ခမာနီခေါင်းဆောင် ပိုပေါ့

( 1 မှတ်ချက်)

3000 (ကျပ်)

အမည်ရင်း ဆလို့ဆာဟုခေါ်သော ပိုပေါ့အား ၁၉၂၅ ခုနှစ်၊ မေလ ၁၉ ရက်နေ့တွင် မွေးဖွားခဲ့သည်။ မွေးချင်းကိုးဦးအနက်မှ ၈ ဦးမြောက်ဖြစ်ပြီး ပရက်ခ်ဆဗူးဒေသတွင် မွေးဖွားနေထိုင်ကြီးပြင်းခဲ့သည်။ ၁၀ နှစ်သားအရွယ်တွင် ဖနွမ်းပင်မြို့သို့ လာရောက်ခဲ့ပြီ။ မြို့တော်ရှိ ကက်သလစ်သာသနာပြုကျောင်းတစ်ကျောင်းတွင် ပညာသင်ခဲ့သည်။ ၁၉၅၀ ခုနှစ်ဝန်းကျင် အသက် (၂၅) နှစ်အရွယ်ခန့်တွင် လက်ဝဲနိုင်ငံရေးလှုပ်ရှားမှုများတွင် ပါဝင်ခဲ့ပြီး ကွန်မြူနစ်ပါတီဝင်တစ်ဦး ဖြစ်လာခဲ့သည်။ ၁၉၆၉ ခုနှစ်တွင် လက်ဝဲအဖွဲ့အစည်းများအားလုံး၏ ခေါင်းဆောင်နေရာကိုရယူကာ ခမာနီခေါင်းဆောင်အဖြစ် ထင်ရှားလာခဲ့ပြီး အစိုးရကို လက်နက်ကိုင်တိုက်ပွဲဖြင့် အောင်နိုင်ခဲ့သည်။
ပိုပေါ့ကို ကမ္ဘောဒီယားနိုင်ငံ ခေတ်သစ်သမိုင်းတွင် အမည်ဆိုးဖြင့် ကျော်ကြားလှသည့် လူမျိုးတုံးသတ်ဖြတ်သူ ခမာနီခေါင်းဆောင်အဖြစ် သိရှိကြသည်။ ၎င်းအုပ်ချုပ်သည့် ၁၉၇၆-၁၉၇၉ ခုနှစ်များအတွင်းတွင် ခမာနီတို့၏ နှိပ်စက်သတ်ဖြတ်မှုများကြောင့် လူသတ်ကွင်း (kelling field) ဟု ကျော်ကြားသည့် ခမာနိုင်ငံတွင် ခမာလူမျိုးများနှင့် တရုတ်၊ ဟိန္ဒူ၊ ဗီယက်နမ်နှင့် လာအိုလူမျိုးများအပါအဝင် ခန့်မှန်းခြေအားဖြင့် နိုင်ငံအတွင်းရှိ လူဦးရေး ၁.၆ သန်းမျှ သုတ်သင်ခြင်းခံရသည်။

စာမျက်နှာ

136

စာအုပ်အရွယ်အစား

5.5 x 0.3 x 8.2 inches

ပုံနှိပ်မှတ်တမ်း

ပန်းဆက်လမ်း၊ ၂၀၂၀ ဇွန်လ၊ (ပ-ကြိမ်)

6 in stock

ခမာနီခေါင်းဆောင် ပိုပေါ့ အား ဝေဖန်သုံးသပ်မှု 1 ရှိပါသည်။

  1. Pyae Ar Kar

    ပိုပေါ့ဆိုတာ ကမ္ဘောဒီယားပြည်သူတွေကို အိပ်မက်ဆိုး မက်စေခဲ့သူ ၊ မိမိပြည်သူများကိုပင် လူမျိုးတုန်း သတ်ဖြတ်ခဲ့သည့် အလွန်ရက်စက်ကြမ်းကြုတ်သော ခမာနီခေါင်းဆောင် အာဏာရှင်ကြီး ..

    သူ့ကြောင့် ကမ္ဘောဒီးယားပြည်သူပေါင်း ၁.၈သန်းခန့် အသတ်ခံရတယ်လို့ ပညာရှင်တွေက သုံးသပ်ထားတယ် ..

    သူဟာ ကွန်မြူနစ်တစ်ယောက်ဖြစ်ပြီး အစက အစိုးရကို တော်လှန်ဖို့ ခေါင်းစဉ်နဲ့ သွားခဲ့တယ် .. နောက် အာဏာရလာတော့ ယစ်မူးပြီး သူ့ရဲ့စိတ်နဲ့မတွေ့တာတွေမှန်သမျှ ရှင်းလင်းသုတ်သင်စေကာ အာဏာပြခဲ့တယ် ..

    ကျောင်းဆရာလည်း ဖြစ်ခဲ့ဖူးပြီး ၊ ကဗျာနဲ့စာပေတွေ ကြိုက်နှစ်သက်သူကြီးမှာ ရက်စက်တဲ့ နှလုံးသားမျိုး ရှိလိမ့်မယ်လို့ ဘယ်သူတွေက ထင်ကြမှာလဲ ..

    သူဟာ ရက်စက်တဲ့နေရာမှာ နှစ်ယောက်မရှိလောက်အောင် ကြမ်းကြုတ်သော်လည်း စကားပြောကောင်းသည့် နေရာမှာတော့ မိမိသည် ဖာသည်ဖြစ်သော်လည်း အပျိုစစ်စစ်သာဖြစ်ကြောင်း ပြောသလို ဖုံးကွယ်တတ်လွန်းသည် .. ကျောက်ရုပ်တောင် သူ့မှိုင်းမိသွားလျှင် ခေါင်းညိတ်ပြလောက်ပေသည်တဲ့ ..

    ဒီခေတ်မှာ ဒီကောင့်ကို မြင်ရတာ ဟိုကောင်နဲ့ တူလိုက်တာဟု ပြောချင်သော်လည်း ဟိုကောင်သည် ဒီကောင့်လောက် ပါမဖြောင့် ၊ စကားပရိယာယ်မကြွယ် .. ဒါ့အပြင် ဟိုကောင်သည် ဒီကောင်‌့လောက် သူမရက်စက်သေးဟု ထင်ကာ ထင်ရာစိုင်း လုပ်လာနိုင်သည့်အဖြစ်ကို မလိုလားသောကြောင့် ဟိုကောင်နှင့် ဒီကောင် မနှိုင်းယှဉ်တော့မည့်အပြင် ဟိုကောင်သည် ကျွန်ုပ်အား စံနမူနာထားကာ ရက်စက်ပြနိုင်သေး‌ေသာကြောင့် ဟိုကောင်နှင့် ဒီကောင် နှိုင်းယှဉ်ခန်းအား ဤနေရာတွင်ပင် အဆုံးသတ်လိုက်ပါတော့သည် …..

    #ခမာနီခေါင်းဆောင်ပိုပေါ့
    #ရဲနောင်ထွဋ်

    #PyaeArKar

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

ရဲနောင်ထွဋ် စာအုပ်များ