ရွှေလွန်းပျံ ဘယ်ညာခက်ပါလို့
6000 (ကျပ်)
ဤစာအုပ်ခေါင်းစဉ်ကို မြင်တွေ့လိုက်သည်နှင့် အညာ အငွေ့အသက်၊ ကျေးလက် အရိပ်အယောင်လေးကို ထိတွေ့ခံစားလိုက်ရမည်ဟု ထင်ပါသည်။ ကျွန်တော်သည် အညာဓလေ့ အညာစရိုက်အဖွဲ့ဘက်တွင် အားသန်သူ ဖြစ်သည့်အားလျော်စွာ ကျွန်တော့်စာများထဲတွင် အညာ့ပုံရိပ်၊ ကျေးလက်မြင်ကွင်း၊ တောဓလေ့တောင်ဓလေ့၊ ကျေးတောသူ ကျေးတောသားတို့၏ စရိုက်သဘာဝတို့ကို အများဆုံး ဖတ်ရှု ခံစားကြရပါမည်။
” ရွှေလွန်းပျံ ” စာအုပ်တွင်လည်း ထိုနည်းတူစွာပင်။ ပါဝင်သည့် ဝတ္ထုတို တစ်ဆယ့်သုံးပုဒ်လုံးသည် အညာရေ၊ အညာမြေ၊ အညာလေကို အခြေခံလျက် ရေးသားထားသည်ချည်းသာ။ ဝတ္ထုတစ်ပုဒ် ဖတ်နေချိန်တွင် အညာသူ အညာသားကြီးတွေ ကိုယ်တိုင် စာဖတ်သူ့ဘေးတွင် ထိုင်ပြောနေသကဲ့သို့ ဖတ်ရှုရမှာဖြစ်ပြီး၊ ဖတ်ပြီးသွားချိန်တွင်လည်း အညာဆွေ အညာမျိုးများသဖွယ် ခံစားရမည် ထင်ပါသည်။
ဝတ္ထုတိုတစ်ပုဒ်ချင်းစီ၏ အကြောင်းအရာများ မတူညီသလို၊ ရသခံစားမှုများသည်လည်း ခြားနားပါလိမ့်မည်။ သို့သော် မေတ္တာတရားနှင့် သံယောဇဉ်တို့ကို အခြေခံ ရေးဖွဲ့ထားသည်မှာကား အတူတူပင်။ မိဘ မောင်ဘွား နှမသားချင်း ဆွေမျိုးရင်း သံယောဇဉ်များနှင့်၊ သွေးမရင်းသော်လည်း မွေးချင်းသဖွယ် နှောင်တွယ်ရစ်ပတ်တတ်သည့် အရိုးခံစေတနာ ဖြူစင်သည့်မေတ္တာဖွဲ့များချည်းသာ ဖြစ်၏။
အထူးသဖြင့် ဝတ္ထုတိုအများစုသည် ဇရာဖိစီး ပြန်ချိန်နီးသည့် သက်ကြီးရွယ်အို အညာသူ အညာသားကြီးများ၏ ဘဝသရုပ်ဖော်များပင် ဖြစ်၏။ ဇာတ်လမ်း အကြောင်းအရာများသည် စိတ်ကူးစိတ်သန်းဖြင့် တမင်ဖန်တီးယူထားသည်လည်း မဟုတ်ပါ။ ကျွန်တော့် ပတ်ဝန်းကျင်မှ လက်တွေ့ဘဝဖြစ်စဉ်များကို ဝတ္ထုသဖွယ် မှုန်းခြယ်တင်ပြထားခြင်းသာ ဖြစ်ပါသည်။ ဝတ္ထုတို တစ်ပုဒ်ချင်းစီတိုင်းတွင် အညာသူ အညာသာကြီးများ၏ ဖြောင့်စင်းသည့် သဘော, ပွင့်လင်းသည့် အပြောတို့ကို ခံစားရမည့်အပြင် သံယောဇဉ် အတိမ်အနက်၊ မေတ္တာအတိုင်းအဆတို့ကို မြတ်နိုးဖွယ်, ချစ်ခင်ဖွယ်, သနားကရုဏာသက်ဖွယ်, သံဝေဂရဖွယ် ဖတ်ရှုခံစားရပေလိမ့်မည်။
| စာမျက်နှာ | 192 |
|---|---|
| စာအုပ်အရွယ်အစား | 5.5× 0.3×8.1 inches |
| ပုံနှိပ်မှတ်တမ်း | စာရိပ်မြိုင်စာပေ 2023 မေလ(ပထမအကြိမ်) |
21 in stock
လင်းရောင်နီ(စဘေ) စာအုပ်များ
-
လင်းရောင်နီ(စဘေ)ဒေါင်းမြရီ
12000 (ကျပ်) -
လင်းရောင်နီ(စဘေ)ရွှေလွန်းပျံ ဘယ်ညာခက်ပါလို့
6000 (ကျပ်)
ဝေဖန်သုံးသပ်မှုများ
ဒီစာအုပ်မှာ ဝေဖန်အကြံပြုချက်များ မရှိသေးပါ