ရုရှားတော်လှန်ရေး

ရုရှားတော်လှန်ရေးသည် ၁၉၁၇ ခုနှစ်တွင်ဖြစ်ပွားခဲ့သည့် လူထုတော်လှန်ရေးကြီးဖြစ်ပြီး ကမ္ဘာ့ပထမဆုံး ကွန်မြူနစ်အစိုးရတစ်ရပ်ကို ပေါ်ထွန်းစေခဲ့သည်။ ဘော်ရှီဗစ်တော်လှန်ရေး၊ အောက်တိုဘာတော်လှန်ရေး စသည့် အမည်များဖြင့်လည်း ထင်ရှားသည်။ ၁၉၁၇ မတ်လ (၂) ရက်နေ့တွင် ဇာဘုရင်နန်းစွန့်ခဲ့ပြီး ယာယီအစိုးရကို ဖွဲ့စည်းပေးခဲ့သည်။ ဇာဘုရင်မရှိတော့သော်လည်း ရုရှားစစ်တပ်က ရန်သူများနှင့် စစ်ပွဲတွေဖြစ်နေသည်။ အစာရေစာရှားပါးပြီး လူမှုဒုက္ခများနှင့် ပြည့်နေသောအချိန်တွင် အုပ်ချုပ်ရေးမမျှတမှုများကြောင့် ဆင်းရဲချမ်းသာ ကွာဟမှုများ ကြီးမားလာခဲ့သည်။ ယာယီအစိုးရအနေနှင့် ဆန္ဒပြလူထုကို ထိန်းချုပ်ရန် အခြေအနေမပေးခဲ့ပါ။ စစ်တပ်ကပါ ပြည်သူများနှင့် ပူးပေါင်းမိခဲ့ကြရာ အဆုံးတွင် လီနင်ခေါင်းဆောင်သော ကွန်မြူနစ်ပါတီက ဦးဆောင်ပြီး အစိုးရကိုဖြုတ်ချကာ ကွန်မြူနစ်အစိုးရ တက်လာခဲ့ပါသည်…