စကားဝါ
8000 (ကျပ်)
“စကားဝါ..ဟာ ပျက်စီးသွားတဲ့ ရည်ရွယ်ချက် တစ်ခုရဲ့ လက်ကျန်တည်နေရာ။စကားဝါကို ရောက်တဲ့ အခါ.. နေရာအသစ်တစ်ခုကိုရောက်လာတဲ့ ခံစားချက်မျိုး မခံစားရဘူး။အိုဟောင်းနေတဲ့ အိပ်မက်ဆိုးထဲ တိုးဝင်လိုက်ရသလိုအုံ့မှိုင်းခြောက်သွေ့သွားစေတယ်”အဲဒီနေရာ.. အဲဒီ စကားဝါ ရွာမှာ ဖြစ်ပျက်ခဲ့တဲ့အဖြစ်ဆိုးတစ်ခု။ အသက်ပေးလိုက်ရတဲ့ လူ ၉ ယောက်။မသေဘဲ ကျန်ရစ်ခဲ့တဲ့ တစ်ယောက်က မင်းခန့်ထူး.. ဆိုတဲ့ ကောင်လေး။နှစ်ပေါင်းများစွာ ကြာသွားပြီးတဲ့အခါ..သူဇာလွင်..ဆိုတဲ့ သတင်းထောက် တစ်ဦး။ သူက အင်မတန် အလုပ် ကြိုးစားတဲ့၊ ရည်မှန်းချက်ကြီးတဲ့သူ။
တစ်နေ့မှာ.. စကားဝါအဖြစ်ဆိုးရဲ့ သံသယ တရားခံ မင်းခန့်ထူးနဲ့ အင်တာဗျူးဖို့ အခွင့်ရသွားတယ်။စကားဝါရဲ့ နောက်ကြောင်းကို ဘယ်သူ့ကိုမှ မပြောပြဘဲရေငုံနှုတ်ပိတ်နေ၊ စွပ်စွဲသမျှကို ပြန်မပြော နားမထောင် ကျောခိုင်းထားတဲ့ မင်းခန့်ထူးက.. သူဇာလွင်နဲ့ တွေ့ချင်တယ်၊စကားဝါအကြောင်း အပြည့်အစုံ ပြောပြချင်တယ်..ဆိုပြီးကမ်းလှမ်းလာတယ်။ ဒီနှစ်ယောက်ရဲ့ အပြန်အလှန် အမေး အဖြေတွေထဲမှာစကားဝါရဲ့ ကြောက်စရာ၊ ရင်နင့်စရာ.. ပြီးတော့မယုံနိုင်စရာ..ဇာတ်လမ်းက တစ်စပြီးတစ်စရုပ်လုံးပေါ်လာတယ်။အမှောင်ဘက်က အတ္တ၊ လောဘနဲ့ ဇော..၊ အလင်းဘက်က ရဲရင့်ခြင်း၊ မေတ္တာနဲ့.. ချစ်ခြင်းတရား၊ ဒီအရာတွေရဲ့ အားပြိုင်မှုတွေ။နှစ်ပေါင်းများစွာ သိုဝှက်ဖုံးကွယ်ထားတဲ့ ခြောက်ခြားစရာ လျှို့ဝှက်ချက်တွေ။ပြီးတော့ စကားဝါ ဖြစ်ရပ်မှာ.. ဘယ်သူမှ မတွေ့လိုက် မမြင်လိုက်တဲ့ဆယ့်တစ်ယောက်မြောက် လူတစ်ယောက် အကြောင်း..။စကားဝါ ဆိုတဲ့ ဇာတ်လမ်းကို အခန်းဆက်အဖြစ်တင်ပေးခဲ့တုန်းက ဖတ်ရှုသူ များခဲ့ပါတယ်။ အဲဒီ အခန်းဆက်ကို လုံးချင်းအဖြစ် ပြန်ရေးဖို့အချိန် တစ်နှစ်ကျော် ကြာခဲ့တယ်။ ထပ်ဖြည့်ထားတာတွေအများကြီး ပါသလို၊ ပြောင်းလဲသွားတဲ့ ဇာတ်ကွက်တွေလည်းပါပါတယ်။ ဒါပေမယ့် မင်းခန့်ထူးက မင်းခန့်ထူးပဲ။ မပြောင်းလဲသလို သူဇာလွင်ရဲ့ ခံယူချက်တွေကလည်း ပြောင်းလဲမသွားပါဘူး။စကားဝါဟာ ကြောက်စရာ ပုံပြင်တစ်ပုဒ်တော့ ဖြစ်နေမယ်။ကြည်နူးသက်ဝင်စရာဇာတ်ကောင်တွေ မပါဘူး၊လှပတဲ့ အဖြစ်အပျက်တွေ မပါဘူး။ ဒါပေမယ့်ဖတ်ရင်းနဲ့ စိတ်လှုပ်ရှား ခြောက်ခြားစေမယ့် အရသာကိုတော့အပြည့်အဝ ရစေမယ်။
စာမျက်နှာ | 360 |
---|---|
စာအုပ်အရွယ်အစား | 5.8 × 0.8× 8.9 inches |
ပုံနှိပ်မှတ်တမ်း | အင်းဝစာပေ၊ 2022 ဩဂုတ်လ (ပထမအကြိမ်) |
စျေးနှုန်းအပြောင်းအလဲ | 8.11.2022 နေ့မှစတင်၍ မူရင်းထုတ်ဝေတိုက်မှ ကျပ် 8000 စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။ |
Out of stock
Kaung Satt Paing –
အမှန်တိုင်းပြောရရင် ဘာသာပြန်ပဲရေးတတ်တဲ့ စာရေးဆရာတစ်ယောက်က ဒါမျိုးရေးတတ်လိမ့်မယ် မမျှော်လင့်ထားမိဘူး
တကယ်ကောင်းပါတယ် နိုင်ငံခြားကားသည်းထိပ်ရင်ဖိုရုပ်ရှင်ကိုကြည့်နေရသလိုပါပဲ
ဖတ်ကြည့်သင့်တဲ့စာအုပ်တစ်ခုပါ
Thant Thiri Htun –
ဆရာချမ်းမြေ့၀င်းကိုဒီစကားဝါဆိုတဲ့စာအုပ်လေးကြောင့်စသိခဲ့ပြီး အရမ်း ဆွဲလမ်းသွားတာပါ။ အစပိုင်းမှာတော့ design လေးကလည်းစိတ်၀င်စားစရာ ပြီးတော့ စာအုပ်နောက်ကျောဘက်က စာတိုလေးကစိတ်၀င်စားစေခဲ့တယ်။ အဲ့တာနဲ့ဖတ်ရင်းနဲ့တစ်၀က်လောက်မှာအဲ့အကြောင်းကပိုပိုရှုပ်လာတယ် ပြန်တွေးရင်းဖတ်ရင်းနဲ့နောက်ဆုံးမှာ ပြီးသွားပေမယ့်ရင်ထဲဟာတာတာကြီးကျန်ခဲ့တယ် အဲ့တော့ ထပ်ပြီးတော့ဖတ်ကြည့်တယ်အဲ့ကြမှ လိုရင်းကိုသိတာပါ။ အခုနဲ့ဆိုအရမ်းကြိုက်လို့ ဖတ်တာ7ခေါက်ရှိပါပြီ ။ အဲ့နောက်ဆရာ့စာအုပ်တွေရှာရင်းကျန်တာလေးတွေပါဖတ်နေပါတယ်။