ရွှေတောင်တက် ဒဿန

ယခုစာအုပ်တွင် ဘဝတိုးတက်ရေးနှင့်ဆိုင်သော အတွေးအမြင်များကို တင်ပြထားသည်။ ထိုအတွေးအမြင်များကို “ရွှေတောင်တက် ဒဿန” ဟု တင်စားခေါ်ခြင်းဖြစ်သည်။ စာဖတ်သူက ကိုယ့်ကိုယ်ကိုယ် ရွှေတောင်သမားအဖြစ် မှတ်ယူပြီး ဖတ်ရှုရမည်ဖြစ်သည်။

တောင်တက်ခြင်းဆိုသည်ကား အမြင့်ကို သွားခြင်းဖြစ်သည်။ ထိပ်ဆုံးသို့ရောက်အောင် အားထုတ်ခြင်းလည်းဖြစ်သည်။

တောင်တက်သမားသည် အလွယ်ဆုံးလမ်း၊ အနီးဆုံးလမ်း၊ အန္တရာယ်နည်းသောလမ်း၊ သက်သာသောလမ်း၊ အချိန်အခါအလျောက် ခရီးရောက်မည့်လမ်းကောင်း လမ်းမှန်ကို ရွေးချယ်ရန်လိုအပ်သည်။

“ရွှေတောင်တက် ဒဿန” တွင် လမ်းမှားနှင့် လမ်းမှန်ရှိရာ တောင်တက်သမား ဥတ္တမပုရိသ ယောကျ်ားတို့ နှလုံးထားအပ်သော လမ်းမှန်ကို ရွေးချယ်ပုံ ရွေးချယ်နည်းများကို တင်ပြထားသော လမ်းမှန်ရွေးနည်း လက်စွဲကျမ်းဖြစ်သည်။