သက်ရောက်မှုတိုင်းမှာ တန်ပြန်သက်​ရောက်မှုရှိတယ်” ဆိုတဲ့ သဘောတရားကို သက်ဝင်ယုံကြည်သူဆိုရင် ဒီစာအုပ်ကို ဖတ်ဖြစ်အောင် ဖတ်စေချင်ပါတယ်။ “အိုပရာ”ရဲ့စာအုပ်ဟာ စာဖတ်သူ ယူတတ်ရင် ယူတတ်သလောက် အကျိုးများစွာရရှိနိုင်မယ့် စာအုပ်တအုပ်ဖြစ်တယ်ဆိုတာ ရဲရဲကြီး အာမခံနိုင်ပါတယ်။