ပထမံဆရာသိန်း

ပထမံဆရာသိန်း အား ဝေဖန်သုံးသပ်မှု 1 ရှိပါသည်။

1. 

   Rated 5 out of 5

   Aeri Myat (verified owner) – November 18, 2023

   ငယ်ငယ်တုန်းကဆိုရင်
   သဘောကျရတဲ့ စာအုပ်အမျိုးအစားက
   လျို့ဝှက်ဆန်းကြယ် မဂ္ဂဇင်းလို
   စာအုပ်မျိုးပဲ။

   ကျွန်မတို့ မြို့ကလေးက
   ညစျေးတန်းကို သွားတိုင်း…
   (ကြိုက်ရာယူ ၃အုပ်၁၀၀၀ပဲပေးခဲ့ရတာ)
   တခြားအရာတွေထက် အဲ့ဒီစာအုပ်တွေကိုပဲ မက်မက်မောမော ပူဆာခဲ့မိတာပေါ့။
   အခုလို ပြောနေရင်းတောင်
   အဲ့အချိန်တွေ လွမ်းမိသွားတယ်။🥰

   အခုနောက်ပိုင်းဖတ်ဖြစ်တဲ့စာအုပ်တွေထဲ အဲ့လိုစာမျိုးတွေ သိပ်မဖတ်ဖြစ်တော့ဘူး။ဒီတိုင်း အလှမ်းဝေးသွားတာပေါ့။

   ဒီနေ့တော့ ဆရာကြီး ရွှေဥဒေါင်းရဲ့
   “ပထမံဆရာသိန်း” စာအုပ်လေး
   ဖတ်ဖြစ်ရင်း အရင်တုန်းက
   ရခဲ့တဲ့ အဲ့ဒီ ခံစားချက်လေး
   ပြန်ရလာတာပါပဲ။💫

   “အာတပ္ပနဗေဒင်ကျမ်း”ကို လိုချင်လို့
   ထူးခြား ဆန်းကြယ်မှုပေါင်းစုံနဲ့ အခက်အခဲတွေ ကြားကနေ
   ပထမံဆရာသိန်းနဲ့ တပည့်ကိုကျင်စိန်တို့ အမျိုးစုံ ကြုံတွေ့ ဖြတ်သန်းခဲ့ပုံတွေကို
   စာအုပ်ရဲ့ ပထမပိုင်းမှာ ဖတ်ရှုရမှာ
   ဖြစ်ပါတယ်။

   ဒုတိယပိုင်းမှာတော့….
   မကောင်းမှုအကုသိုလ်လုပ်မိရင်
   ဘယ်လို ပညာတွေ တတ်မြောက်ပါစေ၊
   ညဏ်ကောင်းပါစေ၊ ရှောင်လွှဲလို့မရနိုင်ကြောင်းကို တွေ့မြင်ခံစားရမှာ
   ဖြစ်ပါတယ်။

   ကိုယ်တွေ လက်လှမ်းမမီနိုင်တဲ့
   တချို့သော ဆန်းကြယ်တဲ့အကြောင်းအရာတွေကိုပါ ဗဟုသုတရဖွယ်
   ဖတ်ရှုရမဲ့ စာအုပ်လေးပါ။

   ထူးခြားတဲ့ ရုပ်ပြောင်းရုပ်လွဲ
   ပညာရပ်တွေ၊ ဂါထာမန္တာန်အတတ်တွေနဲ့
   ဆရာသိန်းရဲ့ ဖြတ်ထိုးညဏ်ကောင်းမှုတွေကြောင့် ဖတ်ရတာ
   စိတ်လှုပ်ရှားစရာလည်း ကောင်းတာမို့
   ကြုံကြိုက်တဲ့အခါ ဖတ်ကြည့်ကြဖို့
   ညွှန်းချင်ပါတယ်။💫

   #ရွှေဥဒေါင်း
   #ပထမံဆရာသိန်း
   #စာရိပ်မြိုင်စာပေ
   #အဌမအကြိမ်
   #bookno14