မိုးမိနေတဲ့ထီးကလေးတွေ
3500 (ကျပ်)
• အဖြစ်မှန် သရုပ်မှန်တွေကို အခြေခံပြီး
ဇာတ်အိမ်ဖွဲ့ရေးသားတတ်တဲ့
ဆရာဘိုဘိုသန့်ဇင်ရဲ့ ဒီစာအုပ်ထဲမှာ…
ကိုယ့်ပြည်ကိုယ့်ရွာ ကိုယ့်အမိမြေကို ချစ်လှပါသော်လည်း…ခေတ်ဆိုး စနစ်ဆိုးရဲ့ ရိုက်ခတ်မှုကြောင့် ကြုံလာရတဲ့ မိသားစုစားဝတ်နေရေးပြဿနာတွေကို တိုင်းတပါးတို့ရဲ့ လက်အောက်မှာပဲ ဆင်းရဲဒုက္ခအမျိုးမျိုးကို ရင်ဆိုင်ရင်း ဖြေရှင်းနေရတဲ့ ဇာတ်ကောင်တွေရဲ့ လှုပ်ရှားရုန်းကန်နေရပုံတွေကို ရုပ်လုံးကြွအောင် ရေးဖွဲ့ထားပါတယ်။
ကိုယ်ချစ်တဲ့သူတွေကို မိုးထဲလေထဲမှာ အုပ်မိုးပေးထားတဲ့ မိုးမိနေတဲ့ထီးကလေးပေါင်းများစွာကို ရှာဖွေတွေ့ရှိနိုင်သလို… ဘက်ပေါင်းစုံက ရိုက်ခတ်နေတဲ့ မုန်တိုင်းငယ်တွေကိုလဲ မြင်တွေ့နိုင်ပါသေးတယ် ….
| စာမျက်နှာ | 136 |
|---|---|
| စာအုပ်အရွယ်အစား | 5.5× 0.3 ×8 inches |
| ပုံနှိပ်မှတ်တမ်း | ပန်းဆက်လမ်းစာပေ၊ 2022 ဇွန်လ (ပထမအကြိမ်) |
43 in stock
ဘိုဘိုသန့်ဇင် စာအုပ်များ
-
ဘိုဘိုသန့်ဇင်မိုးမိနေတဲ့ထီးကလေးတွေ
3500 (ကျပ်) -
ဘိုဘိုသန့်ဇင်တဖြည်းဖြည်းနှင့်ကြွေ မဂ္ဂဇင်းဝတ္ထုတိုများ
4000 (ကျပ်) -
ခင်မြဇင်စာပေလောက၀တ္ထုများ – ၁
4000 (ကျပ်)
Htet Lynn Naing (verified owner) –
သူများဘ၀တွေ လုံခြုံဘေးကင်းဖို့
မိုးမိနေတဲ့ ထီးကလေးတွေရှိတယ်… တဲ့
ရွှေ့ပြောင်းအလုပ်သမားတွေအကြောင်း ရေးဖွဲ့တဲ့
စာရေးဆရာရဲ့ အရေးအဖွဲ့က နူးညံ့ထိရှလွန်းတယ်…
ကျွန်တော်တို့ရဲ့ ခပ်လှမ်းလှမ်းမှာလည်း
မိုးမိနေတဲ့ ထီးကလေးတွေရှိတာပဲ
တောထဲတွေမှာ
တောင်ထဲတွေမှာ
ပုန်းလျှိုးကွယ်လျှိုး
ဘယ်တော့ အိမ်ပြန်ရမှန်းမသိတဲ့ ဘ၀လေးတွေ…
ဒီစာအုပ်ကိုထုတ်ရတာ စိတ်လေးတယ်
#မိုးမိနေတဲ့ထီးကလေးတွေ ကြောင့်
ကျွန်တော်တို့ရဲ့ လုံခြုံနေရမှုတွေက
ရင်ထဲမှာ ဟာလာဟင်းလင်း။
တစ်ခုခုကို ရှက်နေရတယ်။
Crd ; Htet Aung
Ko Phyo –
မိုးမိနေတဲ့ထီးကလေးတွေ တကယ်လက်တွေ့ဘဝနဲ့ တိုက်ဆိုင် လိုက်တာ မြန်မာပြည် အမြန်ဆုံးအေးချမ်းပါစေ
Phee Lay –
ရှင်သန်နေထိုင်ရတဲ့ ဘဝတွေမတူညီကြဘူး ။ ဖြတ်သန်း နေရတဲ့ ပတ်ဝန်းကျင် ၊ ရုန်းကန်နေရတဲ့ ဘဝတွေ မတူညီကြဘူး ။
စစ်ကြောင့် လုံခြုံမူမရှိတဲ့ဘဝတွေ ။ သဘာဝဘေးအန္တရယ် ကြောင့် ပြိုပျက်သွားခဲ့ရတဲ့ ဘဝတွေ ။ စိတ်လုံခြုံမှုမရှိ ၊ အကြောက်တရား ၊ စားဝတ်နေရေး အဆင်မပြေမူတွေကြောင့် ကိုယ့်နိုင်ငံ ကို စွန့်ခွာပြီး ရေခြားမြေခြားမှာ။ရုန်းကန်ရှင်နေရသော ဘဝများစွာ ကို မြင်မိတဲ့အခါ ရင်မော မွန်းကြပ်မိပါတယ် ။
ကူရာမဲ့ဘဝတွေ ။ လှစ်လျူရှုခံရတဲ့ ဘဝတွေ ။ ကိုယ့်အသက် ရှင် ဖို့ ကိုယ့်ဘာသာကာကွယ်နေရတဲ့ ဘဝတွေ ။
ဖြိုးဇော် ရဲ့ ရှင်သန်နေရတဲ့ဘဝ အကြောင်းကို ဖတ်ရတဲ့ အခါမှာ ဆရာ မြစ်ကျိုးအင်း ရဲ့ #အငုံ့စိတ် ဝတ္တုတို သတိရမိပါတယ် ။ အဲ့ထဲက လူငယ်လေး ကို သွားသတိရမိတယ် ။ လူငယ်လေးက မြန်မာပြည်ပြန်ရောက်လာတဲ့အခါ မှာ ရဲကားကိုတွေ့တော့ ကားနောက်ဖုံးကို လက် နဲ့ ထု လိုက်တာပဲ အဲ့အခါမှ သူ့ဘဝရဲ့ အရိပ်ဆိုးတွေကို သိခွင့်ရတဲ့ ဝတ္တုတိုပါ ။
ဖြိုးဇော် ရဲ့ ဘဝ ကလဲ သားရဲ ခံတွင်းထဲမှာ လျှောက်လှမ်းနေရတာ နဲ့ တူပါတယ် ။ ဖြိုးဇော် ကြောက်ရွံ့မူတွေ ။အလုပ်ရှင် ရဲ့ မတရား စေခိုင်းမှုတွေ ။ မမျှတတဲ့ အလုပ်ချိန်တွေ ဒါတွေကို စာဖတ်သူမှာ မြင်မိ ဖတ်မိတဲ့ အခါ ဖြိုးဇော် နဲ့ အတူ မွန်းကြပ် ကြောက်ရွံ့ခံစားမူ ကို ရစေပါတယ် ။ ဖြိုးဇော် လို လူမျိုးတွေ ဘယ်နှစ်ယောက်များ ရှိမလဲ တွေးကြည့်နေရင်း
သား ရှိရာကို လိုက်လာတဲ့ အနူး ဆိုတဲ့ ကချင် အမျိုးသမီးကြီး ရဲ့ ကြေကွဲစရာအဖြစ်
ခက်ခဲကြမ်းတမ်းတဲ့ ခရီးလမ်းမှာ အနှိပ်စက်ခံ အညှင်းပန်းခံပြီး သားရှိရာ အရပ်ဆီသို့ သွားတဲ့အခါ အနူးတစ်ယောက် ရင်ဆိုင်ရမူတွေက အသက်အရွယ်နဲ့မမျှတအောင်ပါပဲ ။
ဆရာဘိုဘိုသန့်ဇင် က ဇာတ်ကောင် အင်အားများများ နဲ့ မတူညီတဲ့ ဘဝတွေကို ရေးပြသွားပါတယ် ။
ဇာတ်လမ်း အချိတ်အဆက် ချိတ်ဆက်ပြသွားတာ အရမ်းကောင်းပါတယ် ။
စကားလုံးသုံးနှုန်းပြသွား တချို့နေရာလေးတွေမှာ အရမ်းလှတာပါ ပဲ ။ ဖြိုးဇော် ကို ကိုယ်ဝန်လွယ်ထားရပုံကို ရေးပြသွားတာ အရမ်းကြိုက်မိပါတယ် ။
ကျွန်တော်အနေနဲ့ စာရေးသူက မတူညီကြတဲ့ ဘဝတွေကို ရေးပြပုံဖော်သွားရမှာ ဖြိုးဇော် နဲ့ အနူး က ဇာတ်ကောင်စရိုက်အပေါ်လွင်ဆုံး နဲ့ သူတို့ ရဲ့ အဖြစ်အပျက်တွေကို သိချင် စိတ် အင်မတန်မှပြင်းပြမိတာပါပဲ ။
ဖြိုးဇော် နဲ့ အနူး ရဲ့ အဖြစ်အပျက်တွေ ရင်ဆိုင်နေရတာတွေကို ဖတ်နေရင်း မွန်းကြပ်လာလို့ စာအုပ်ကိုခဏချထားရမိတာပါပဲ ။
ကျွန်တော် မသိသေးတဲ့ အဖြစ်အပျက်တွေ ခံစားမူတွေ ကြောက်စရာအကောင်းဆုံး ကြုံတွေ့ရတာတွေ ဖတ်ရတော့ ရွေ့ပြောင်းလုပ်သမားတွေ ရဲ့ ဘဝတွေ ကို စနာမိ သနားမိ ဂရုဏသက်မိ ခံပြင်းမိ ဒေါသထွက်မိပါတယ် ။
စာကောင်းပေကောင်း ဖတ်နေရင် စာလုံးပေါင်းတွေမှား နေတာ ။ စကားလုံးတွေ ကျန်ခဲ့တာဆိုရင် အရသာပျက်မိတာပါပဲ ။
ဒီစာအုပ်ထဲမှာ စာလုံးပေါင်းအမှားတွေ အများကြီးပဲ ။
ဇာတ်ကောင် တစ်ယောက် လုပ်ဆောင်ပုံ သူရဲ့ လုပ်ဆောင်နေမူတွေကို ဖတ်နေရင်းမှာ စာလုံးပေါင်းတွေ မှားနေတာ မြင်ရတဲ့ အခါ အရသာပျက်စေမိတာပါ ။
နောက်ဆုံး ဇာတ်သိမ်း စာပိုဒ်မှာတောင် မှားတယ် ။
ဆရာ ဘိုဘိုသန့်ဇင် ကို ကျေးဇူးအထူးတင်မိပါတယ် ။ မုန်တိုင်းတွေကို ကျော်ဖြတ်ရင်ဆိုင်နေရတဲ့ ဘဝတွေကို ဖတ်ခွင့် သိခွင့်ရတဲ့အတွက်ပါ ။
မတူညီကြသော ရုန်းကန်ရှင်သန်နေရတဲ့ ဘဝတွေ ဖတ်ကြည့်ကြည့်ပါလို့ပါ
#မိုးမိနေတဲ့ထီးကလေးတွေ
#ဘိုဘိုသန့်ဇင်
#ဖီး