နာမကျန်းသည် အိုနှင်းဆီ

တာဝေး အပြေးပြိုင်ပွဲကို အတော်ဝေးဝေး ရောက်သည်အထိ ဆင်နွဲခဲ့မိသူ တစ်ယောက်အနေဖြင့် အောင်ပန်းကိုရယူနိုင်သည်ဖြစ်စေ၊ မရနိုင်တော့သည်ဖြစ်စေ ပြေးခဲ့ပြီးသောခရီးတာကို နှမြောထောက်ချင့်သောအားဖြင့်ဆက်၍ ပြေးနေမိမည်သာဖြစ်၏ ဘ၀ကိုစတင်ရချိန်သည် တာထွက်သည့်အချက်ပေး အမှတ်အသား အလံကိုအောက်သို့ စိုက်ချလိုက်ချိန်ပင် ဖြစ်ပါသည်။  ပြေးပါလေတော့….

ယခု နာမကျန်းသည်အိုနှင်းဆီ တွင် စာပေဝါသနာရှင် မိန်းကလေးတစ်ယောက်၏ ဘ၀နှင့်ကြိုးပမ်းမှု၊ မည်သို့သော အခြေအနေမျိုးမှာပင်ဖြစ်စေ မိမိယုံကြည်ရပ်တည်ရာ စာပေလမ်းကြောင်းပေါ်တွင် မယိမ်းမယိုင် မဖောက်မပြန် ရပ်တည်နိုင်ရန် ကြိုးပမ်းအားထုတ်လျက်ရှိသော စာရေးဆရာတစ်ယောက်၏ ဘ၀နှင့် ယုံကြည်ချက်ကို ဖော်ကျူးထားသည်။