နှုတ်ဆိတ်သွားသူ

ဆိုက်ပရက်လူမျိုးဖခင်နဲ့ အင်္ဂလိပ်လူမျိုးမိခင်တို့က မွေးဖွားလာတဲ့ စာရေးသူ Alex Michaelides ဟာ စိတ်ပညာကိုလေ့လာခဲ့ပြီး လူငယ်ပျိုးထောင်ရေးပိုင်းမှာ စိတ်ပညာနဲ့ပတ်သက်တဲ့ ဆွေးနွေးရေးတွေ လုပ်ခဲ့တဲ့အတွက် သူ့ရဲ့ ပထမဆုံးပွဲဦးထွက်ဖြစ်တဲ့ ဒီစာအုပ်ဟာ စိတ်ပညာ၊ စိတ်ကုထုံးတွေနဲ့ ဆက်နွှယ်နေပါတယ်။ New York Times နဲ့ Sunday Times တို့ရဲ့ အရောင်းရဆုံး စာရင်းဝင်ခဲ့တဲ့ ဒီစာအုပ်ဟာ ၂၀၁၉ ခုနှစ်ရဲ့ အကောင်းဆုံး လျှို့ဝှက်သည်းဖို ဝတ္ထုအဖြစ် သတ်မှတ်ခြင်းခံခဲ့ရပါတယ်။ စိတ္တဇလျှို့ဝှက်သည်းဖိုဝတ္ထုဖြစ်တဲ့အတွက် မြှုပ်ကွက်တွေ၊ စိတ်ပိုင်းဆိုင်ရာ အကြောင်းအရာတွေကိုစာရေးသူက ထည့်ရေးထားပါတယ်။

#ဇာတ်လမ်းအကျဉ်း
အယ်လီရှာဟာ အောင်မြင်တဲ့ ပန်းချီဆရာမတစ်ယောက်ဖြစ်ပြီး သူ့​ယောက်ျားက နာမည်​ကျော် ဓါတ်ပုံဆရာ။ အရာရာအဆင်​ပြေတဲ့ အိမ်ထောင်ရေးတစ်ခုကို ပိုင်ဆိုင်ထား​ပေမဲ့ တစ်ညမှာ သူ့ယောက်ျားဟာ သေနတ်နဲ့ ငါးချက်ပစ်သတ်ခံရပါတယ်။ သူ့ယောကျာ်းနားမှာသေနတ်ကိုင်ပြီးရှိနေသူကတော့ အယ်လီရှာပါ။ သူ့ယောကျာ်းအသတ်ခံရတဲ့နေ့ကစပြီး သူ စကားတစ်ခွန်းမှမပြော​တော့ဘဲ နှုတ်ဆိတ်သွားပါတယ်။ သူ ဘာလို့ နှုတ်ဆိတ်သွားတာလဲ…သူ့ခင်ပွန်းကို သူကိုယ်တိုင်သတ်လိုက်တာလား…သူ့ကို ကူညီဖို့ ရောက်လာတဲ့ စိတ်ကုထုံးပညာရှင်ကရော နှုတ်ဆိတ်နေတဲ့ အယ်လီရှာကို စကားပြောလာအောင်လုပ်နိုင်မလား…ထင်မှတ်မထားတဲ့ မြုပ်ကွက်အလှည့်အပြောင်းတွေနဲ့ လျှို့ဝှက်သည်းဖိုဖတ်ရမယ့် စိတ္တဇဇာတ်လမ်း..