သောကဘဏ်တိုက်အဝေးကလူ

သောကဘဏ်တိုက်အဝေးကလူ အား ဝေဖန်သုံးသပ်မှု 1 ရှိပါသည်။

1. 

   Rated 5 out of 5

   Swan Arr Kyaw Zan – ဇန်နဝါရီ 31, 2024

   ဆရာတော်က လူတွေရဲ့စိတ်နှလုံးသားကို ဘဏ်တိုက်လို့ တရားတော်တစ်ပုဒ်လုံး ထိထိမိမိဥပမာပေးပြီး ဟောပြထားပါတယ်။

   သောကဖြစ်တာများတဲ့ စိတ်နှလုံးသားကို သောကဘဏ်တိုက်လို့ခေါ်ပြီး သုခဖြစ်တာများတဲ့ စိတ်နှလုံးသားကို သုခဘဏ်တိုက်လို့ခေါ်တယ်။ တကယ်တော့ သောကဟာ တရားတော်အရပြောရရင် ဒေါသဖြစ်ကြောင်း ၊ သောကကို အနာဂါမ်ဖြစ်ရင် ပယ်နိုင်တယ်ဆိုတာကို သောကနဲ့ပတ်သက်တဲ့အကြောင်း အရင်ဆုံးမိတ်ဆက်ပြတယ်။

   သောကတွေအခြေခံပြီး အကုသိုလ်တွေဖြစ်ရင် အပါယ်လေးဘုံ (ဒယ်အိုး)အထိပါ လန်လျှောကျသွားနိုင်တယ်။ သောကတွေကြောင့် ကုသိုလ်တရားတွေ၊ ကောင်းကျိုးဖြစ်သမျှအရာတွေကို အောက်ဆုံးအထိဆွဲချနိုင်တော့တဲ့အထိဖြစ်လာရတယ်။

   တဏှာနဲ့သံယောဇဥ်ဟာ သောကဖြစ်တဲ့အကြောင်းဆိုတာကို ဆရာတော်က ဉာဏ်မီသလောက် ဥပမာတွေနဲ့ ရှင်းပြပြီး တဏှာနဲ့ သံယောဇဥ် အကြောင်း ထည့်ဟောထားတယ်။ ပစ္စည်းဥစ္စာတွေကို တက်မက်မှုမရှိကြဖို့ ဟောထားတယ်။

   ဗဟုဓီတရပုဏ္ဏား (သမီးအများကြီးရှိတဲ့ပုဏ္ဏား) ရဲ့ သောကဖြစ်ကြောင်း ခုနစ်ချက်ကို သောကငြိမ်းကြောင်း ခုနစ်ချက်နဲ့ ဥပမာပေးထားတဲ့အတိုင်း ရုပ်နာမ်အပျောက် ရှာတွေ့တာ ၊ ဒါနကျီ စပါးပြည့်တာ ၊ သီလနှမ်းပင် အရွက်စုံတာ ၊ ဘာဝနာအိပ်ရာ ကြမ်းပိုးသန့်စင်ခြင်း ၊ ခန္တီမေတ္တာစတဲ့ သားသမီးများ ကြင်ရာစုံတာ ၊ သဒ္ဓါကြင်ဖော် နုပျိုလန်းဆန်းတာ ၊ ကံအကြွေး လုံးဝကင်းစင်တာ ဟာ သောကဘဏ်တိုက်အဝေးကလူ ဖြစ်ချင်သူတိုင်း ရှိရမယ့်အချက်ပါ။

   ယခုလို ဒီအချိန်ဒီကာလမျိုးမှာ လူတိုင်း ဖတ်သင့်တဲ့ စာအုပ်ပါ။

   စွမ်းအားကျော်ဇံ
   ၃၁ – ၁၂ – ၂၀၂၁ (သောကြာနေ့)

   #သောကဘဏ်တိုက်အဝေးကလူ
   #အရှင်ဆန္ဒာဓိက_ရွှေပါရမီတောရ