ဘ၀မှာပျော်အောင်နေတတ်ရင် ပျော်ပါတယ်

လူ့ဘ၀ဆိုတာ အဆင်ပြေခြင်း မပြေခြင်းတွေရဲ့ ကြားထဲမှာပဲ ပျော်အောင်နေကြရတာပါပဲ။ အဆင်မပြေမှုတွေနဲ့ကြုံတွေ့ရတိုင်းလည်း ကျွန်တော်တို့စိတ်ဓာတ်ကျနေဖို့ မလိုပါဘူး။ ဘ၀အတွက် ရုန်းကန်လှုပ်ရှားလုပ်ကိုင်သွားလာနေရမှာချင်းအတူတူ စိတ်ညစ် စိတ်ဓာတ်ကျ စိတ်တွေမကြည်မလင်နဲ့ ဖြတ်သန်းမနေဘဲ ဖြစ်လာတဲ့အရာကို ဘယ်လိုတုန့်ပြန်နေထိုင်ကြမှာလဲလို့ စဉ်းစားသင့်ပါတယ်။ ကော်ဖီတောင်ခါးသက်သက်လေးမှ သောက်လို့ကောင်းတာ မချိုမြိန်ရင်လည်း နေပါစေတော့ ဘ၀ခါးခါးလေးကိုပဲ သဟဇာတမျှအောင် သောက်သုံးရင်း ပျော်အောင်နေတတ်ရင် ပျော်သွားမှာပါပဲ…။