ဘ၀မှာဖြစ်သမျှအကြောင်းအကောင်းချည်းပါပဲ

ကျွန်တော်တို့အများစုဟာ ကျွန်တော်တို့အလိုရှိတဲ့ အရာတွေကို ပိုင်ဆိုင်ဖို့ကြိုးစားရင်းနဲ့ ကျွန်တော်တို့ဘ၀တွေ ကုန်လွန်ခဲ့ကြပါတယ်။ ကျွန်တော်တို့လိုအင်ဆန္ဒတွေကို ရှာဖွေတဲ့အခါမှာ ဘ၀ကြီးကရော လောကကြီးကပါ မျှော်လင့်ချက်များများစွာတွေပေးပြီး မရပ်မနား တရစပ် သွေးဆောင်ဖြားယောင်းနေတာကို ကျွန်တော်တို့သတိမထားမိကြတာပါ။ နောက်ဆုံးကျတော့လည်း လောကကြီးအလိုအရ ဘ၀ရဲ့ ဖြစ်တည်မှုဆန္ဒတွေနဲ့သာ ကျွန်တော်တို့ တင်းတိမ်ရောင့်ရဲခဲ့ကြရတာပါပဲလေ..။ သေချာစွာတွေးကြည့်ရင် သိပါလိမ့်မယ်။ ကျွန်တော်တို့ ဖြစ်ချင်တာတွေ တကယ်ရော ဖြစ်ခဲ့ရဲ့လား။ ကျွန်တော်တို့လုပ်ချင်တာတွေကို တကယ်ရော လုပ်ခဲ့ရဲ့လား။ ကျွန်တော်တို့ဘ၀ကပေးတဲ့ ဖြစ်တည်မှုတိုင်းမှာ သူဖြစ်သလို ဖြစ်ခဲ့ရတဲ့အပေါ်မှာ ဖြစ်သမျှအကြောင်း အကောင်းချည်းပဲလို့တွေးရင်း ကျွန်တော်တို့ ရပ်တည်နေထိုင်ခဲ့ရတာပါ။

ဒါကြောင့်ဘ၀ရဲ့ဖြစ်တည်မှုတိုင်းမှာ ကျွန်တော်တို့ ကျေကျေနပ်နပ်နဲ့ လောဘတွေ၊ ဒေါသတွေ၊ မောဟတွေကိုလျှော့ပြီး ပျော်ပျော်ရွှင်ရွှင်လေးနေကြရအောင်။ ဒါဆို ဘ၀မှာ ဖြစ်သမျှအကြောင်း အကောင်းချည်းပါပဲ…။

စာရေးသူအမှာစာမှ ကောက်နုတ်ဖော်ပြချက်