ရှင်သန်ခြင်းရဲ့ အဓိပ္ပာယ်

✅ ဘဝမှာ စိတ်ဓာတ်ကျ လမ်းပျောက်သည့်တိုင်အောင် ရှင်သန်ခြင်းတွေမှာ မျှော်လင့်ချက် မမဲ့စေဖို့၊ အဓိပ္ပာယ် မမဲ့စေဖို့၊ ရှင်သန်ခြင်းရဲ့ အဓိပ္ပာယ်တွေကို အမြဲရှာဖွေတတ်စေဖို့ ဖတ်သင့်တဲ့ စာအုပ်ကောင်းတစ်အုပ်ဖြစ်ပါတယ်။

✅ ကိုယ်ဟာ ဘာလို့ အသက်ရှင်နေတာလဲ။ ဘာအတွက် အသက်ရှင်နေတာလဲ ?ဘဝက အဓိပ္ပာယ်မဲ့သလို ခံစားလာရတော့မှ၊ ဘဝက မျှော်လင့်ချက် မဲ့သလို ခံစားလာရတော့မှ ဘဝမှာ ရှင်သန်ခြင်းရဲ့ အဓိပ္ပာယ်ဆိုတာ ဘယ်လောက် အရေးပါမှန်း၊ “The power of Hope” မျှော်လင့်ချက်ရဲ့ စွမ်းအားဟာ ဘယ်လောက်ထိ အင်အားကြီးမှန်း နားလည်လာခဲ့တယ်။ဘဝက အတွန်းအတိုက် များလာတဲ့အခါ မျှော်လင့်ချက် မဲ့လာသလို ခံစားရတာက သဘာဝ ဆိုပေမဲ့ မျှော်လင့်ချက် ရှိသ၍ ဘဝလဲ ရှိတယ် ဆိုတာကို သဘောပေါက်လာခဲ့ပါတယ်။ဒါကြောင့်မို့လို့ ကိုယ့်ရဲ့ ဘဝကို ကိုယ်တိုင် တာဝန်ယူတတ်ဖို့ ကြိုးစားခဲ့တယ်။ စိတ်ဓာတ်ကျ လမ်းပျောက်လို့ လမ်းစ ရှာမရသည့်တိုင် မျှော်လင့်ချက်ကို မပျောက်ပျက်အောင် ထိန်းသိမ်းရင်းပဲ ရှင်သန်ခြင်းရဲ့ အဓိပ္ပာယ်တွေကို ဆက်ပြီး ရှာဖွေခဲ့ပါတယ်။ အခုချိန်ထိလဲ ဆက်လက် ရှာဖွေနေဆဲ ဆိုပေမဲ့ ကိုယ့်ဘဝရဲ့ အဓိပ္ပာယ်က ဒါပါလို့ ခေါင်းစဉ် တပ်လိုက်နိုင်တဲ့အခါ ရှင်သန်ရတာ ပိုပြီး လေးနက်လာခဲ့တယ်။ ဘဝက ပိုပြီး ပေါ့ပါး ပျော်ရွှင်လာခဲ့တယ်။ ရှင်သန်ခြင်းတွေဟာ ပိုပြီး သတ္တိရှိလာခဲ့တယ်။ နောင်တကင်းတဲ့ နေ့ရက်တွေမှာ ရှင်သန်နိုင်လာခဲ့ပါတယ်။ဒီစာအုပ်ကလေးဟာ ကျွန်မရဲ့ တတိယမြောက် စာအုပ်အဖြစ် ထွက်ရှိလာတဲ့ စာအုပ်လေး ဖြစ်ပါတယ်။ “ရှင်သန်ခြင်းရဲ့ အဓိပ္ပာယ်” လို့ နာမည်ပေးထားတဲ့ ဒီစာအုပ်ကလေးဟာ ကျွန်မရဲ့ ခက်ခဲတဲ့ နေ့ရက်တွေကိူ ကျော်ဖြတ်ခဲ့ပုံ၊ ဘဝရဲ့ မျှော်လင့်ချက်ကို ပြန်ရှာခဲ့ပုံ၊ ရှင်သန်ခြင်းရဲ့ အဓိပ္ပာယ်တွေကို သတ်မှတ်ခဲ့ပုံ စသဖြင့် ကိုယ်တိုင် ကြုံတွေ့ ဖြတ်ကျော်ခဲ့ရတဲ့ အတွေ့အကြုံတွေကနေ တစ်ဆင့် ရေးသားမျှဝေထားတဲ့ စာအုပ်ဖြစ်ပါတယ်။ သေချာတာကတော့ ဒီစာအုပ်လေးဟာ ကျွန်မကိုယ်တိုင်လဲ အမြဲပြန်လှန်ဖတ်ဖြစ်နေမဲ့ စာအုပ်လေးပါပဲ။

✅ ရှင်သန်ခြင်းဆိုတာ အနုပညာတစ်ရပ်ဖြစ်ပါတယ်။

(စာရေးသူ၏အမှာစာမှကောက်နှုတ်ဖော်ပြချက်)