ပန်းဆိုင်

ကျွန်မတို့ အိမ်ကနေ သုံးမိနစ်လောက် စက်ဘီးနင်းလာခဲ့အပြီးမှာ ခပ်ပြေပြေ ကုန်းဆင်းလေးတစ်ခုရှိတယ်။ အဲဒီကုန်းဆင်းပြီး လမ်းလေးရဲ့ တစ်ဖက်တစ်ချက်မှာတော့ ဂန္ဓမာပန်းခင်းကြီးတွေ ရှိပါတယ်။ ပန်းခင်းကြီးတွေ ကျော်လွန်လို့ ပထမဆုံးတွေ့ရတဲ့ လမ်းချိုးကလေးကတော့ ကျွန်မ ခြံက ပန်းတွေ သွားပို့ရမဲ့ ဈေးတွေဆီကို သွားရမဲ့ လမ်းကလေးပါပဲ။ မလေးရှားပိတောက်ပင်တွေ စီရီမှိုင်းပျစွာ ရှိနေတဲ့ လမ်းကလေးပါ။ ရွှေ ဝါရောင်ဝတ်ဆံတွေ ပြန့်ကျဲနေတဲ့ လမ်းလေးပေါ့။ ကျွန်မရဲ့ သုံးဘီးကို အရှိန်နဲ့ ဖြတ်မောင်းတဲ့အခါ လမ်းမပေါ်က အဲဒီရွှေဝါရောင်ဝတ်ဆံတွေ ဟာ လွင့်ခနဲ လွင့်ခနဲ ပျံဝဲသွားတတ်ကြတယ်။ ဒီအရာတွေ ဒီလမ်းတွေ ဟာ ကျွန်မအတွက်တော့ အထူးတလည်ဖြစ်နေတဲ့ အရာတွေတော့ မဟုတ်ခဲ့ပါဘူး။ နေ့စဉ်ဖြတ်သွားဖြတ်လာ သမားရိုးကျအရာတွေပါပဲ။ အင်း ! အဲဒီလမ်းကလေးထဲကို ပန်းဆိုင်လေးတစ်ဆိုင်ရောက်မလာခင်အထိပေါ့။

ယခုစာအုပ်ထဲတွင် ပန်းဆိုင်အပါအဝင် ဝတ္ထုတို (၁၀)ပုဒ်ပါဝင်ပြီး ပါဝင်တဲ့ ဝတ္ထုတိုတစ်ပုဒ်ချင်းစီတိုင်းအတွက် အတွင်းပန်းချီတွဲဖက်ပါဝင်ပါတယ်။