ဘဝရဲ့စည်းမျဉ်းများ

ဘဝရဲ့စည်းမျဉ်းများ အား ဝေဖန်သုံးသပ်မှု 3 ရှိပါသည်။

1. 

   Rated 5 out of 5

   Myat Thaw Kha – August 13, 2020

   တကယ်ကောင်းတဲ့စာအုပ်လေးပါ…ဖြေးဖြေးချင်းဖတ်သွားရင်းစိတ်တွေတည်ငြိမ်လာတယ်…ခွင့်လွှတ်တတ်လာတယ်…တခုပဲစာလုံးပေါင်းလေးတွေတချို့နေရာတွေမှာမှားနေတယ်…နောက်တခါထပ်ထုတ်ရင်ပြင်လို့ရအောင်ပြောပြတာပါ…???

2. 

   Rated 0.1 out of 5

   Pyae Ar Kar – September 12, 2020

   စည်းမျဉ်းစည်းကမ်းတွေအတိုင်း နေထိုင်တဲ့သူ‌ေတွဟာ ဘ၀ကို အေးအေးချမ်းချမ်းနဲ့ ဖြတ်သန်းနေနိုင်ကြသူတွေဖြစ်တယ် ၊ ဘာလို့လဲဆိုတော့ စည်းမျဉ်းစည်းကမ်းတွေဟာ လူ့လောကကြီး အေးချမ်းသာယာ‌ေစရန်အတွက် ရည်ရွယ်ပြီး ချမှတ်ထားလို့ပဲဖြစ်တယ်

   ဒီစာအုပ်လေးကိုဖတ်ပြီးသွားရင် ဘ၀ရဲ့ စည်းမျဉ်းတွေကိုသိပြီး လူတွေနဲ့ ပြောဆိုဆက်ဆံရာမှာ ပိုအဆင်ပြေသွားစေလိမ့်မယ်လို့ ယုံကြည်ပါတယ် ၊ အထူးသဖြင့် အရင်ကနဲ့မတူတဲ့ အတွေးအခေါ်တွေဖြစ်ပေါ်လာမှာကြောင့် သင့်စိတ်အတွေးလေး ရှင်းလင်းသွားစေမှာ အမှန်ပါပဲ

   ဥပမာ လူတစ်ယောက်နဲ့တစ်ယောက် တွေ့တဲ့အခါ နေကောင်းလားလို့မေးရင် ဟုတ် ကောင်းပါတယ်လို့ပဲ ပြန်ဖြေလိုက်ခြင်းက နှစ်ဦးနှစ်ဖက်စလုံးအတွက်အဆင်ပြေတယ် ၊ မဟုတ်ရင် မကောင်းပါဘူးလို့ ပြန်‌‌ေဖြလိုက်တဲ့အခါ တစ်ဖက်သူရဲ့စိတ်မှာ ငါသူ့ကိုဆက်ပီး အချိန်ပေးရတော့မယ် စကားတွေပြောရတော့မယ်ဆိုတဲ့ အတွေးဖြစ်လာပီး နှစ်ယောက်စလုံး လုပ်စရာရှိတာတွေကို မလုပ်နိုင်ဖြစ်သွားမယ် ၊ ကလျာဏမိတ္တတွေလို ရင်းနှီးနေရင်တော့ ပြောရတာတမျိုးပေါ့လေ …

   ပြီးခဲ့တာတွေကိုလက်ခံလိုက်ပါတဲ့ ၊ လူတ်ောတော်များများက ပြီးခဲ့တာတွေကို လက်မခံတတ်ကြပါဘူး ၊ ဖြစ်ခဲ့ဖူးတဲ့အရာတွေဟာ ပြန်မရနိုင် / ပြန်မပြင်ဆင်နိုင်တော့တာတွေဖြစ်တဲ့အတွက် လက်မခံနိုင်ဖြစ်နေခြင်းက ကျွန်တော်တို့ရဲ့ ရှေ့ဆက်ရမဲ့ခရီးကို အနှောက်အယှက် ဖြစ်စေနိုင်ပါတယ် …

   စိတ်ကို ငြိမ်သက်စေဖို့ ကိုယ့်ရဲ့သီးသန့်နေရာလေးတစ်ခုမှာ နေ့စဉ်အချိန်ပေးပါ ၊ ထိုနေရာလေးဟာ စာချစ်သူဆိုရင် စာအုပ်ဖတ်တဲ့နေရာလေးဖြစ်ရပါမယ် ၊ သီချင်းနားထောင်တာကြိုက်တဲ့သူဆိုရင် နားကျပ်လေးတပ်ပီး အေးအေးဆေးဆေးနားထောင်နိုင်ရပါမယ် ၊ လူတွေရဲ့စိတ်ဟာ လှုပ်ရှားရုန်းကန်ရတဲ့ ၀န်တွေကြောင့် ခွန်အားတွေဆုတ်ယုတ်ရပါတယ် ၊ ကိုယ်ချစ်တဲ့ နေရာလေးမှာ နေ့စဉ်အချိန်ပေးခြင်းဖြင့် ကိုယ့်အတွက် ခွန်အားတွေ ပြန်လည် မွေးမြူနိုင်ကြပါစေ …

   ဘ၀ရဲ့စည်းမျဉ်းတွေအတိုင်း နေထိုင်လိုက်နာတဲ့သူတွေဟာ ပိုပြီးကံကောင်းကြတယ် ၊ အခန်းထဲကို သူတို့ ၀င်လာရင် ပျော်ရွှင်မှုကလေးကို ဖြန့်ကျက်လိုက်သလို လင်းလက်သွားတယ်တဲ့ ၊ သင်တို့ကော ? ဘ၀ရဲ့ စည်းမျဉ်းတွေကို လေ့လာပြီး အလင်းရောင်လေးတွေ ဖြန့်ကျက်ကြည့်ကြရအောင်လေ..

   #ဘ၀ရဲ့စည်းမျဉ်းများ
   #ခင်စောတင့်

3. 

   Rated 4 out of 5

   Mi Shweyee Win Htet – December 26, 2020

   ဘဝမှာ ပျော်ရွှင်ဖို့၊ အောင်မြင်ဖို့၊ ကျန်းမာဖို့ ၊ ချမ်းသာဖို့ ဆိုရင် ဘဝရဲ့ စည်းမျဥ်း တွေကို သိသင့်တယ် ထင်လို့ ဒီစာအုပ်ကို ဖတ်ဖြစ်သွားပါတယ်။

   ဖတ်ရတာ ရိုးရှင်းတယ်။နားလည်လွယ်တယ်။
   အဓိက ကတော့ ဘဝရဲ့ စည်းမျဥ်း အတိုင်း လိုက်နာကျင့်သုံးမယ်ဆိုရင် ဘဝမှာပိုပြီး ကံကောင်းစေတယ်။ ကံဆိုတာ ကိုယ်လုပ်တဲ့ အလုပ်ပေါ်မှာပဲ သတ်မှတ်ထားကြတဲ့အတွက် ဒီစာအုပ်မှာ စိတ်အားထက်သန်မှုကို ရရှိစေတယ်။
   ကံကံ၏ အကျိုးကို ယုံကြည်တဲ့အတွက်ကြောင့်လည်း
   ဘဝမှာ အလင်းရောင်တစ်ခုလို လင်းလက်သွားစေလိမ့်မယ်လို့ ထင်မိပါတယ်။ ဒါ့အပြင် ဘဝတစ်လျှောက်လုံးမှာ ပျော်ရွှင်မှုတွေကို တံခါးပေါက်သဖွယ် ဖန်းတီးတတ်တဲ့အပြင်
   ထိုက်တန်တဲ့ဘဝမျိုးကို ရရှိအောင် တည်ဆောက်ဖို့ မလွယ်ကူပေမဲ့ တည်ဆောက်ဖို့နည်းလမ်းတွေကို သိထားတဲ့အတွက် တစ်ချိန်ချိန်မှာ အကျိုးပြုစေမည့် စာအုပ်ကောင်းတစ်အုပ်ပါ။