ပျော်ရွှင်ပါစေ

( 10 မှတ်ချက်)

5000 (ကျပ်)

ဆရာဖြိုးသီဟရဲ့ ၉ အုပ်မြောက်စာအုပ် ဖြစ်ပြီး ခုလို ကိုဗစ်ကာလမှာ အဆင်မပြေ ဖြစ်နေတဲ့ စိတ်ခံစားချက်တွေ ပိုမိုကောင်းမွန်လာစေဖို့ ရည်ရွယ်ရေးသားထားတာ ဖြစ်ပါတယ်။  ပျော်ရွှင်မှုနဲ့ပက်သက်လို့ အမြင်အမျိုးမျိုးကြပါတယ်။ ကျွန်တော်ကတော့ ပျော်ရွှင်မှုဆိုတာလိုက်ရှာရတာမဟုတ်ဘူး…ဖန်တီးယူရတာဆိုတဲ့ အမြင်ကိုလက်ခံတယ်။ နောက်ပြီး ငါ့ကိုပျော်အောင်လုပ်ပေးပါဆိုပြီးလည်း တစ်ယောက်ယောက်ဆီက တောင်းခံလို့ရတာမျိုးမဟုတ်ပါဘူး။ တကယ်တော့ ပျော်ရွင်မှုဆိုတာ ကိုယ်လုပ်တဲ့လုပ်ရပ်တွေရဲ့ အကျိုးဆက်ဖြစ်ပါတယ်။ ဒါကြောင့် ပျော်ချင်တယ်ဆို လိုက်မရှာနဲ့။ လိုက်လည်း မတောင်းနဲ့။ ကိုယ့်လုပ်ရပ်တွေ၊ ကိုယ့်အမြင်၊ ကိုယ်အတွေး၊ ကိုယ့်ခံယူချက်တွေကိုသာ ပြောင်းလိုက်ပါ။

စာမျက်နှာ

290

စာအုပ်အရွယ်အစား

5.7× 0.6× 8 inches

ပုံနှိပ်မှတ်တမ်း

စက်တင်ဘာလ (ပ-ကြိမ်)

30 in stock

ပျော်ရွှင်ပါစေ အား ဝေဖန်သုံးသပ်မှု 10 ရှိပါသည်။

  1. Wuthmone Phyu

    ပျော်ရွှင်ပါစေ
    ဒေါက်တာဖြိုးသီဟ

    ရသစာပေတောထဲကနေ ပျော်ရွှင်စေဖို့ရေးထားတဲ့ စာလေးတွေအကြောင်းဖတ်ခွင့်ရလိုက်ပါတယ်

    ဒီစာအုပ်ရဲ့ ကျေးဇူးနဲ့ Personality Test တွေ လည်းစစ်ဖြစ်လိုက်တယ်။ အခြား ဆက်စပ် ဆောင်းပါးအချို့လည်း ဖတ်ဖြစ်လိုက်လို့ အကျိုးများရပါတယ် ။ ပြီးတော့တခုခုဆိုရင် သူများကို အပြစ်ပြောဖို့ထက် ကိုယ့်ရဲ့ ကိုယ်ရည်ကိုယ်သွေးကို တိုးတက်အောင် လုပ်ဖို့ ပဲစဉ်းစားမိပြီး ပြဿနာတွေကို ဖြေရှင်းတဲ့နေရာမှာလည်း ပိုပြီးစိတ်အေးလက်အေးဖြစ်သွားပါတယ်။

    “ပျော်ချင်တယ်ဆိုရင် ကိုယ့်ခံယူချက်တွေကို ပြောင်းလိုက်ပါ” တဲ့..ဟုတ်ပါ့နော် ပျော်ရွှင်မှုဆိုတာ ကိုယ်တိုင် ခံယူထား ၊ သတ်မှတ်ထားပြီးကိုယ်တိုင် ဖန်တီးယူရတာမျိုးပါ။ ဒီစာအုပ်ထဲက ရေးထားတဲ့အတိုင်းနဲ့ တထပ်တည်း မဟုတ်တောင် အတော်များများကိုက်ညီစွာနဲ့ ခံယူနေထိုင်နေတာမို့ စာအုပ်နဲ့ပတ်သက်ပြီး အထွေအထူးတော့ ပြောစရာမရှိပါဘူး။ဒီအသက်အရွယ်မှာ ဒီလိုအတွေးမျိုးနဲ့ အေးချမ်းပျော်ရွှင်အောင်နေနိုင်တယ် ဆိုတာလည်း တကယ်တော့ ကောင်းမွန်မှုတခုပါပဲ .။

    သတိထားမိတာကတော့ ဆရာ့ရဲ့ နောက်ဆုံးစာမျက်နှာက Reference List လေးပါ။သူ idea ယူထားတဲ့ အရာတွေအားလုံး နောက်ဆုံး သူ့ကို ရင်ဖွင့်တဲ့သူတွေကိုက အစ credit ပေးထားတယ်။ Pro ဆန်ပြီးလေးစားဖို့ကောင်းလိုက်တာ လို့ တွေးမိပါတယ်။

    ဘာပဲဖြစ်ဖြစ် ပျော်ရွှင်ချင်သူတွေ ဖတ်သင့်တဲ့ စာအုပ်လေးပါပဲ။

  2. Mya Thandar Kyaw

    ကိုယ့်ပျော်ရွှင်မှုက ကိုယ်န့ဲပဲသက်ဆိုင်တယ်ဆိုတာ ပိုသိလာတယ် စာအုပ်ကောင်းလေးတအုပ်ပါ

  3. Nay Thu

    ခေတ်နဲ့အညီ ဖြစ်ပျက်နေကြသည့် မကောင်းသည့် စိတ်,ခံစားချက်များကို အကောင်းဆုံးပြုပြင်နိုင်အောင် ရေးဖွဲ့ထားပါသည်။လူမှုဆက်ဆံရေး၊ ကျန်းမာရေး၊ ပညာ‌ရေး စသည့်ကိစ္စရပ်များတွင် အဓိက ခွန်အားတစ်ရပ်ဖြစ်သည့် မိမိ၏စိတ်ကို မိမိကိုယ်တိုင် ခိုင်မာစွာ ရပ်တည်၊ ပြုပြင်၊ ပြောင်းလဲနိုင်မှ ကျန်းမာပျော်ရွှင်တဲ့ လူမှုဘဝကို ပိုင်ပိုင်နိုင်နိုင် ဖြတ်သန်းနိုင်မည်ဆိုတာကို စာရေးသူ၏ ပညာ၊ အတွေ့အကြုံ၊ ဗဟုသုတတို့ ပေါင်းစုတင်ပြထားပြီး၊ ရသစာပေများကြောင့် ရရှိနိုင်သည့် အကျိုးကျေးဇူးများကိုပါ ဖော်ပြပေးထားသည့်အတွက် ရောင်းဈေး စာအုပ်တန်ဖိုးထက်မက ပိုပြီး တန်ဖိုးရှိတဲ့ စာအုပ်တစ်အုပ်ဖြစ်ပါသည်။

  4. Lain Lain

    ဘဝကို ဘယ်လိုစိတ်ထားမျိုး အလေ့ကျင့်မျိုးနဲ့ အပျော်ရွှင်ဆုံး ဖြတ်သန်းလို့ရမလဲ ဆိုတဲ့ အတွေးအခေါ်မျိုး ပေးနိုင်တဲ့ စာအုပ်ဖြစ်ပါတယ်
    ခွန်အားလည်းရတဲ့ စာအုပ်ပါ

  5. Mi Shweyee Win Htet

    ဒီစာအုပ်ကို ကိုင်လိုက်တာနဲ့ ဆရာရဲ့ လူငယ်တွေအပေါ်ထားတဲ့ ကရုဏာတရားတွေ၊မေတ္တာတရားတွေနဲ့ရေးသားထားတယ်လို့ ခံစားနေရပါတယ်။ အကြောင်းအရာမာတိကာ စုစုပေါင်း(၈)ခု ပါဝင်ပြီး ၊နောက်ဆက်တွဲအနေနဲ့လည်း အချို့သောအကြောင်းအရားများကိုရေးသားထားပါတယ်။စာမျက်နှာအရေအတွက်၂၈၄မျက်နှာပါရှိပါတယ်။

    Book Titleအတိုင်း လူငယ်၊လူလတ်၊လူကြီး အရွယ်အားလုံး ဖတ်လို့သင့်တော်မယ့်စာအုပ်တစ်အုပ်လို့ထင်ပါတယ်။
    လူတွေကို ဆုတစ်ခုပေးမယ်ဆိုရင် ‌ပျော်ရွှင်ပါစေ ဆိုတဲ့ ဆုတစ်ခုကိုပဲ ပေးမှာပါလို့ ဆရာကရေးထားတာကိုတွေ့ရပါတယ်။
    အဲ့တော့ ကိုယ်လည်းဒီစာအုပ်ကိုဖတ်ပြီးသလောက် အလိုချင်ဆုံးဆုတစ်ခုကို အခုတောင်းဆိုပါဆိုရင် ပျော်ရွှင်ပါစေ လို့ပဲ ဆုတောင်းမိမှာပါ။

    လူငယ်တွေအများအားဖြင့်ကြုံတွေ့နေရတဲ့ စိတ်ပိုင်းဆိုင်ရာပြသနာ‌တွေ၊ရုပ်ပိုင်းဆိုင်ရာပြသနာတွေ၊ Relationshipပြသနာတွေ၊ social mediaပေါ်မှာဖြစ်လေ့ဖြစ်ထရှိ‌တဲ့ပြသနာတွေအားလုံးကို ခြုံပြီးရေးသားထားတဲ့အတွက် ဒီစာအုပ်ကိုဖတ်နေတုန်း
    ကိုယ့်ထက်အခြေအနေဆိုးနေတာတွေ အခြားသူတွေမှာလည်း ရှိနေသေးပါလားလို့ တွေးမိပြီး ကိုယ့်ရဲ့ဘဝကိုအမှန်တိုင်းသိမြင် လက်ခံလာပါလိမ့်မယ်။

    “ပျော်ရွင်မှုနဲ့ပတ်သက်လို့ အမြင်အမျိုးမျိုးရှိကြပါတယ်။ကျွန်တော်ကတော့ ပျော်ရွှင်မှုဆိုတာ လိုက်ရှာရတာမဟုတ်ဘူး။ဖန်တီးယူရတာဆိုတဲ့အမြင်ကိုလက်ခံတယ်။နောက်ပြီး ငါ့ကိုပျော်အောင်လုပ်ပေးပါ ဆိုပြီးလည်း တစ်ယောက်ယောက်ဆီက တောင်းခံလို့ရတာမျိုးမဟုတ်ဘူး။တကယ်တော့ ပျော်ရွှင်မှုဆိုတာ ကိုယ်လုပ်တဲ့လုပ်ရပ်တွေရဲ့ အကျိုးဆက်ဖြစ်ပါတယ်။ဒါကြောင့် ပျော်ချင်တယ်ဆို လိုက်မရှာနဲ့။ကိုယ်လည်း မတောင်းနဲ့။ ကိုယ့်လုပ်ရပ်တွေကိုယ့်အမြင်၊ကိုယ့်အတွေး၊ကိုယ့်ခံယူချက်တွေကိုသာပြောင်းလိုက်ပါ”

    ပျော်ရွှင်မှုကို ဖန်တီး‌ပေးရမယ့် အပြင်IQ၊EQတွေကိုလည်း တိုးတက်မြင့်မားအောင် ဘယ်လိုလုပ်ဆောင်ရမလဲ၊ ဒါအပြင် စာဖတ်သူတို့ရဲ့ အရည်အချင်းတွေကို ဆန်းစစ်‌ဖို့ ဆိုပြီးဆရာက Exerciseလိုမျိုး ကိုယ်တိုင်ဖြည့်စွက်ရမယ့်အပိုင်းတွေလည်း ပါရှိနေတဲ့အတွက် ကိုယ့်ရဲ့ skillကိုလည်းဒီစာအုပ်မှာ အမှတ်စစ်လို့ရပါတယ်။

    လူတစ်ယောက်မှာ စိတ်က အရေးကြီးဆုံးဖြစ်သလို ကျန်းမာရေးကလည်း အရေးကြီးပါတယ်။ ၊ဒါကြောင့် စိတ်ကိုဘယ်လို controlလုပ်ရမလဲ၊ကျန်းမာရေးကောင်းမွန်ဖို့ ဘယ်လိုနေထိုင်သင့်သလဲ၊ဘာတွေလုပ်ရမလဲဆိုတာကို အချက်ကလေးနဲ့ ပေါ့ပေါ့ပါးပါးဖတ်လို့ကောင်းပါတယ်။ ဒါ့အပြင် ပညာရေး၊လူမူရေး၊စီးပွားရေး စတဲ့ အောင်မြင်ချင်တဲ့သူတွေအတွက် ဒီစာအုပ်ဟာ နည်းလမ်းကောင်းတွေကိုလည်း ပေးလိမ့်မယ်လို့ယုံကြည်ပါတယ်။

    အချို့သော Englishစာလုံးတွေဟာကိုယ်နဲ့မရင်းနှီးတဲ့အတွက် dictionaryထဲမှာပြန်ရှာရတဲ့အခါမျိုးရှိသလို မသိလိုက်ရတဲ့ အချို့သောဗဟုသုတအသစ်တွေကိုလည်း ရရှိစေတဲ့အတွက် စိတ်အားထက်သန်စွာနဲ့ ဖတ်ရတာ တတ်ကြွစေခဲ့ပါတယ်။

    ဒါ့အပြင် ဆရာရဲ့ပျော်ရွှင်မှုကို တိုင်းတာတဲ့ပေတံ(၃)ချောင်းအကြောင်းကိုဖတ်ပြီးသွားတဲ့အခါ ကိုယ့်ရဲ့ပျော်ရွှင်မှုအစစ်အမှန်ကိုရှာဖွေတတ်လာတယ်။

    စာအုပ်တစ်အုပ်လုံးကိုဖတ်ပြီးတဲ့အခါ ကိုယ့်ရဲ့ mindsetတွေ၊IQ၊EQတွေကိုပြန်နွေးပေးတဲ့အနေနဲ့ အတွေးသစ်အမြင်သစ်တွေကိုရရှိစေပါတယ်။ပြီးတော့ အခက်အခက်တွေကို ဘယ်လောက်ထိကြံ့ကြံ့ခိုင်နိုင်မလဲ ဘယ်လောက်ထိရုန်းကန်နိုင်စွမ်းရှိမလဲဆိုတဲ့ AQ skillတွေကို လည်း ရရှိသွားစေမယ့်စာအုပ်တစ်အုပ်လည်းဖြစ်ပါတယ်။
    အရင်ကလည်း ပျော်ရွှင်မှု‌တွေကို ကိုယ်တိုင်ဖန်တီးလာခဲ့ပါတယ်။ယခုလည်း ဒီစာအုပ်ကိုဖတ်ပြီးသလောက် ပျော်ရွှင်မှုတွေကို ပိုပြီး ဖန်တီးယူရမယ့်အပြင် ကိုယ့်ရဲ့လိုအပ်ချက်တွေကိုလည်း သိရှိလာခဲ့ရပါတယ်။

    လူတိုင်းလူတိုင်းဖတ်သင့်တဲ့စာအုပ်။
    အောင်မြင်ချင်သူတိုင်းဖတ်သင့်တဲ့စာအုပ်။
    လူငယ်တိုင်းမဖြစ်မနေ ဖတ်သင့်တဲ့စာအုပ်ဖြစ်ပါတယ်။

    To read
    To apply
    To share ဖြစ်စေဖို့ စာအုပ်ဖတ်ပြီးရရှိလာတဲ့အရာတွေကို ဝေမျှပေးလိုက်ပါတယ်ရှင်။
    အားလုံးကိုကျေးဇူးတင်ပါတယ်။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

ဒေါက်တာဖြိုးသီဟ စာအုပ်များ