ဆက်၍မပွင့်တော့သောနှင်းဆီများ

ဆက်၍မပွင့်တော့သောနှင်းဆီများ အား ဝေဖန်သုံးသပ်မှု 53 ရှိပါသည်။

1. 

   Rated 5 out of 5

   Kyi Phyu – April 28, 2022

   ဘာသာရေး ယုံကြည်ချက် ရှိသူတွေကို ပိုမြှင့်တင်ပေးသော စာအုပ်ကောင်း တအုပ်ဖြစ်ပါသည်။ အရမ်းလေးနက်သလို စာဖတ်ပရိသတ်အတွက် အချိန်ပေးရသလောက် တန်ဖိုးပြန်ရသော စာအုပ်ဖြစ်ပါသည်။ နိုင်ငံခြားတိုင်းပြည် အစုံကို တကယ်ရောက်သွားသလို ကွက်ကွက်ကွင်းကွင်း ရေးပြထားသည်က ဆရာမ၏ ပါရမီထူးဖြစ်ပါသည်။ ရသခံစားချက်များကလည်း ဇာတ်လမ်းလဲအပြီး စိတ်လဲလွတ်လပ်ပေါ့သွားစေခဲ့ပါသည်။ အတွေးကောင်းများစွာနှင့်အတူ ကျင့်ကြံရမည့် အရာများစွာ ကျန်ရစ်ခဲ့စေသော မမွန်ဟော်စီ၏ ဆက်၍မပွင့်တော့သောနှင်းဆီများ” စာအုပ်သည် ဆန်းပြားနက်နဲသော ဉာဏ်ပညာတိုးစေသော အဖိုးတန် စာအုပ်ကောင်း တစ်အုပ်ဖြစ်ခဲ့ပါပြီ။ ကျေးဇူးအများကြီတင်ပါတယ် မမဆရာမရှင့်။

2. 

   Rated 5 out of 5

   Kyi Phyu – April 28, 2022

   ဘာသာရေး ယုံကြည်ချက် ရှိသူတွေကို ပိုမြှင့်တင်ပေးသော စာအုပ်ကောင်း တအုပ်ဖြစ်ပါသည်။ အရမ်းလေးနက်သလို စာဖတ်ပရိသတ်အတွက် အချိန်ပေးရသလောက် တန်ဖိုးပြန်ရသော စာအုပ်ဖြစ်ပါသည်။ နိုင်ငံခြားတိုင်းပြည် အစုံကို တကယ်ရောက်သွားသလို ကွက်ကွက်ကွင်းကွင်း ရေးပြထားသည်က ဆရာမ၏ ပါရမီထူးဖြစ်ပါသည်။ ရသခံစားချက်များကလည်း ဇာတ်လမ်းလဲအပြီး စိတ်လဲလွတ်လပ်ပေါ့သွားစေခဲ့ပါသည်။ အတွေးကောင်းများစွာနှင့်အတူ ကျင့်ကြံရမည့် အရာများစွာ ကျန်ရစ်ခဲ့စေသော မမွန်ဟော်စီ၏ ဆက်၍မပွင့်တော့သောနှင်းဆီများ” စာအုပ်သည် ဆန်းပြားနက်နဲသော ဉာဏ်ပညာတိုးစေသော အဖိုးတန် စာအုပ်ကောင်း တစ်အုပ်ဖြစ်ခဲ့ပါပြီ။ ကျေးဇူးအများကြီတင်ပါတယ် မမဆရာမရှင့်။

3. 

   Rated 4 out of 5

   Mi Shwe Yee Win Htet – August 24, 2022

   ဆက်ရန်မရှိတော့ပါ။ ဆက်ရန်ရှိသေးတယ်။ ဆိုတဲ့ စာအုပ်နှစ်အုပ်ရဲ့အဆက်ကနေ ဒီလိုမျိုး စိတ်လှုပ်ရှားစရာတွေနဲ့ ပရလောကနဲ့သက်ဆိုင်တဲ့ဗဟုသုတများစွာကို ဆရာမက ဖန်တီးထားတဲ့အတွက် စာဖတ်သူတစ်ယောက်အနေနဲ့ကျေနပ်ခဲ့ရပါတယ်။
   အာရှတစ်ခွင် ကိုးကွယ်မှုအလိုက် ယုံကြည်မှုကိုယ်စီရှိနေကြတဲ့ ‌လူမျိုးအသီးသီးတွေကိုလဲ နယ်ပယ်စုံစွာနဲ့ဖတ်ခဲ့ရပါတယ်။ပရလောကနဲ့ဆိုင်တဲ့ ဘာသာတိုင်းရဲ့တူညီနေတဲ့အချက်တစ်ခုဖြစ်တဲ့ သေသွားပြီးတဲ့သူတွေကို ကူညီချင်တဲ့အခါ သူတို့အတွက်ရည်စူးပြီး ကောင်းမှုတစ်ခုခုပြုလုပ်ပေးရမယ်ဆိုတဲ့အချက်ပါပဲ။ဗုဒ္ဓဘာသာမှာဆိုကုသိုလ် အမျှဝေခြင်း လို့ခေါ်ပါတယ်။ အဲ့လိုပဲအခြားဘာသာတွေရဲ့ အယူအဆတွေ အစီအရင်တွေ စတဲ့ မသိခဲ့တဲ့ အရာတွေကို ဗဟုသုတအနေနဲ့စိတ်ဝင်စားဖွယ်ဖတ်ခဲ့ရပါတယ်။

   အမှန်တော့ ပရလောကသားတွေဆိုတာ အင်မတန်သနားစရာကောင်းတဲ့ လောကသားတွေဖြစ်တဲ့အလျှောက် အပိုသိမှုအာရုံတွေနဲ့ ပရလောကသားတွေနဲ့အတူတူနေထိုင် ကြီးပြင်းလာခဲ့ရတဲ့ မီယာဆိုတဲ့ ဝိဉာဉ်တွေကိုမြင်နိုင်တဲ့သူတစ်ယောက်ရဲ့ ဘဝအကြောင်းကိုစိတ်လှုပ်ရှားစွာ ဖတ်ရမှာပါ။
   ပရလောကသားတစ်ယောက်နဲ့သံယောဇဉ်ဖြစ်ခဲ့ပြီး နောက်ဆုံး ခွဲခွာခြင်းတွေအတွက်သူမအဖို့ ဆက်၍မပွင့်တော့တဲ့ နှင်းဆီပွင့်လို ခြောက်‌ကပ်သွားရတဲ့သူမရဲ့ ရင်နင့်စရာဇာတ်ဝင်ခန်းအပါအဝင်။

   အခြားဘဝသိူ့ကူးပြောင်းသွားတဲ့ သူမရဲ့ချစ်သူ ချမ်းသာနဲ့ တစ်ဖန်ပြန်လည်တွေ့ဆုံခဲ့ပြီးနောက် ကိုယ်ချစ်တဲ့သူက ကိုယ့်ကို တကယ်မချစ်မှန်း သိခဲ့ရသောအခါ ကြေကွဲမှုများစွာနဲ့ ချစ်သူတစ်ယောက်ရဲ့ ကျွတ်လွှတ်မှုက သူမအတွက် ဆက်၍မပွင့်တော့တဲ့ နှင်းဆီးများအဖြစ်သာ ခြောက်သွေ့အထီးကျန်စွာနဲ့ ကျန်ရှိနေခဲ့တော့တယ်။

   #စာအမြည်းများ
   စိတ်ရောဂါဝေဒနာရှင်များသည် နားထဲတွင်အသံတွေကြားနေရတတ်သည်။မျက်စိဖြင့်လည်း ပုံရိပ်သဏ္ဍာန်အမျိုးမျိုးကိုတွေ့မြင်နေရတတ်သည်။နှခေါင်းမှလည်း အနံ့တွေရနေတတ်သည်။ ကျွန်မတွင် ထိုလက္ခာများရှိနေသောကြောင့် စိတ္တဇရောဂါHysterical Paralysis ဖြစ်နေသည်ဟုအများက ယူဆနေခဲ့ကြတယ်။ ကျွန်မကိုယ်တိုင်ပင် မိမိကိုယ်ကိုထင်ယောင်ထင်မှားဖြစ်ကာစိတ်မ
   ခိုင်လျှက်ရူးသွားနိုင်သောအခြေအနေမျိုးဖြစ်သည်။ ခက်တာကကျွန်မဖြစ်နေတာတွေကို မှန်ကန်ကြောင်း လက်ဆုပ်လက်ကိုင်ဖြင့် မည်သူ့ကိုမှ သက်သေမပြနိုင်ခြင်းပင်ဖြစ်သည်။
   ထို့ကြောင့်သိပ္ပံပညာနှင့်ဆက်နွယ်မှုရှိသောကြောင်းကျိုးဆီလျော်သောမမြင်အပ်သောလောကဆိုင်ရာအကြောင်းအရာ အချက်အလက်များကို ကျွန်မအမြဲလိုလိုပင် စိတ်ဝင်တစားရှာဖွေနေတတ်ခဲ့သည်။
   သေချာတာကတော့ ကျွန်မကိုယ်ကျွန်မ လုံးဝမညာခဲ့ခြင်းပင်ဖြစ်သည်။ မြင်တာတွေ၊ကြားတာတွေ သိနေတာတွေအတွက် အရှိကိုအရှိအတိုင်းသာပြောပြခဲ့သည်ချည်းဖြစ်သည်။ သို့သော်အများအမြင်မှာကျွန်မက မကောင်းဆိုးဝါးတစ်ကောင်လိုဖြစ်နေခဲ့ရသည်။

   လူပုဂ္ဂိုလ်များနှင့်ပတ်သက်၍စိတ်ညွတ်ကြည့်ပါက ကျွန်မသည်ဝေးလှစွာသောအနာဂတ်ကာလကိုမမြင်ရပါ။(ရှေ့ဘာဖြစ်မည်ကို မပြောနိုင်ပါ။ မမြင်ရပါ။)သို့သော် moment to moment ဟုဆိုနိုင်သောမကြာခင် အခိုက်အတန့်အတွင်းဖြစ်နိုင်သည့် အရာများကိုတော့ ကြိုမြင်နိုင်စွမ်းရှိပါသည်။ ဥပမာ ဈေးထဲတွင်လူတစ်ယောက်ခ့းပိုက်နှိုက်ခံရတော့မည်ဆိုလျှင် ကျွနါမသိနေခဲ့တာမျိုး ဖြစ်ပါသည်။ သို့သော ထိုလူက ကံစမ်းမဲပေါက်တော့မည်ဆိုတာမျိုးကိုကျကျွန်မ မမြင်နိုင်ပြန်ပါ။ သဘောကတော့ကောင်းတာဆိုလျှင်မမြင်ဘဲ မကောင်းတာကိုပိုမြင်ရသော သဘောပင်ဖြစ်ပါသည်။ထို့ကြောင့် ကျွန်မကို Natural born Witch ဝမ်းတွင်းစုန်းဟုလူကြီးမိဘများ ထင်ကြတာလည်း အပြစ်ဆိုစရာမရှိဟုထင်မိပါသည်။

   အစပိုင်းကကျွန်မကိုကျွန်မအားငယ်မိသလို ခံစားရသော်လည်းနောက်ပိုင်း တော့ ကျွန်မကကြွပ်ဆတ်ဆတ်မာကျောကျော်ကလေးဖြစ်လာခဲ့တော့သည်။ကိုယ့်ကိုကိုယ်လည်းအဖြေရှာနေခဲ့သည်။ ကျွန်မ၏ဘဝတစ်လျှောက်လုံးမှာ ထူးခြားသောဝိညာဉ်ဆိုင်ရာ အဖြစ်အပျက် တွေရှိခဲ့သည်။ ထိုအကြောင်းအရာများကိုယုံကြည်ပါဟု မပြောလိုပါ။သို့သော် မယုံကြည်လျှင်ကျွန်မစိတ်ထဲဘာမှမရှိပါ။စိတ်ဝင်စားသည်ဆိုလျှင်ဆက်၍ဖတ်နိုင်သည်။

   တဝါးဝါးငိုနေသောကလေးတစ်ယောက်ကို ဘာမှမပြောဘဲ စိုက်ကြည့်နေလိုက် လျှင် သူအလိုလို ငြိမ်ကိသွားသကဲ့သို့ စိတ်နှလုံးနာကျင် ခံစားမှုများသည် အသိအမှတ်အြု၍စောင့်ကြည့်လိုပ်သောအခါ လျော့ပါးသွားတော့သည်။

   ခံစားချက်တွေ၊ အတွေးတွေပေါ်သမျှအသိပေးပါ ပြီးရင်လွှတ်ချလိုပ်ပါ the art of following နောက်ကလိုက်သိနေခြင်း အနုပညာ။
   #မီယာ

   မီယာရဲ့ဘဝအကြောင်းကိုဖတ်ပြီး သူမရဲ့ ကြင်နာမှု၊ ချစ်ခြင်းမေတ္တာကြီးမားမှု ၊ခက်ခဲတဲ့လောကဓံကို မာကျောတဲ့စိတ်တွေနဲ့ဖြတ်သန်းမှု‌ တွေကိုအားကျမိသလို ရောက်တဲ့နေရာမှာ အေးချမ်းနိုင်‌အောင်ပျော်အောင် နေထိုင်သွားနိုင်ခဲ့တဲ့သူမကိုလဲ လေးစားမိပါတယ် ။။ ဒါအပြင် စာရေးဆရာမ ဖန်တီးထားတဲ့ မီယာဆိုတဲ့ ဇာတ်ကောင် ထဲမှာ ဘာကိုအကြိုက်ဆုံးလဲဆိုတော့ စွမ်အင်ကုထုံးနည်း ကို သူမကိုယ်တိုင် လိုအပ်တဲ့အချိန်မှာ လိုအပ်သလို ကိုယ်တိုင် ကုသခံယူရင်း meditation
   လုပ်သွားတဲ့ စိတ်ကို အရမ်း နှစ်သက်သဘောကျမိပါတယ်။