ဆာဟာရ၏နေ့ရက်များ

( 1 မှတ်ချက်)

5000 (ကျပ်)

ယခုစာအုပ်တွင် ကန္တာရအတွင်းနေထိုင်သူတစ်ဦး၏ ဘဝအခက်အခဲများကို အကောင်းမြင်စိတ်ဖြင့် ရင်ဆိုင်ဖြတ်သန်းခဲ့ပုံ၊ နယ်လှည့်ခရီးသွားရင်း တွေ့ကြုံခဲ့ရသည့်အရာများ၊ တွေ့ကြုံခဲ့ရသည့် အဖြစ်အပျက်များမှရရှိလာသည့် အတွေးအမြင်များ၊ တစ်ယောက်တည်းရဲရဲရင့်ရင့် ရင်ဆိုင်ဖြတ်သန်းခဲ့သည့် ဆာဟာရကန္တာရအတွင်း ရာသီဥတုဆိုးဝါးမှုတွေက သူမအတွက် မည်သို့မှမခံစားရပုံနှင့် ကိုယ်ဝါသနာပါသောအလုပ်ကို လုပ်နေရခြင်းသည် နတ်ပြည်ရောက်နေသကဲ့သို့ ပျော်ရွှင်နေရပုံ စသည့် အကြောင်းအရာများကို လေးစားအားကျအတုယူဖွယ် ဖတ်ရှုရမှာဖြစ်ပါတယ်။
ဆာဟာရကန္တာရအကြောင်းများကို တစ်အုပ်တည်း စုစည်းထုတ်ဝေလိုက်တာဖြစ်တာကြောင့် ယခင်ပထမအုပ်ဖြစ်သည့် “ဆာဟာရပုံပြင်” ထဲမှ အကြောင်းအရာများလည်း ယခု “ဆာဟာရ၏နေ့ရက်များ” စာအုပ်တွင် ပြန်လည်ပါဝင်တာဖြစ်ပါတယ်။

စာမျက်နှာ

599

စာအုပ်အရွယ်အစား

5 x 1.3 x 7.2 inches

ပုံနှိပ်မှတ်တမ်း

SYNERGY Publications စာပေ၊ 2020 ဇန်နဝါရီလ၊ (ပ-ကြိမ်)

ဆာဟာရ၏နေ့ရက်များ အား ဝေဖန်သုံးသပ်မှု 1 ရှိပါသည်။

  1. Hnit Oo May

    ဆာဟာရရဲ့ နေ့ရက်များ
    နိုင်းနိုင်းစနေရဲ့ ဖတ်နေကျစာအုပ်‌တွေမဟုတ်ပဲ ဘာသာပြန်စာအုပ်မို့စိတ်ဝင်စားပြီးဝယ်ယူခဲ့ပေမယ့် အမှာစာကို ဖတ်ပြီးအနည်းငယ်ပျင်းစရာကောင်းသလိုခံစားရလို့ ၂လနီးပါးပြန်မကိုင်မိတဲ့စာအုပ်။
    ဒါပေမယ့် သေချာအချိန်ပေးပြီးဖတ်မိတဲ့အချိန်မှာတော့ ပစ်ထားမိတဲ့အချိန်တွေအတွက်နောင်တရမိတဲ့စာအုပ်။
    ပထမဆုံးကျေနပ်စရာကောင်းတာကဒီစာအုပ်ဟာ ဝတ္ထု မဟုတ်တဲ့ ဖြစ်ရပ်မှန်စာအုပ်။
    အကြောင်းအရာတိုင်းကတစ်ကယ်ဖြစ်ခဲ့ပါလားဆိုတဲ့စိတ်နဲ့
    အက်ဆေးအပုဒ်တိုင်းကိုစိတ်လှုပ်ရှားစွာဖတ်ခဲ့ရတဲ့ဒီစာအုပ်။

    ဆမ်မောက်
    ရဲရင့်လွန်းတဲ့သူမ၊ တွေးတတ်လွန်းတဲ့သူမ၊ လွတ်လပ်မှုရဲ့အရသာကိုအပြည့်အဝခံစားချင်တဲ့သူမ၊ အတွေ့အကြုံသစ်ရဖို့အတွက်ဆိုရင်စွန့်စားစိတ်အပြည့်ရှိတဲ့သူမ၊တင်းတိမ်ရောင့်ရဲတတ်ပြီးတစ်ပါးသူအတွက် အယုတ်အလတ်အမြတ်မရွေးကူညီပေးတတ်တဲ့သူမ၊ သဲကန္တာရရဲ့ သင်္ချိုင်းမြေပေါ်ကဇရပ်လိုအိမ်ကို အိုအေစစ်လေးသဖွယ်ပြောင်းလဲနိုင်တဲ့ အိမ်ထောင်ရှင်မ ပီသတဲ့သူမ။
    အက်ဆေး၂ပုဒ်ဖတ်ပြီးတဲ့အချိန်မှာ googleကနေသူမဘယ်လိုပုံလဲဆိုတာရှာမိတဲ့အထိ ချစ်မိသွားစေတဲ့သူမ။

    ရိုးသားပြီး အတွေးအခေါ်မရှိ အသိပညာနည်းပါးမှုကြောင့် လူနေမှုဘဝနိမ့်ကျနေရတဲ့ သဲကန္တာရ နေ ဆာဟာရဝီလူမျိုးတွေရဲ့ ပျော်ရွှင်စရာ၊ ဝမ်းနည်းစရာ၊သနားစရာ၊အံ့ဩစရာ၊အမြင်ကပ်စရာ ကိစ္စအရပ်ရပ်ကို ရုပ်ရှင်တစ်ကားကြည့်နေရသလိုခံစားဖတ်ခဲ့ရတဲ့စာအုပ်။

    အချစ်အတွက်စုံလုံးကန်းနေတဲ့ဆာဟာရဝီလူငယ်အမျိုးသားအကြောင်းပါတဲ့အက်ဆေးကိုဖတ်ရတဲ့အချိန်မျက်ရည်ကျမိသလို၊ ဆမ်မောက်တို့လင်မယား သဲကန္တာရထဲကျောက်ဖြစ်ရုပ်ကြွင်းသွားရှာကြရင်း ဆမ်မောက်ရဲ့အမျိုးသား ဟိုဆေး နွံထဲနစ်သွားတဲ့အချိန်က အကြောင်းတွေပါတဲ့အက်ဆေးကိုတော့ ကိုယ့်မှာ ရင်တွေတုန်ရင်းဖတ်ခဲ့တာ ၂ညကြာခဲ့ပါတယ်။ သည်းထိပ်ရင်ဖိုခံစားရတဲ့အပြင် ဘာဖြစ်သွားမလဲဆိုတာဆက်မဖတ်ရဲတော့လို့ ၂ညကြာဖတ်ခဲ့ရတာပါ။

    ဆာဟာရ သဲကန္တာရ ရဲ့သဘာဝတရားကြီးနဲ့ ဆမ်မောက်နဲ့သူ့အမျိုးသားဟိုဆေးတို့ရဲ့ နေ့ရက်တချို့ကို သိခွင့်ရတဲ့အတွက် ဘာသာပြန်ပေးသူဆရာမနိုင်းနိုင်းစနေကိုလဲကျေးဇူးတင်မိပါတယ်။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

နိုင်းနိုင်းစနေ စာအုပ်များ