တစ်+တစ်=သုံး

( 25 မှတ်ချက်)

5000 (ကျပ်)

“တစ်+တစ်=သုံး ” စာအုပ်ထဲမှာစိတ်ဝင်စားစရာ၊ ဉာဏ်ကွန့်မြူးချင်စရာ ဇာတ်လမ်းတို ၆၀ ကျော် ပါတယ်။

ဒီဇာတ်လမ်းတွေကို ဖတ်ရင်း၊ လေ့လာရင်း ကိုယ့်ရဲ့ ဖြတ်ထိုးဉာဏ်၊ ဖောက်ထွက်တွေးခေါ်ဟန်တွေ တိုးတက်လာမယ်။

မူရင်းစာရေးသူ Dave Trott ဟာကြော်ငြာလောကမှာအင်မတန် နာမည်ကြီးတဲ့ဖန်တီးမှု ဒါရိုက်တာတစ်ယောက်။ သူ့ရဲ့ ရေးဟန်က တိုတယ်၊ ပြတ်တယ်၊ ရှင်းတယ်။ ခွန်အား အပြည့်ပါတယ်၊ ဖွဲ့နွဲ့ခြင်းတွေ သိပ်မရှိဘူး။ ဖတ်ရတာ လွယ်တယ်၊ ပေါ့ပါးတယ်။ ဒါပေမယ့် ရလိုက်တဲ့ ဗဟုသုတတွေက တန်ဖိုးရှိတယ်။

ပထမကမ္ဘာစစ်ပွဲမှာ.. မကြုံစဖူး..အသက်ရှင်ကျန်ရစ်ခဲ့တဲ့ရေတပ်စစ်သား တစ်ယောက်အကြောင်း၊”သေမင်းကုန်သည်”..ဆိုပြီး နာမည်တပ်ခံခဲ့ရဖူးတဲ့ ငြိမ်းချမ်းရေးဖခင် တစ်ယောက်အကြောင်း၊ လက်ချောင်းနှစ်ချောင်း မရှိတော့ပေမယ့် ဂျပ်စ်ဂီတအသစ်ကို ဖန်တီးနိုင်ခဲ့တဲ့ ဂျစ်ပစီတစ်ယောက်အကြောင်း..

ထင်မှတ်ထားဘဲ ကြုံလာရတဲ့ ပြဿနာပေါင်းစုံကို နည်းလမ်းအသစ်တွေနဲ့ဖြေရှင်း၊ ကမ္ဘာကို ပြောင်းလဲနိုင်ခဲ့သူတွေရဲ့အကြောင်း.. စတဲ့.. စတဲ့ ဇာတ်လမ်းပေါင်းစုံ။

ကျစ်လစ်ပေါ့ပါးပြီး နေရာစုံမှာ အသုံးဝင်တဲ့ စာအုပ်တစ်အုပ်ပါပဲ။

စာမျက်နှာ

251

စာအုပ်အရွယ်အစား

5.6 × 0.5 × 8.5 inches

ပုံနှိပ်မှတ်တမ်း

အင်းဝစာပေ၊ 2020 နိုဝင်ဘာလ (ပ-အကြိမ်)

စာအုပ်ပြင်ဆင်မှု

1.2.2022 နေ့မှစတင်၍ မူရင်းထုတ်ဝေတိုက်မှ ကျပ် 5000 စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။

57 in stock

တစ်+တစ်=သုံး အား ဝေဖန်သုံးသပ်မှု 25 ရှိပါသည်။

  1. Nay Gyi

    လူတိုင်းဖတ်သင့်တဲ့ စာအုပ်လေးပါ။ လက်တွေ့ကျပြီး အင်မတန်ကောင်းတဲ့ အတွေးခေါ်တွေပါပါတယ်ဗျ။ ကျတော်တို့မြန်မာနိုင်ငံက လူတချို့လို အမြဲကံကိုပဲ ပုံမချဘူး နည်းလမ်းရှာပြီး ရအောင်လက်တွေ့လုပ်ကြတယ်ဗျ။ အမြဲတမ်းဘောင်ထဲကမတွေးပဲ ရှူးထောင့်ပေါင်းစုံကနေ ပြဿနာတိုင်းကိုကျော်လွှားပြီး နောက်ဆုံးအောင်မြင်မှုရခဲ့ ရတယ်ဆိုတဲ့အကြောင်းတွေလည်းပါတယ်။ နိုင်ငံတကာက ကိုယ်တွေ့ဖြစ်ရပ်တွေနဲ့ တွေးခေါ်မှုကောင်းပုံ အဖုံဖုံကို တိုတိုနဲ့လိုရင်းကို ရေးသားထားတဲ့စာအုပ်ပါ။ ကျတော် ၁ပတ်အတွင်း နည်းနည်းချင်းစီဖတ်တာတောင် ပြီးပါတယ်။

  2. လီလီရူဘီ

    အတွေးလေးတွေပါတယ် စာတွေကသပ်သပ်ရပ်ရပ်နဲ့ ရင်ထဲထိတယ် စာအခုမှစဖတ်မဲ့သူတွေအတွက်တော့ ဒီစာအုပ်ကနေစမဖတ်ဖို့အကြံပေးပါရစေ

  3. ​နေမျိုး

    2025 World Economic Forum Top 10 Skill ထိပ်တန်း အရည်အချင်း ၁၀ ခု အနက် ပထမ အရည်အချင်း တီထွင်ဖန်တီးတွေး အတွက် အထောက်ကူ ပြုစာအုပ် ကောင်း တစ်အုပ် ဖြစ်ပါသည်။
    Education 4 focus _Innovation အတွက်..Ref book ပါ

  4. Soe Thinzar (verified owner)

    #တစ်+တစ်=သုံး Review 📒📚

    စာအုပ်နာမည် ဖတ်လိုက်တာနဲ့ ဘာလဲပေါ့
    ငယ်ငယ်ကတည်းက သိလာတာ တစ် နဲ့ တစ် ပေါင်းချင်းကလည်း အကုန်သိပီးသား နှစ် လေ… ဒါကို ဘာလို့ အဖြေက သုံးဖြစ်ရတာလဲပေါ့…. တွေးမိလိုက်တာ သေချာပီး ဒီစာအုပ်က ပုံမှန်ဖြစ်နေတဲ့ စည်းတွေ ဘောင်တွေထဲကနေ မဟုတ်ဘဲ ကိုယ့် စိတ်ကူး အတွေးနဲ့ လွတ်လပ်ပေါ့ပါးနေရမယ်လို့ တွေးမိသွားတယ်။

    #ဘယ်လိုစာအုပ်မျိုးလဲ
    စာအုပ်က လူတွေရဲ့ ဇာတ်လမ်းတွေကို ဇာတ်လမ်းအတိုလေးတွေချည်း ရေးထားတဲ့စာအုပ်ပါ။ အပိုင်း(၉)ပိုင်း ပါပီး အပိုင်းတစ်ပိုင်းချင်းစီမှာ ဇာတ်လမ်းတိုလေးတွေ ရေးထားတယ်။ ဇာတ်လမ်းတွေက အဖြစ်အပျက် အမျိုးမျိုး ၊ နယ်ပယ် အမျိုးစုံက အကြောင်းတွေကို တိုတိုနဲ့ ထိထိမိမိ ရေးဖွဲ့ထားတယ်။ ပုံမှန် တွေးနေကျ လုပ်ထုံးလုပ်နည်းတိုင်း မဟုတ်ဘဲ အဖြစ်အပျက်တွေကို ကိုယ် မတွေးဘူးတဲ့ ပုံစံလေးတွေနဲ့ ရေးဖွဲ့ထားတယ်။

    #၁+၁=၃ဖြစ်ရတဲ့အကြောင်းအရင်း
    စနစ်ဟောင်းအရ ဆိုရင် ၁+၁=၂
    စနစ်သစ်အရဆိုရင်တော့ ၁+၁=၃
    ဒီစာကိုမြင်ပီးတော့ ငယ်ငယ်က သင်ခဲ့တာ မှားပီလား ပြန်ပြင်ရတော့မှာလားလို့ မတွေးပါနဲ့နော်။ စာအုပ်ရဲ့ ရည်ရွယ်ချက်လေးကို ချုံပြောရတာပါ ။ဒီစာအုပ်မှာပြောထားတဲ့ တီထွင်နိုင်မှု့ စွမ်းရည်ဆိုတာ ဆက်နွယ်မှု့အသစ်တွေ ဘယ်လောက်များများ ဖန်တီးနိုင်သလဲဆိုတဲ့ အရည်အချင်းနဲ့ တိုက်ရိုက်အချိုးကျနေတယ်။ ဒီအရည်အချင်းကို ရဖို့ဆိုတာ ကိုယ် မသိနားမလည်တဲ့ နယ်ပယ်တွေကို ဘယ်လောက်လေ့လာနိုင်သလဲ ဆိုတာနဲ့ သက်ဆိုင်တယ် ဆိုပီး ရေးပြထားတယ်။ဆိုလိုချင်တာက ကိုယ်မသိသေးတဲ့ နယ်ပယ် မျိုးစုံကို များများလေ့လာနိုင်လေ တီထွင်နိုင်စွမ်းမြင့်လာလေပါပဲ ။
    အဓိကက ကျတော်တို့ ကိစ္စတစ်ခုကို ဖြေရှင်းပီဆိုရင် ပုံမှန် ကိုယ်သိတဲ့အမြင် ကိုယ်အားသာတာကိုပဲ ဇောင်းပေးပီး ဖြေရှင်းတတ်ကြပါတယ်။ ဒါကို တခြားနယ်ပယ်ကနေဆို ဘယ်လို အမြင်တွေ ရှိနိုင်တယ်ဆိုတာ အတွေးတွေ ရသွားစေပါတယ်။

    စာအုပ်ထဲက ဇာတ်လမ်းတိုလေးတွေမှာ အရမ်းကြိုက်မိတာလေးတွေတချို့က

    *ကိုယ်မလုပ်နိုင်ခဲ့တာတွေကို မေ့လိုက်။ ကိုယ်လုပ်ခဲ့တဲ့အရာတွေက ပိုအရေးကြီးတယ်။
    လူတွေက ကိုယ် ဘယ်လောက်ပဲ ကောင်းတာကို လုပ်ခဲ့လုပ်ခဲ့ ကိုယ်မလုပ်နိုင်တဲ့ဟာ မလုပ်လိုက်ရတဲ့ ဟာတွေမှာပဲ သွားပီး focus ထားနေမိတတ်ကြတယ်။ ကိုယ်လုပ်နိုင်တာကိုတော့ ကိုယ့်ကိုယ်တောင် အသိအမှတ်မပြုမိတတ်ကြဘူး။ ဒီစာစုလေး ဖတ်လိုက်မိတော့ ကိုယ်လုပ်နိုင်တဲ့တာတွေကို celebrate လုပ်မိသွားတယ်။

    *မစဥ်းစားခြင်း ဖော်မြူလာ
    ဒီ ဇာတ်လမ်းတိုထဲမှာဆို လူတွေက ကိုယ်ယုံကြည်မှု့ကို မလွတ်တမ်းဆွဲကိုင်ထားကြတယ် ။ တချို့အရာတွေက ဥပဒေသတွေ ၊ ဖော်မြူလာတွေမှာ မဖြစ်နိုင်ပေမယ့် လုပ်နိုင် ၊ ဖြစ်နိုင်သွားတွေရှိတယ် ၊ ဥပဒေသတွေအရ လုပ်နိုင်ပေမယ့် ကိုယ့်ယုံကြည်တာ မလုပ်နိုင်ဘူးဆိုပီး အတွေးတွေကို မပြောင်းလဲနိုင်ကြဘူး ။ ဒါတွေကို ဇာတ်လမ်းလေးတွေနဲ့ ဖော်ပြထားတယ်။

    စာအုပ်ထဲမှာဆို ဗဟုသုတ ရစရာ ၊ သမရိုးကျအဖြစ်အပျက်လေးတွေကို ရေးသားထားတယ်။ ဖတ်တဲ့အချိန် ဇာတ်လမ်းတစ်ပုဒ် ဖတ်ပီးတိုင်း သေချာလေး စဥ်းစားရင် ပိုပီး အကျိုးရှိမယ်ထင်ပါတယ်။
    ဒီစာအုပ်က တစ်ခါတည်းမဟုတ်ဘဲ နောက်ထပ်နောက်ထပ်တွေ ပြန်ဖတ်သင့်တဲ့ စာအုပ်လို့ မြင်မိပါတယ်။

  5. ThaeJM

    ” တစ် + တစ် = သုံး ”

    ဟင် “တစ် + တစ် = သုံး” တဲ့ ဘာလို့ သုံး လဲဆိုတဲ့မေးခွန်းတွေထုတ်ချင်နေကြပြီမလား ❓

    ဟုတ်ကဲ့ ဒီစာအုပ်လေးမှာအဖြေရှာလိုက်ကြရအောင်နော် ✌

    တော်တော်များများလည်းဖတ်ပြီးလောက်တဲ့စာအုပ်လေးပါ မဖတ်ရသေးတဲ့သူတွေအတွက် review လေးနည်းနည်းလောက်ရေးပေးပါမယ်ရှင့်

    တစ် နဲ့ တစ် ပေါင်းရင် နှစ်ရမယ်ဆိုတာ ဟိုးအရင်ကတော့မှန်သလိုရှိပေမယ့် ခုလိုအပြိုင်အဆိုင်တိုးတက်လာတဲ့ခေတ်ကြီးထဲမှာတော့ တစ် နဲ့ တစ် ပေါင်းရင် နှစ် မရနိုင်တော့ပါဘူး ကြိုတင်တွေးတောကြံဆထားစရာတွေ အသားကုန်များလာပါပီ

    ဆိုတော့…ဆက်ဖတ်ကြည့်ရအောင်

    ဒီစာအုပ်လေးကို ဘယ်သူတွေဖတ်သင့်သလဲ
    👉 သူမတူတဲ့ idea လေးတွေနဲ့ စီးပွားရေးလုပ်ချင်သူတွေ
    👉 သမားရိုးကျအတွေးတွေပဲ တွေးခေါ်မြဲတွေးခေါ်နေဆဲသူတွေလည်း ဒီစာလုပ်လေးကိုဖတ်ကြည့်ကြပါနော်
    👉 စိတ်ဓာတ်ကျပြီး ကိုယ့်ဘဝကိုယ်မကျေမနပ်ဖြစ်နေတဲ့သူတွေလည်း ဖတ်ကြည့်ပါ
    👉 စိတ်ခွန်အား Motivation လိုအပ်နေသူများလည်းဖတ်စေချင်ပါတယ်
    👉 လူငယ်တွေအပြင် လူကြီးတွေပါဖတ်သင့်တဲ့ စာအုပ်ကောင်းလေးတစ်အုပ် ဖြစ်ပါတယ်

    စာအုပ်လေးအကြောင်းပြောပြရမယ်ဆိုရင်တော့

    ✔ ဒီစာအုပ်လေးက ဖြစ်ရပ်မှန် ဇာတ်လမ်းအတိုလေးတွေအကြောင်းပါ အရမ်းစိတ်ဝင်စားဖို့ကောင်းတယ် ဇာတ်လမ်းလေးတွေထဲမှာ သူတို့ပြောပြထားတာလေးတွေက ကိုယ်ယူနိုင်ရင်ယူနိုင်သလောက် အရမ်းကိုတန်ဖိုးရှိတဲ့အရာတွေရနိုင်တယ်

    ✔ ဒီစာအုပ်လေးထဲမှာ ပါဝင်တဲ့ ဇာတ်လမ်းလေးတွေကိုဖတ်ရင်း ကိုယ့်ရဲ့ နဂိုရှိပြီးသား idea လေးတွေထက် ပိုပြီးကောင်းမွန်တဲ့ idea အသစ်လေးတွေလည်းဖန်တီးနိုင်သေးတယ်

    ✔ ဖြစ်ရပ်မှန် ဇာတ်လမ်းလေးတွေမို့ ကိုယ့်အတွက်လည်း အားအရမ်းဖြစ်စေပါတယ် သူတို့တောင် အဆိုးထဲက အကောင်းတွေ လုပ်ပြနိုင်သေးတာ ကိုယ်လည်းမလုပ်နိုင်စရာမရှိဘူးဆိုတဲ့ motivation လည်း အပြည့်အဝကိုရရှိစေတယ်

    ✔ ကိုယ်ဖြေရှင်းလို့မရတဲ့ပြဿနာကို ဖြေရှင်းလို့တဲ့ ပြဿနာလေးတွေအဖြစ်ပြောင်းပြီး လူတွေကိုဘယ်လိုအကျိုးပြုစေနိုင်လဲဆိုတဲ့ နည်းလမ်းကောင်းလေးတွေလည်းပြောပြထားတာမှ စိတ်ဝင်စားဖို့ကောင်းသလားမမေးနဲ့

    ✔ သူမတူတဲ့ idea အသစ်အဆန်းလေးတွေနဲ့ သူတို့တွေဘယ်လို millionaire တွေဖြစ်သွားလဲဆိုတဲ့ အတုယူစရာကောင်းတာလေးတွေဆိုလဲ ကိုယ့်ရဲ့ အောင်မြင်ချင်စိတ်ကို တွန်းအားတစ်ခုပေးလိုက်သလိုပဲ

    ✔ ပြဿနာတစ်ခုကို ရှုထောင့်အသစ်ကနေကြည့်တတ်ဖို့ ပြဿနာကိုပြောင်းပြန်လှန်ကြည့်တတ်ဖို့ စတဲ့အချက်လေးတွေပြောပြထားလို့ ခုဆို ကိုယ့်ရဲ့ပြဿနာကို ဘယ်လိုကိုင်တွယ်လို့ရသလဲဆိုတာ တော်တော်လေးသဘောပေါက်နေပီ 😄

    ✔ စီးပွားရေး လူမှုရေး နယ်ပယ်အမျိုးမျိုးမှာ ကြုံတွေ့နေရတဲ့ အခက်အခဲတွေကို ဘယ်လိုအောင်မြင်ကျော်လွှားနိုင်ခဲ့ကြသလဲ ကိုယ်လည်း idea အသစ်အဆန်းလေးတွေနဲ့ ဘာလေးတွေလုပ်မယ်လို့စိတ်ကူးရင်း……

    ဒီစာအုပ်လေးအပေါ် ကိုယ်တစ်ဦးတည်းတွေးတဲ့အမြင်လေးတွေရေးထားတာကြောင့် အမြင်မတူတာလေးတွေရှိရင် အမှားလေးတွေပါရင်လည်း နားလည်ပေးကြပါ 🙏

    ဒီစာအုပ်လေး ဖတ်ပြီး ကိုယ့်ရဲ့အားနည်းချက်ကို အားသာချက်တစ်ခုအဖြစ်ပြောင်းလဲနိုင်ကြပါစေ 🙏

    မေတ္တာဖြင့်
    Thae JM

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

ချမ်းမြေ့ဝင်း စာအုပ်များ