ကိုယ်ရေးကိုယ်တာကိစ္စ

စာပေနိုဗယ်ဆုရ ဂျပန်စာရေးဆရာ အိုအဲကဲင်းဇာလူရော၏ နိုဗယ်ဆုရစာအုပ်ကို ဆရာရဲမြလွင်က ဂျပန်ဘာသာမှ တိုက်ရိုက်ပြန်ဆိုသည်။ ဇာတ်ကောင်နာမည်က ငှက်ကြီး၊ သာမန်လူကဲ့သို့ ခေါ်တတ်သူမျိုးမဟုတ်။ သူအမျိုးသမီးမိတ်ဆွေက ဟိမိကိုး၊ ငှက်ကြီးမှာ ဇနီးရှိပြီး ထိုဇနီးနှင့် သားလေးတစ်ယောက်ရသည်။ ထိုသားလေးက ခေါင်းနောက်တွင် အလုံးကြီး တစ်လုံးပါပြီး ခေါင်းနှစ်လုံးနှင့် လူသားဖြစ်နေသည့်အပြင် အသည်းလည်းပါမလာဘူးဟုဆိုသည်။ ကလေးကို ဆေးရုံတင်ထားရသည်။ သူတို့နှစ်ယောက်စလုံး ဆေးရုံပေါ်မှာ ကလေးသေပါစေကြောင်း ဆုမွန်ကောင်းတောင်းနေကြ၏။ သားလေးသေလျှင် သူတို့နှစ်ယောက်စလုံး နိုင်ငံခြားထွက်သွားဖို့ တိုင်ပင်ထားသည်။ သို့သော် ငှက်ကြီးကဖခင်စိတ်ဝင်လာပြီး ကလေးကို တက္ကသိုလ်ဆေးရုံကြီး ပြန်ခေါ်သွားဖို့ ဆုံးဖြတ်လိုက်သည်။ ဟီမီကိုးက လမ်းမှကလေးသာ သေသွားရင် နင်ထောင်ကျနိုင်တယ်။ အသက်ရှင်ရင်လည်း ဟင်းသီးဟင်းရွက်လိုပဲ ဘာမှ မခံစားတတ်တဲ့ လူသားတစ်ယောက်ဖြစ်မယ်ဆို၊ နင့်အတွက် လောကကြီးတွက် ဘာမှ အကျိုးမရှိတဲ့ သတ္တဝါတစ်ကောင်ကို ပြုစုနေရသလို ဖြစ်လိမ့်မယ်။ သေချာစဉ်းစားပါ။ ငါတို့ အာဖရိကသွားဖို့လည်း အားလုံး စီစဉ်ပြီးနေပြီ။ နောက်ဆုံးတော့ ငှက်ကြီးက သားလေးကို ခွဲစိတ်ကုသပြီး ဘ၀အချိုးပြောင်းသွားခဲ့လေ၏။ မိဘမေတ္တာဖြင့် ဘ၀ကို ပြောင်းလဲခဲ့လေသည်။