ပါဘလိုအက်စကိုဘာ

ပါဘလိုအက်စကိုဘာ အား ဝေဖန်သုံးသပ်မှု 1 ရှိပါသည်။

1. 

   Rated 5 out of 5

   Pyae Ar Kar – August 24, 2021

   အမေရိကန် ပြည်ထောင်စုရဲ့ ကိုကင်း ၈၀% ကို တင်သွင်းခဲ့သူ ကိုကင်းဘုရင် အက်စကိုဘာ ..

   သူဟာ အမေရိကန်ပြည်ထောင်စုကို ကိုကင်းတွေသွင်းပြီး အဲ့မှာ ရှိတဲ့ လူတွေကို မူးယစ်သားကောင်တွေဖြစ်စေခဲ့ပေမယ့် သူ့ကိုယ်သူတော့ ကိုလံဘီယာနိုင်ငံ ဖွံဖြိုးတိုးတက်မှုအတွက် လုပ်ဆောင်နေသူတစ်ဦးလို့ မြင်နေဟန်တူရဲ့ ..

   မူးယစ်ဆေးက ရတဲ့ငွေ‌နဲ့ လမ်းတွေ ၊ တိရစ္ဆာန်ရုံတွေ ၊ အားကစားရုံတွေနဲ့ပန်းခြံတွေ ဆောက်လုပ်ပေးခဲ့တယ် ၊ အခြေခံလူတန်းစားတွေနဲ့ လာဘ်စားတဲ့သူတွေကို ငွေနဲ့ပစ်ပေါက်ပီး ခါးပိုက်ထောင်ထဲ ထည့်ထားတယ် ..

   သူဟာ မူးယစ်ဆေးဝါးကို သိုသိုသိပ်သိပ်ရောင်းချမယ်ဆို ပိုမိုချမ်းသာပြီး ဘေးကင်းနိုင်ပေမယ့် ကြွားဝါတတ်တဲ့ ထောင်လွှားမှုကြောင့် ကျရှုံးရခြင်းဖြစ်တယ်လို့ မြင်တယ် ..

   ဒါကလည်း ငယ်ငယ်က ငွေမရှိလို့ အနှိမ်ခံခဲ့ရတဲ့အဖြစ် ၊ ရပ်ကွက်လူမိုက်ရဲ့ အစော်ကားခံခဲ့ရတဲ့အဖြစ်တွေကြောင့် အာဏာရှိလာတဲ့အခါ ဝံကြွားတာပဲ ဖြစ်မယ် ..

   လူဟာ ဘုန်းကံအရှိန်အဝါကုန်တဲ့အခါ မိုးကြိုးပစ်တာကို ထန်းရွက်နဲ့ ကာလို့မရတဲ့အဖြစ်မျိုးတွေ ကြုံရတော့တယ် ၊ ဘယ်လောက်ပဲ အာဏာရှိရှိ အချိန်တန်တော့လည်း ပျက်စီးရတာပဲဆိုတာ အက်စကိုဘာကိုကြည့်ပီး သံဝေဂယူလိုက်စမ်းပါ ဟိုအကောင်ရယ် …..

   #ပါဘလိုအက်စကိုဘာ
   #ပန်းဆက်လမ်း

   #PyaeArKar