လံခြားသမား

5000 (ကျပ်)

မူရင်းစာရေးသူ မန်ချူလူမျိုး တရုတ်စာရေးဆရာကြီး LAO SHE ၏ Rickshaw Boy စာအုပ်ဖြစ်ပါသည်။ တရုတ်ဘာသာဖြင့် ပြဇာတ်များ၊ ဝတ္ထုများရေးသားခဲ့ပြီး ယခု ‘လံခြားသမား’ ဝတ္ထုမှာ အင်္ဂလိပ်ဘာသာသို့ ပထမဆုံးအကြိမ် ပြန်ဆိုရသော စာအုပ်ဖြစ်သည်။

Lao She သည် တရုတ်ပြည်ကြီး လွတ်လပ်ရေးအတွက် သက်စွန့်ဆံဖျား ဆောင်ရွက်ခဲ့သူဖြစ်ပြီး သူ့အား ဖမ်းမိရန်အတွက် အစိုးရ၏ ဆုငွေထုတ်ခံခဲ့ရသူတစ်ဦးလည်း ဖြစ်ခဲ့သည်။ ဘာသာပြန်ဆိုထားသူ ဆရာကြီး တက်တိုးက ယခုဝတ္ထုအား မြန်မာစာဖတ်ပရိသတ်များ ဖတ်ရလွယ်ကူစေရန်အတွက် တရုတ်အမည်များအား မြန်မာအမည်များဖြင့် အစားထိုးထားပါတယ်။ ပီကင်းမြို့ကြီးထံ တောမှတက်လာပြီး လံခြားဆွဲသည့် လံခြားသမားလေး ‘မောင်မောင်ရွှင်’ ကို ဇာတ်အိမ်တည်ထားပြီး စာဖတ်ပရိသတ်ကို အဆုံးထိဆွဲခေါ်သွားသော ဝတ္ထု မောင်မောင်ရွှင်သည် လံခြားအငှားဆွဲရာမှ ကိုယ်ပိုင်လံခြားတစ်စီး ပိုင်ဆိုင်နိုင်ရန် ချွေတာစုဆောင်းခဲ့ရာ ၃ နှစ်ကျော်အတွင်း ဒေါ်လာတစ်ရာတန် လံခြားတစ်စီးကို ဝယ်ယူနိုင်ခဲ့သည်။ သို့သော် ကံအကြောင်းမလှသဖြင့် စစ်ဖြစ်နေချိန်တွင် မြို့ပြင်သို့ လံခြားဆွဲထွက်လိုက်ရာ အငတ်ခံစုဆောင်းပြီး ဝယ်ထားသည့်လံခြားလေးကို ရန်သူစစ်သားများက သိမ်းယူခံလိုက်ပါတယ်။ ဤသို့ဖြင့် လံခြားပြန်မဝယ်နိုင်တော့သော မောင်မောင်ရွှင်အား လံခြားရုံပိုင်ရှင်၏ သမီးဖြစ်သူက အမိဖမ်းခြင်းကို ခံရပြန်လေသည်။ လောကဓံအမျိုးမျိုး၏ အထိုးအနှက်၊ အရိုက်အပုတ်များကို ခံရသော်လည်း လံခြားဆွဲခြင်း ကို လွတ်လပ်ရေးတစ်မျိုးဟု ခံယူထားသော မောင်မောင်ရွှင်၏ အကြောင်းကို ဖတ်ရှုခံစားရမယ့် စာအုပ်ဖြစ်ပါတယ်။

စာမျက်နှာ

143

စာအုပ်အရွယ်အစား

5.3 x 0.3 x 8.2inches

ပုံနှိပ်မှတ်တမ်း

စိတ်ကူးချိုချိုစာပေ၊ 2024 ဇွန်လ၊ (စတုတ္ထအကြိမ်)

2 in stock

တက်တိုး စာအုပ်များ