စိတ်ဒဏ်ရာများရဲ့အလွန်…

လူတစ်ချို့သည် စိတ်ဒဏ်ရာများကြောင့် ပြိုလဲကျပြီး နာလန်မထူနိုင်တော့သည့် အဖြစ်မျိုးကို ကြုံကြရပြီးအချို့သည်လည်း စိတ်ဒဏ်ရာကို အကြောင်းပြုပြီး ပို၍ တိုးတက်မြင့်မားသော ဘ၀ကို ပိုင်ဆိုင်ကြရပြန်သေးသည်။ ထို့ကြောင့် စိတ်ဒဏ်ရာတိုင်း ဆိုးကျိုးပေးသည်ဟု ဆိုရန် ခက်ခဲလှပေသည်။ အချို့ စိတ်ဒဏ်ရာများသည် ကောင်းသည့် အကျိုးကို တစ်ဖန်ပြန်ပြီး ဆောင်ကြဉ်းကြသည်ကလည်း ရှိသေးသည်။ အချို့ကား စိတ်ဒဏ်ရာကို ခံနိုင်ခဲ့သော်လည်း စိတ်ကို အကောင်းဆုံး ပြန်လည်တည်ဆောက်နိုင်ရန် အင်အားနည်းကြသည်။ မကျွမ်းကျင်ကြ။ ထို့ကြောင့် စိတ်ဒဏ်ရာ၏ အလွန်တွင် ထပ်ဆောင်း ဒဏ်ရာများ ရကြပြန်သည်။ အထက်ဖော်ပြပါ အချက်များကို အဓိကထား၍ ဤစာအုပ်တွင် ဆွေးနွေးထားပါသည်။ ထို့ကြောင့် စိတ်ဒဏ်ရာများရဲ့ အလွန်… ဟု အမည်ပေးထားခြင်းဖြစ်ပေသည်။ မည်သို့မည်ပုံသော အလွန်ကိုတည်ဆောက်မည်နည်းဟူသည်ကား စာဖတ်သူတို့၏ ရွေးချယ်မှုသာဖြစ်ပေလိမ့်မည်။