ဆက်ထုံးတို့၏သမိုင်း

( 2 မှတ်ချက်)

5000 (ကျပ်)

‘ဆက်ထုံးတို့၏သမိုင်း ‘ လို့ ခေါင်းစဉ်ပေးထားတဲ့ မဂ္ဂဇင်း၀တ္ထုတိုစုစည်းမှု စာအုပ်လေးမှာ ၀တ္ထုတို ၁၅ ပုဒ်ပါ၀င်ပါတယ် .. ဘ၀သရုပ်ဖော် အကြောင်းအရာတွေကို အရေးအသားကောင်းကောင်းနဲ့ စာဖတ်သူရင်ထဲ ထိရောက်အောင် စွမ်းဆောင်နိုင်လေ့ရှိတဲ့ ဆရာမ ခင်သန္တာရဲ့ လက်ရာမွန် ၀တ္ထုတိုများ ဖတ်ရှုရမှာဖြစ်ပါတယ်…

ပန်းချီ လင်း၀ဏ္ဏရဲ့ မျက်နှာဖုံးသရုပ်ဖော် ပန်းချီအပြင် .. အတွင်း သရုပ်ဖော် ခံစားရေးဖွဲ့ထားတဲ့ ကာလာစုံ ၁၅ ပုံကို Art Paper စာရွက်သားနဲ့ သုံးပေးထားတာဖြစ်လို့ ၀တ္ထုဖတ်ရင်း ပန်းချီကားလေးတွေကိုပါ တစိမ့်စိမ့် ခံစားကြည့်ရှုနိုင်မှာဖြစ်ပါတယ် …..

စာမျက်နှာ

248

စာအုပ်အရွယ်အစား

5.5 × 0.5 × 8.2 inches

ပုံနှိပ်မှတ်တမ်း

ပန်းဆက်လမ်းစာပေ၊ 2021 ဒီဇင်ဘာလ၊ (ပ-ကြိမ်)

အထူးလက်ဆောင်

စာအုပ်မျက်နှာဖုံးပန်းချီလေးကို QR Scan ဖတ်ပြီး Wallpaper Gift ရယူနိုင်တဲ့ စာမှတ်ကတ်လေးကို မေတ္တာလက်ဆောင် ထည့်သွင်းပေးထားပါတယ်…

21 in stock

ဆက်ထုံးတို့၏သမိုင်း အား ဝေဖန်သုံးသပ်မှု 2 ရှိပါသည်။

  1. Phee Lay (verified owner)

    ဆရာမ ခင်သန္တာ ရဲ့ ဆက်ထုံးတို့၏သမိုင်း မဂ္ဂဇင်းဝတ္တုတိုများ ကို တနေ့က စဖတ်မိတယ်
    ဖီးက ဝတ္တုတို ဖတ်ရင် အစက ဖတ်တာမဟုတ်ဘူး မာတိကာမှာ ဝတ္တုတိုနာမည် ကြည့်လိုက်တယ် ကိုယ့်ကြိုက်ရာ သဘောကျမိတဲ့နာမည်တစ်ခု တေ‌ွ့ရင်ဖတ်လိုက်တာပဲ အစဉ်လိုက်မဖတ်ဘူး
    တနေ့က ဖီး ရဲ့ စိတ်အခြေအနေက စိတ်ထိခိုက်နေတဲ့ အချိနိ
    အဲ့အချိန်မှာ ဖီးရွေးဖတ်လိုက်တဲ့ ဝတ္တုတိုကလဲ အင်မတန်တိုက်ဆိုင်လွန်းပါလေဆွ လို့ စိတ်ကထင်မိတယ်
    အလည်သွားမိတဲ့တစ်ညတာ ဝတ္တုတိုလေးပါ
    ‌ေ_သ ခြင်းတရား၊ ခွဲခွာခြင်း ကို ခဏတာ ရင်ဆိုင်ကြုံတေ‌ွ့ခဲ့ရတဲ့အမျိုးသမီးတစ်ယောက်ကြောင်း ။ လူအမျိုးမျိုး စိတ်‌အထွေထွေကို ပါးပါးလှစ်ဟပြထားတဲ့ ဝတ္တုတိုလေးပါ ။
    ဝတ္တုတိုလေးကို ကြိုက်နှစ်သက်မိသလို ။ အထက်မှာပြောခဲ့သလို အဲ့အချိန် ဖီး စိတ်ခံစားမူနဲ့ တိုက်ဆိုင် အံ့ဩမိရသလိုဖြစ်နေလို့ ဝတ္တုတိုလေးကို မေ့မရဖြစ်ရပါတော့မယ် ။
    တစ်ကျော့ပြန်ရစ်သိုင်း…မေတ္တာစက်ဝိုင်း
    ဒီဝတ္တုတိုလေးကို ဖတ်ကြည့်ပြီး ကိုယ့်အမြင် ကိုယ့်အတွေး ကိုယ့်ရဲ့အတ္တ တွေ ပြန်လည်သုံးသပ်သင့်တဲ့ဝတ္တုတိုဆိုမမှားပါဘူး ။ ငါ ဆိုတဲ့အတ္တတွေကိုရှေ့တန်းတင်တဲ့အခါမှာ အမှန်က အမှားဖြစ်တက်ကြတယ်မလား ။ မိန်းမသားတွေရဲ့ မီးဖိုချောင်တွင်းမှာ ရုန်းကန်လှုပ်ရှားကုန်ဆုံးခဲ့ရသလို ၊ကလေးငယ်များရဲ့ စိတ်ဒဏ်ရာအနာတရ တွေ ကို တေ‌ွ့မြင်ရတဲ့ဝတ္တုတိုပါ ။
    ဒီဝတ္တုတိုထဲမှာ စဉ်ကျင်သင့်တာတွေ ကလေးငယ်များရဲ့ စရိုက်လက္ခဏတွေ ၊ လူကြီး နဲ့ လူငယ်ကြား က ကွာဟမူတွေ ဒါတွေကို တွေ့မြင်ရပါတယ်
    ဆက်၍ ဖတ်လိုက်ပါအုံးမယ်

  2. Khin Thida Htaik

    ဆရာမ ခင်သန္တာကို စတွေ့ဖူးတာကတော့
    ဆရာမ နှင်းစက် (လားရှိုး) ကောင်းမှုနဲ့
    “ငြိလက်စကြိုး” စာအုပ်မိတ်ဆက်ပွဲကလေး
    မှာပါ။ အပြင်မှာ ယမင်းရုပ်ကလေးတစ်ရုပ်လို
    လှပကျော့ရှင်းတဲ့ ဆရာမဟာ စာရေးလည်း
    ကောင်းလှသလို အင်မတန်လည်း ဖော်ရွေပါတယ်။ အဲသည်ပွဲကလေးမှာတုန်းက
    ဆရာမ မသီတာ (စမ်းချောင်း) က၊ ဆရာမကို
    ထောက်ပြခဲ့တာလေးကို ကျွန်မသတိတရ
    ရှိနေတုန်းပါပဲ။ ဆရာမက ဆောင်းပါးတွေ
    အရေးများသူမို့ “ဆောင်းပါးလက်” ကလေးတဲ့လေ။ ဆောင်းပါးလက်ကလေးက အရေးရှင်း
    ရှင်း၊ အတွေးရှင်းရှင်းနဲ့မို့ ရင်ထဲကိုလည်း
    ရှင်းရှင်းလင်းလင်း ရောက်တဲ့လက်ရာလေး
    တွေပါပဲ။
    ကျွန်မဟာ “ငြိလက်စကြိုး” ကလေး ဖတ်ပြီး
    သွားချိန်ကစလို့ ၊ FB မှာ ဆရာမ အကောင့်က
    လေးကို တွေ့အောင်ရှာရင်း See First လုပ်ထား
    ခဲ့တော့တယ်။
    ဆရာမရဲ့ တစ်ဦးတည်းသောသမီးကလေး
    အကြောင်း၊ မလေးရှားက အစ်ကိုအကြောင်း
    (သည်အကြောင်းတုန်းကတော့ ဖတ်ပြီး
    ကျွန်မပါ ရောငိုမိခဲ့သေးတာ)
    မောင်နှမတစ်တွေရဲ့ ငယ်ဘဝလေးတွေအကြောင်း၊ နောက် ချစ်စရာကောင်းတဲ့ ဆရာမ
    အမေအကြောင်းကလေးတွေ ရေးတင်လေတိုင်း
    ကျွန်မဟာ မက်မက်မောမော၊ ကြည်ကြည်မွေ့မွေ့
    (တစ်ခါတစ်ရံ နာနာကျင်ကျင်)
    နဲ့ ဖတ်ရှူမိခဲ့တာကြည့်ပါပဲ။
    #မိခင် သောက
    ရန်ကုန်မြို့နဲ့ မိုင်ရာချီအရပ်က နယ်မြို့
    လေးတစ်မြို့မှာ ကျောင်းသွားတက်နေတဲ့ သမီးကလေးအပေါ် မိခင်တစ်ယောက်ရဲ့ ပူပန်မှုအစုံ
    စုံကို မြင်ရတော့ ကွယ်လွန်သွားရှာပြီဖြစ်တဲ့
    ကျွန်မ အမေကို လွမ်းမောမိရပါသေးတယ်။
    ကျွန်မဆယ်တန်းကျောင်းသူ ဘဝမှာပေါ့။
    တစ်တန်းကနေ ကိုးတန်းတစ်လျှောက်လုံး
    ကျူရှင်မထားခဲ့တဲ့အဖေဟာ ဆယ်တန်းနှစ်မှာ
    တော့ ကျွန်မကိုကျူရှင်ထားပါတယ်။
    နေ့စဥ်နေ့တိုင်း မနက်တစ်ကြိမ်၊ ညနေတစ်ကြိမ်
    ကျူရှင်တက်ရပါတယ်။ မနက်ဆိုရင် (၆)နာရီက
    နေ (၈)နာရီထိ၊ ညနေဆိုရင်တော့ ကျောင်းဆင်း
    တာနဲ့ ကျူရှင်တန်းသွားရပါတယ်။ (၆)နာရီထိ
    ပေါ့လေ။အဲသလိုသွားလေတိုင်း
    အမေဟာ မနက်လည်း မနက်မို့၊ ညနေလည်း
    ညနေမို့၊ သူ့ရဲ့ ကွမ်းယာဆိုင်ကလေးကို
    သူများဆီအပ်လို့ ကျွန်မကို နေ့စဥ်ရက်ဆက်
    လိုက်ပို့၊ လာကြိုတာမျိုး ပြုလုပ်လေ့ရှိပါတယ်။
    အမှန်တကယ်ဆိုရင်တော့ အမေ့ကွမ်းယာဆိုင်
    ကလေးနဲ့ ကျူရှင်ဟာ သိပ်မဝေးလှတာမို့
    အမေ အပို့၊အကြို မလုပ်ရင်လည်း ဘာမှမဖြစ်
    ပါဘူး။ သူသူကိုယ်ကိုယ် ဒီလိုပဲ သွားနေကြတာ
    ပါပဲ။ မနက်ဆိုရင် အမေဟာ ကျွန်မအတွက် ကောက်ညှင်းပေါင်းပူပူကလေးနဲ့ ရှမ်းချဥ်ကလေးဝယ်ထားပေးတတ်သလို၊ ညနေဆိုရင်လည်း ကျွန်မကို လာကြိုလေတိုင်း ကျွန်မသိပ်ကြိုက်တဲ့ငှက်ပျောဖက်ရွက်ကလေးနဲ့ထုပ်ထားတဲ့ငှက်ပျောဆိုင်းကလေး အမြဲတစေ ဝယ်လာတတ်ပါတယ်။ တစ်ခါတစ်လေ စာသင်ရင်း
    အရှိန်ပါလာတတ်တဲ့ ဆရာတွေအလှည့်ကျရင်
    ကျူရှင်ဆင်းချိန်ဟာ ၇နာရီလောက်ထိ
    ရောက်သွားတတ်ပါတယ်။ အဲသည်အခါ
    ဆိုရင် ဝမ်းဟာလှပြီဖြစ်တဲ့ ကျွန်မဟာ
    တဂျုတ်ဂျုတ်မြည်နေတဲ့ ဝမ်းဗိုက်ကလေးကို
    နှိပ်လို့ နောက်ကျောဘက်ဆီလှမ်းမျှော်ငေးမိ
    လေတိုင်း ပြတင်းပေါက်သံတိုင်ကြားက
    အမေ့မျက်နှာလေးကို ချစ်စဖွယ်
    မြင်ရလေ့ရှိပါတယ်။ ကျွန်မကိုမြင်တဲ့အခါ အမေကပြတင်းပေါက်သံတိုင်ကြား
    ကနေ လက်ကလေးထုတ်လို့ ငှက်ပျောဆိုင်းက
    လေးကို မြှောက်ပြပြီး နှစ်သိမ့်ရှာပါတယ်။
    ဘယ်လောက်ထိ ချစ်ဖို့ကောင်းတဲ့အမေလည်းနော်❤
    #အပန်းတော်ပြေ
    သည်ဝတ္ထုကလေးထဲက “ကြက်သွန်နီကလေး
    တစ်လုံးတည်းနဲ့ ထမင်းစားနေတဲ့အခါ ဖအေကို
    သနားပြီး ငိုနေမိတဲ့ သမီးငယ်ကလေး
    ရဲ့ပုံရိပ်” နဲ့ “သမီးဖြစ်သူအတွက် အမျိုးသမီး
    လစဥ်သုံး ပစ္စည်းကလေး အလိုက်တသိဝယ်
    ပေးလေတဲ့ အဖေနဲ့သမီးကြားက ပုံရိပ်ကလေး
    တွေဟာ” ကျွန်မရင်ကို နာကျင်တစ်လှည့်၊ ကြည်
    နူးတစ်လှည့်နဲ့ မျက်ရည်စို့စေခဲ့ပါတယ်။ အဖေ
    နဲ့ ကျွန်မကြားမှာလည်း သည်လိုအဖြစ်ကလေး
    တွေရှိနေခဲ့တာကိုး။ အမျိုးသမီး ဘဘာဝ
    လစဥ်ဖြစ်တတ်တဲ့ ဖြစ်စဥ်တွေမှာ ကျွန်မဟာ
    အိပ်ယာထဲကမထနိုင်အောင်ထိ နာကျင်ကိုက်ခဲ
    တတ်တဲ့သူပါ။ သည်အခါတွေဆိုရင် အဖေဟာ
    ဦးစိုင်းလိမ်းဆေးကလေးနဲ့ ရေနွေးပုလင်းကလေးကိုင်လို့ ကျွန်မ မအိပ်ပျော်မခြင်း
    အလုပ်သွားလေ့ သွားထမရှိပါဘူး။ ကျွန်မ
    ခြေထောက်က အကြောလေးတွေကိုကြည့်ရုံနဲ့
    ကျွန်မ မပြောလည်း ကျွန်မညောင်းညာကိုက်ခဲ
    နေပြီဆိုတာကို သိနေခဲ့တဲ့အဖေပါပဲ။ အဖေချစ်
    သမီးတစ်ယောက်ဖြစ်ခဲ့တဲ့ကျွန်မအတွက်
    အဖေနဲ့အမှတ်တရတွေက များလွန်းလှပါတယ်။
    သာကြောင့်မို့လည်း နောက်အိမ်ထောင်ကြောင့်
    ဖြစ်ပျက်နေရတဲ့ အဖေတစ်ယောက်ရဲ့ပုံရိပ်
    တွေကိုမြင်ရတဲ့အခါ ငါ့အဖေသာဆိုရင်ဆိုတဲ့
    စိတ်ကလေးနဲ့ ကျွန်မ သူမတူအောင်နာကျင်ခဲ့
    မိတာထင်ပါရဲ့💔
    #အလည်သွားမိတဲ့ တစ်ညတာ
    တစ်ခါတစ်ခါ လူတွေအကြောင်း အမှန်အတိုင်း သိချင်လို့ ဒီဝတ္ထုလေးထဲကလို
    အလည်သွားမိစမ်းချင်တယ်။
    #အစာနဲ့အဆာ
    ဒီစာအုပ်လေးထဲမှာ ကျွန်မရင်ကို အထိဆုံးအပုဒ်
    ကလေးပါပဲ။❤❤❤
    စာအုပ်ကလေးထဲမှာ ရသာစုံဝတ္ထုကလေးတွေ
    ၁၅ ပုဒ်တောင် ပါပါတယ်။ တချို့ဝတ္ထုကလေး
    တွေက ငရုတ်သီးထည့်ချက်ထားတဲ့ မှိုဟင်း
    ကလေးတစ်ခွက်လိုပဲ။ နူးနူးညံ့ညံ့၊ချိုချိုအိအိနဲ့
    နောက်ဆုံးမှာ ကျွန်မကို လျှာပေါ်စွဲပြီး၊ မျက်ရည်
    ပါ ဝဲစေခဲ့တယ်။ ဒါပေမယ့် ကျွန်မ ထပ်စားချင်မိ
    တုန်းပါပဲ။
    #ပျိုး
    26-1-2022

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ခင်သန္တာ စာအုပ်များ