ငါတစ်ယောက်တည်းလား

( 4 မှတ်ချက်)

3800 (ကျပ်)

ဤစာအုပ်တွင် အရှေ့တိုင်း၏စိတ်ဓာတ်လှုံ့ဆော်ရေးအယူအဆများနှင့်အောင်မြင်ရေးဆိုင်ရာလှုံ့ဆော်မှုများကိုအသားပေးဖော်ပြထားသည်။

ဗုဒ္ဓ၏အခြေခံအယူအဆများနှင့်Motivation လုပ်ရန်ကြံရွယ်ကာ ဗုဒ္ဓ၏တရားတော်များ၊စိတ်ပညာ၊ဦးနှောက်နှင့်အာရုံကြောသိပ္ပံမှ လက်တွေ့စမ်းသပ်မှုများကိုပေါင်းစပ်ကာ အသစ်မြင်ပုံစံတစ်ခုဖြင့်တင်ဆက်ထားသည်။

စာမျက်နှာ

80

စာအုပ်အရွယ်အစား

5.1 × 0.3 × 8.1 inches

ပုံနှိပ်မှတ်တမ်း

သားငယ်စာအုပ်တိုက်၊ 2023 ဇူလိုင်လ (ဒုတိယ-ကြိမ်)

စျေးနှုန်းအပြောင်းအလဲ

15.6.2023 နေ့မှစတင်၍ မူရင်းထုတ်ဝေတိုက်မှ ကျပ် 3800 ကျပ် စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။

3 in stock

ငါတစ်ယောက်တည်းလား အား ဝေဖန်သုံးသပ်မှု 4 ရှိပါသည်။

  1. So Ni

    ပထမ စာအုပ်တုန်းကလည်းအရမ်းကြိုက်တယ်…. ဗုဒ္ဓစိတ်ကုထုံးများ….. အခုအသစ်ထွက်မည့်စာအုပ်လည်းသေချာပေါက်ကောင်းမည်

  2. Myat Mo

    ပထမစာအုပ်ဖတ်ပြီး ဆရာတော်ရဲ့ရေးသားမှုကို ထပ်ပြီးဖတ်ရှုချင်မိပါတယ်။စိတ်၏ငြိမ်သက်မှုကိုရ ရှိပါသည်။ဒုတိယစာအုပ်ကိုလည်း ဖတ်ချင်နေပါပြီ။

  3. Yuno home

    စိတ်အာဟာရအတော်လေးရခဲ့တဲ့စာအုပ်ကောင်းတစ်ခုပါပဲ။ စာအုပ်တစ်အုပ်လုံးရဲ့ စာတစ်မျက်နှာဆီ စာတစ်ကြောင်းဆီကကို အနှစ်သာရပြည့်ဝပါတယ်။ အပြိုင်အဆိုင် အပူသောကများလှတဲ့ ခေတ်ကြီးထဲ စိတ်တည်ငြိမ်အေးချမ်းမှုပြတင်းပေါက်ဖွင့်နိုင်ခဲ့တဲ့စာအုပ်ပါ။ acceptance ဆိုတာရယ် positivity ကိုသာရခဲ့တယ်။ acceptance ဆိုတာ အတင်းကြီး အတင်းကြီးဖြေသိမ့်ရတာမျိုးမဟုတ်ပဲ ကျိုးကြောင်းဆီလျော်တဲ့ ပညာဉာဏနဲ့ နှလုံးသွင်းနိုင်တာမျိုးပါ။ စာရေးသူက ဗုဒ္ဓတရားတော်တွေလေ့လာကျင့်ကြံအားထုတ်တဲ့ ရဟန်တစ်ပါးမို့လားမသိ ဖတ်နေစဉ်ကာလတစ်လုံးတစ်ကယ်ကို လောဘ ဒေါသ
    မောဟကင်းတာတော့အမှန်ပဲ။ ဆရာတော် ရဟန်းနန္ဒာစာရ ရဲ့ စာတမ်းတွေထပ်မံဖတ်ရှုလိုပါရဲ့။

  4. Aeri Myat

    တလောက စိတ်အနှောင့်အယှက်လေးတွေ တွေ့ကြုံရတဲ့အချိန်
    ဘာဆိုဘာမှ မတွေးနိုင်အောင်
    လူကEnergyကျသွားခဲ့ပါတယ်။
    အဲ့လိုအချိန်ဆို တရားနာပြီး တရားမှတ်စုရေးတာမျိုးဖြစ်ဖြစ်၊ ဘုရားရှိခိုးတာဖြစ်ဖြစ်လုပ်ရင် စိတ်သက်သာရာရတာမို့
    အဲ့လိုနည်းလမ်းတွေနဲ့ပဲ စိတ်သက်သာအောင် လုပ်ဖြစ်တာ များပါတယ်။
    ဒီတစ်ခါမှာတော့ “ငါတစ်ယောက်တည်းလား”ဆိုတဲ့ အရှင်နန္ဒာစာရရဲ့စာအုပ်လေးကို ဖတ်ဖို့ သတိသွားရတယ်။
    တကယ်လည်း စာတွေဖတ်ရင် စိတ်သက်သာတာမို့ ဒီစာအုပ်လေးကို
    ဖတ်ဖြစ်ခဲ့ပါတယ်။
    “စိတ်ဓါတ်တွေကျနေပြီဆို ကိုယ့်ကိုယ်ကိုယ် မေးလိုက် ငါတစ်ယောက်တည်းလား”
    “အောင်မြင်မှုတွေကြောင့် ပျော်ရွှင်နေရင်လည်း မေးလိုက် ငါတစ်ယောက်တည်းလား”
    စာအုပ်စဖွင့်ဖွင့်ချင်းမှာတင် ဖတ်လိုက်ရတဲ့ စာကြောင်းလေးတွေကြောင့်
    လူက တော်တော်လေး သတိလက်လွတ်
    ဖြစ်နေတာကို remindလုပ်မိသွားတယ်။
    တကယ်လည်း ပြဿနာတွေ ကြုံတွေ့ရတယ်ဆိုတာ ကိုယ်တစ်ယောက်တည်းမှ မဟုတ်နေတာပဲလေ…။
    လောကသဘာဝအရ ဆင်းရဲဒုက္ခ ရှိနေတာ ဖြစ်မြဲဓမ္မတာပဲဆိုတဲ့ အသိလေးပါ
    ဆက်တွေးမိပါတယ်။
    နောက်ပြီး Empathy ကိုယ်ချင်းစာနာမှုမှာမှ…
    ◇Cognitive Empathy
    ◇Emotional Empathy
    ◇Compassionate Empathyဆိုပြီး
    အမျိုးအစား(၃)မျိုးရှိတာကို
    သိရပါတယ်။
    ကျွန်မအနေနဲ့တော့ Emotional Empathyနဲ့ Compassionate Empathy စိတ်ဖြစ်တာများတယ်လို့
    ကိုယ့်ကိုယ်ကိုယ် သုံးသပ်မိပါတယ်။
    (တစ်ယောက်ယောက် ရင်ဖွင့်တဲ့အခါနားထောင်ပေးတာမျိုး၊ကူညီနိုင်တာရှိရင်လူအား၊နှုတ်အားဖြင့် ကူညီပေးတာမျိုးကိုပြောတာပါ)
    ဒါဟာလည်း ဗုဒ္ဓဘာသာရှုထောင့်က
    ကြည့်မယ်ဆိုရင်ဖြင့် မေတ္တာ၊ ကရုဏာ
    ဖြင့် ကိုယ်ချင်းစာနာခြင်းနဲ့ တူတယ်လို့ သိရပါတယ်။
    နောက်ပြီး မိသားစု၊ကိုယ်ချစ်ခင်ရတဲ့
    မိတ်ဆွေသူငယ်ချင်းများကြောင့် ဖြစ်ရတဲ့ စိတ်ခံစားချက်တွေကို ကျွန်မကိုယ်တိုင်လည်း ကရုဏာ ဖြစ်တယ်လို့ပဲ ထင်မှတ်ခဲ့မိတယ်။တကယ်တမ်းတော့ အဲ့ဒီစိတ်ခံစားချက်တွေဟာ
    သောကလို့ခေါ်တဲ့ ဒေါမနဿဝေဒနာ
    (တနည်းအားဖြင့်)ကရုဏာအတုဖြစ်ပါတယ်တဲ့….။
    အေးချမ်းတဲ့ဘဝ ပိုင်ဆိုင်ချင်တယ်ဆိုရင်
    ရုပ်ပိုင်းဆိုင်ရာ စည်းစိမ်တွေထက်
    စိတ်ပိုင်းဆိုင်ရာ စည်းစိမ်ဥစ္စာ(ရောင့်ရဲခြင်း)ကိုပြည့်ဝအောင် ဖြည့်ဆည်းထားမှသာ တကယ့် စိတ်အေးချမ်းမှုအစစ်ကို ရရှိနိုင်မှာ ဖြစ်ပါတယ်။
    အဓိကကတော့ သီလ၊သမာဓိ၊ပညာကို
    ဆည်းပူးဖြည့်ကျင့်ဖို့ လိုအပ်ကြောင်း သိရပါတယ်။
    နောက်ပြီး သိပ္ပံနည်းကျ လေ့လာမှုတွေ
    အပေါ် အခြေခံပြီး ကျွန်မတို့ရဲ့ ဦးနှောက်အာရုံကြောတွေ အလုပ်လုပ်ပုံကိုလည်း ဗဟုသုတရဖွယ် ရှင်းလင်း ရေးသားပေးထားပါတယ်။
    သတိမရှိတဲ့သူအတွက်တော့ စိတ်သောက၊စိတ်ဖိစီးမှုတွေဆိုတာ အမြဲလိုကြုံတွေ့နေရမယ်ဆိုတဲ့ အသိလေးပါ
    ရလိုက်တယ်။
    နောက်ပြီး ငါ့ကျမှ ဖြစ်တယ်ဆိုတဲ့ “ငါစွဲ”
    အတွေးတွေကိုလည်း အများကြီး လျော့ကျသွားစေပါတယ်။
    အတ္တကိုအခြေမခံတဲ့ အောင်မြင်မှုရဲ့
    အနှစ်သာရကိုလည်း သိခွင့်ရတဲ့အပြင်
    အောင်မြင်ခြင်းရဲ့ လက်တစ်ကမ်း အကွာမှာ ရှုံးနိမ့်ခြင်းတွေလည်း ရှိနေတတ်တယ်ဆိုတဲ့ မမြဲခြင်းတရားတွေကိုပါ အောက်မေ့ဆင်ခြင်မိပါတယ်။
    ဒီစာအုပ်လေး ရေးသားပေးတဲ့
    ဆရာတော်အရှင်နန္ဒာစာရကိုလည်း
    ကျေးဇူးအများကြီး တင်ပါတယ်။
    🙏🙏🙏
    #ငါတစ်ယောက်တည်းလား
    #နန္ဒာစာရ
    #သားငယ်စာပေ
    #reviewby하은
    #19Sep2023

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

နန္ဒာစာရ စာအုပ်များ