နှလုံးသားကိုဖမ်းစားနေဆဲကဗျာဆရာများ

( 0 မှတ်ချက်)

3500 (ကျပ်)

“လှမ်းကြည့်နေသူတွေ အတွင်းကို မှန်းဆကြည့်နိုင်အောင် တံခါးတစ်ချပ်ကို ခဏတာ ဖွင့်လိုက်ပိတ်လိုက်တာ ကဗျာပဲ” လို့ ကဗျာ ပူလစ်ဇာ ဆုနှစ်ဆုရှင် အမေရိကန်ကဗျာဆရာ၊စာရေးဆရာ၊အယ်ဒီတာ ကားလ်ဆန်ဘတ်က ဆိုဖူးပါတယ်။

“ကဗျာဆိုတာအသက်ရှုတဲ့အတွေးတွေ၊လောင်မြိုက်တဲ့ စကားလုံးတွေ” လို့ ဆိုခဲ့တဲ့သူကတော့ ကမ်ဘရစ်ကပရန်ဘရွတ်တက္ကသိုလ်မှာ ပါမောက္ခလုပ်ခဲ့တဲ့ အင်္ဂလိပ်ကဗျာဆရာ သောမတ်စ်ဂရေးပါ။

“စာအုပ်တစ်အုပ်ကိုဖတ်လိုက်ရင် တစ်ကိုယ်လုံးအေးစက်သွားပြီး ခန္ဓာကိုယ်ကို ဘယ်မီးနဲ့မှ ပြန်နွှေးမရရင် အဲဒါကဗျာမှန်း ကျမသိတယ်” လို့ ပြောခဲ့တဲ့သူကတော့ ကဗျာပုဒ်ရေ ၁၈၀၀ ကျော်ရေးသားခဲ့တဲ့ အမေရိကန် ကဗျာဆရာမ အန်မလီဒစ်အင်ဆန်ဖြစ်ပါတယ်။ ကဗျာဆိုတာဘဝကိုလည်မျိုကနေဖမ်းညှစ်တဲ့နည်းတရပ်လို့အမေရိကန်ကဗျာဆရာရောဘတ်ဖရော့စ်ကပြောခဲ့ပြီး… လွန်ခဲ့တဲ့နှစ်ပေါင်း ၂၀၀၀ ကာလက ခေါမစာပေပညာရှင်တစ်ဉီးဖြစ်တဲ့ပလူတာခ်ကတော့ဒီလိုပြောခဲ့ပါတယ်။

#ပန်းချီဆိုတာတိတ်ဆိတ်နေတဲ့ကဗျာ၊

#ကဗျာဆိုတာစကားပြောနေတဲ့ပန်းချီကားလို့ ဆိုခဲ့ပါတယ်။

ကဗျာဆရာတွေနဲ့ပတ်သက်လို့ခေါမပညာရှင်ကြီးပလေတိုက #နှလုံးသားတိုင်းကတေးတပုဒ်သီဆိုပေမဲ့နောက်နှလုံးသားထဲမွာကတီးတိုးစကားမတုန့်ပြန်သမျှမပြည့်စုံဘူးတေးသီချင်းဆိုချင်တဲ့သူတွေကျတာ့တေးသီချင်းကိုတွေ့အောင်လိုက်ရှာတယ်။

#အချစ်ရဲ့အထိအတွေ့မှာလူတိုင်းဟာကဗျာဆရာဖြစ်သွားလေ့ရှိတယ် လို့ဆိုပါတယ်

၁၉၆၆ခုနှစ်မှာကဗျာကဝိဆုချီးမြှင့်ခံခဲ့ရတဲ့အမေရိကန်ကဗျာဆရာ၊ စာရေးဆရာဂျိမ်းဒစ်ကီကတော့ ကဗျာဆရာနဲ့ပတ်သက်ပြီး ဒီလိုဆိုခဲ့ပါတယ်။ “ကဗျာဆရာဆိုတာမိုးကြိုးပစ်ခံရဖို့မျော်လင့်ချက်နဲ့မိုးရေထဲထွက်ရပ်နေတဲ့သူပါ။ ဂျာမနီနိင်ငံရဲ့ကမ္ဘာကျော်ဂီတစာဆိုကြီးဗီသိုဗင်ကတော့ကဗျာသမားကိုဒီလိုမုဒိတာစကားဆိုခဲ့ပါတယ်။”

#ကဗျာဆရာပဂေးတစ်ယောက်ဟာနိင်ငံတစ်နိင်ငံရဲ့အဖိုးတန်ဆုံးရတနာပါ။ စပိန်ပန်းချီကျော်ကြီးဆာလ်ဗာဒိုဒါလီကြတော့ကဗျာဆရာကိုဒီလိုရည်ညွန်းခဲ့ပြန်တယ်။

“မိန်းမတစ်ယောက်ရဲ့ပါးပြင်ကိုနှင်းဆီပန်းနဲ့တင်စားသွားတဲ့ပထမလူဟာကဗျာဆရာပဲဆိုတာထင်ရှားတယ်။အဲဒါကိုလိုက်ပြီးသဘောတူခဲ့တဲ့ဒုတိယလူဟာအရူးပဲဖြစ်မယ်။ ပြင်သစ်လူမျိုးစာရေးဆရာစာပေဝေဖန်ရေးဆရာပန်းချီဝေဖန်ရေးဆရာထုတ်ဝေသူတစ်ယောက်လည်း ဖြစ်တဲ့အက်ဒ်မွန်ဒီဂွန်ကော့ကတော့”

#ကဗျာဆရာဆိုတာကြယ်တာယာတွေဆီကိုလှေကားထောင်တက်နေရင်းတယောထိုးသွားတဲ့လူဖြစ်ပါတယ်။

#ကဗျာဆရာဆိုတာရောင်စုံးခဲတံတံတွေလိုပါပဲ။

ဘယ်လိုပန်းချီကား ဘယ်လိုရှုခင်း ဘယ်လိုကမ္ဘာကိုမဆို ခြယ်သနိင်သူတွေဆိုတာ နှိုင်းပြစရာစကားလုံးတောင် ရှိမယ်မထင်တော့ပါဘူး.. ဒီလိုအကဲဖြတ်ခံရတဲ့ ကဗျာဆရာမျိုးတွေဖြစ်တယ်လို့ ဆိုရမဲ့ ကမ္ဘာကျော်ကဗျာဆရာ ၂၃ ယောက်ရဲ့ အတ္ထုပ္ပတ္တိအကျဥ်းနှင့် သူတို့ရဲ့ နာမည်ကျော်ကဗျာတစ်ပုဒ်ဆီကို ဤစာအုပ်တွင် ရေးသားတင်ပြဘာသာပြန်ထားပါတယ်။ သူတို့ကဗျာကို သူတို့ဘာသာစကားနှင့်ပါ ခံစားနိင်အောင်နှစ်ဘာသာတွဲပြီး ဖော်ပြထားပါတယ်။စာဖတ်ပရိတ်သတ်များ ကြိုက်နှစ်သက်မည်ဟု မျှော်လင့်မိပါတယ်။ စာဖတ်သူဖတ်ရှုပြီး နှစ်ခြိုက်မှုမတွေ့ခဲ့ပါက ဘာသာပြန်သူရဲ့အားနည်းချက်သာဖြစ်လို့ ခွင့်လွတ်ပါလို့ ဆိုချင်မိပါတော့တယ်။

စာအုပ်ထွက်မည့်ရက်

5.2.2021

စာမျက်နှာ

164

ပုံနှိပ်မှတ်တမ်း

Ind English၊ 2021 February (ပ-ကြိမ်)

22 in stock

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“နှလုံးသားကိုဖမ်းစားနေဆဲကဗျာဆရာများ” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published.

ချမ်းငြိမ်း (ဟံသာဝတီ) စာအုပ်များ