Rosella

( 1 မှတ်ချက်)

2500 (ကျပ်)

လူဟူသမျှ ကျားမ မဟူ ချစ်တတ်ကြသည်ချည်းပင် ။ ချစ်ပုံ ချစ်နည်း ဗျူဟာချင်း ကွဲချင်ကွဲမည် ချစ်တတ်ကြသူတွေ ပင် မဟုတ်လော ။ သို့သော် ချစ်ခြင်းတူပြိုင် သလို ငါက ဘယ်လို ချစ်လို့ သူက ဘယ်နည်း ပြန်ချစ်ရမည် ဟု မှတ်ယူ စွဲမြဲထားလျှင် အသင် သကောင့်သား သည် အမှားကြီး မှားလိမ့်မည်တည်း ။

အဘယ်ကြောင့် ဆိုသော် ရိုဆယ်လာ တည်းဟူသော မိန်းမပျို ၏ အချစ်သည် သိမ်မွေ့နူးညံ့ သလို ကြမ်းလည်း ကြမ်းတမ်း၏ ။ တွေ့စဉ်ခဏ ခွဲမရသလို ဖြစ်သော်ငြား သင့်အား လေးငါးခြောက်လ ထားချင် ထားခဲ့ နိုင်၏ ။ နှုတ်ခမ်းနီရဲရဲ တွင် Mild Seven စီးကရက် တွဲလဲ ချိတ်လျက် Absolute Vodka ကို တငုံချင်း သောက်နေသော သူမ သည် သင် စွဲလမ်း တမ်းမက် နေသော်လည်း ထားခဲ့မည်မှာ အမှန် ။ မိုးသည်းသည်း မည်းမည်း ရွာနေချိန် ဖုန်းတချက်မျှ မဆက်ဘဲ သင့်အိမ် တံခါးပေါက် ရောက်ချင် ရောက်လာမည် ။ ဤကား ရိုဆယ်လာ ၏ သဘာဝ တည်း ။

အနှီ ရိုဆယ်လာ ၏ အချစ်ကို ရယူ သိမ်းပိုက်လိုသော သကောင့်သားသည် ပုံပြင်ထဲက လေကို လိုက်ဖမ်းသော လူတယောက်လို သူရူး လုံးလုံး ဖြစ်ချေမည် သာတည်း ။

ထို့ကြောင့် ရိုဆယ်လာ လို မိန်းကလေး မျိုး ကို သင်သည် မချစ်အပ် ။ ချစ်ခဲ့သည် ရှိသော် လွန်ကြူးစွာ မစွဲလမ်း အပ် ။ စွဲလမ်းသွားသည် ဆိုသော် သင်သည် ရိုဆယ်လာ မဘုရား၏ ကျေးကျွန်ဘဝ ရောက်ရမည် သာတည်း ။

ရိုဆယ်လာ သည်ကား မီ လည်း မဟုတ် ၊ မေ လည်း မဟုတ် ၊ ဂျစ်ပစီမ ကာမင်း လည်း မဟုတ် ရိုဆယ်လာသည် ရိုဆယ်လာ သာ ဖြစ်ချေသည် တကား။

စာမျက်နှာ

122

စာအုပ်အရွယ်အစား

5.2× 0.3× 7.5 inches

ပုံနှိပ်မှတ်တမ်း

ဇလပ်နီစာပေ၊ 2020 အောက်တိုဘာလ၊ (ပထမ-ကြိမ်)

Out of stock

Rosella အား ဝေဖန်သုံးသပ်မှု 1 ရှိပါသည်။

  1. Mi Shweyee Win Htet

    #ရိုဆယ်လာ(Review)??

    ရိုဆယ်လာသည် နီဖျဉ်းဖျဉ်း မိန်းကလေး ဖြစ်သည်။ အပျော် မက်သော၊ အစစအရာရာအပေါ် သံယောဇဉ်နှင့် ကရုဏာ မထား တတ်သော မိန်းကလေး ဖြစ်သည်။ နှုတ်ခမ်းနီကို စွဲမယ်ဖွယ်ဖြစ်အောင် အစဉ်သဖြင့် ဆိုးတတ်သူ၊ စိတ်ကို လေအလျင်လို လွင့်ပစ် တတ်သော မိန်းကလေး ဖြစ်သည်။ ရိုဆယ်လာသည် တိမ်းမူးဖွယ် ကောင်းသည်။
    လေလိုရောက်လာပြီး လေလို ပြန်ထွက်သွားတတ်သော တစ္ဆေသဏ္ဌာန် မိန်းကလေး ဖြစ်သည်။ လူ့ဘောင်စည်းကမ်းများ၊လူ့လမ်းစဥ်များ၊လူ့ကျင့်ဝတ်များနှင့် စိမ်းနေသော မိန်းကလေးတစ်ယောက်ဖြစ်သည်။

    သူမနဲ့တွေ့ခဲ့ရသောအမျိုးသားသည် တစ်ခဏတာကံကောင်းစေပြီး တစ်သက်စာအားဖြင့် ရူးသွပ်ခြင်းကိုဖြစ်ပေါ်ခဲ့သည်။
    ????

    ဒီစာအုပ်ကိုဖတ်ပြီးဆိုရင်
    သူမရဲ့အကျင့် စရိုက်ဟာ လူငယ်တွေအတွက် အထူးသထိပြုစေချင်ပါတယ်။ကြမ်းတမ်းပေမဲ့ သူမရဲ့စိတ်နှလုံးသားဟာ သိမ်မွေ့နူးညံ့နေတာလား ဆိုတဲ့မေးခွန်းလည်း မမေးပါနဲ့။ တစ်အုပ်လုံးဖတ်ပြီးတာတောင်မှ သူမရဲ့ပင်ကိုယ် စိတ်ဓာတ်ကို မသိလိုက်ရပါဘူး။ ပြောချင်တာက ဒီစာအုပ်ဟာ ထူးခြားတဲ့ရသတွေကိုပေးတယ်။ လူတစ်ယောက်ရဲ့ ချစ်ခြင်းတရားကကြီးမားလွန်းလို့ နောက်ဆုံး နှစ်ပေါင်း ၄၀ ကျော်အထိ ကို စောင့်ဆိုင်းနိုင်ခဲ့ပါတယ်။ အဲ့တာဟာ သေဆုံးခြင်းပါပဲ။

    #မြတ်နိုးရပါသော အယုတ်တမာမ
    #ကြင်နာရပါသော မကောင်းဆိုးဝါးမ
    #စွဲလမ်းတပ်မက်ရပါသော မြွေဝေါက်မ ရိုဆယ်လာကို သူသတ်နိုင်ခဲ့ပါပြီး။ ချက်ချင်းပဲ မကြာပါဘူး သူလည်း သူမနောက်ကိုလိုက်သွားခဲ့ပါတယ်။
    Happy endingတွေဆို ကြိုက်ပေမဲ့ တစ်ခါ လောက် တော့
    Happy ending ကို မယုံကြည်ချင်တော့ဘူး။ ဒီစာအုပ်မှာ ထူးဆန်းတဲ့ Ending တွေနဲ့ပေါ့။

    စာအုပ်တစ်အုပ်လုံးကိုဖတ်ပြီး ဘာရသွားလဲလို့မေးရင် ဘာမှရမှာမဟုတ်ပါဘူးလို့ဖြေမှာ။သေချာတာကတော့
    ရိုဆယ်လာသည် ကိုယ့်ကို စိတ်ရှုပ်စေတာအမှန်ပဲ။ သူမလိုလူမျိုးကို ကြောက်လည်းကြောက်မိသလို သနားလည်းသနားမိပါတယ်။ ဒါပေမဲ့ သနားရတဲ့အကြောင်းအရင်းရှိလာဆိုတော့လည်း မရှိဘူး။
    ပြောရမယ်ဆိုရင် စာဖတ်သူတွေကိုခေါင်းစားစေတယ်။ စဥ်းစားစေတယ်။ အဖြေက ရှိလာမှာပါလို့ ယုံကြည့်ရင်း ဖတ်ရင်း စာမျက်နှာ ကုန်သွားတယ်။ သိချင်တဲ့ ရိုဆယ်လာရဲ့ အတိတ်အကြောင်း သမိုင်းကို မသိခဲ့ရပါဘူး။ ဘာကြောင့်သူမဒီလိုမျိုး ဆိုးသွမ်းနေတဲ့ဆိုတဲ့ အဖြေလည်းမရခဲ့ပါဘူး။ ဒီတော့ ကိုယ့်အထင်အမြင်နဲ့ ကိုယ် နဲ့ပဲပြီးဆုံးသွားခဲ့ပါတယ်။ ဒါပေမဲ့ ending ကထင်သလိုမဟုတ်ခဲ့ပြန်ပါဘူး။

    ဒီစာအုပ်သည် အစဥ်အလာမှကွဲထွက်လာသော ဖန်းတီးမှုအသစ်လို့မြင်မိပါတယ်။ ဒါဟာကိုယ့်ရဲ့ခံယူချက်ပါ။
    ရှင်းရှင်းပြောရရင် ဒီစာအုပ်ရဲ့ ပုံဖော်မှုဟာ လူကြီးအနေနဲ့ဖတ်ရင်
    နည်းနည်းပါးပါး ရိုင်းမိပေမဲ့ လူငယ်တွေအတွက်တော့ ရသအသစ်တစ်ခုကိုရရှိစေပါတယ်။
    ရိုင်းပေမဲ့ အတွေးသစ်အမြင်သစ်နဲ့ရေးထားတာလေးကို လေးစားမိပြန်တယ်။

    ရှုပ်ထွေးလှတဲ့ခံစားချက်ကို ဖြစ်စေလို၍ ရသအချို့ကို မျှဝေပေးလိုက်ပါတယ်။

    လေးစားစွာဖြင့်???

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

မယ်လွင့် စာအုပ်များ