အကြောက်တရားတွန်းလှန်ခြင်းနှင့် ညီလေးသို့ပေးစာများ

( 0 မှတ်ချက်)

3500 (ကျပ်)

စာအုပ်ဖတ်ရာမှာ တခါတခါမှာ စာရေးသူနဲ့ ရင်ဘောင်တန်းပြီးတော့၊ တခါတခါ စာရေးသူထက် ကျော်လွန်ပြီးတော့ စဉ်းစားတွေးခေါ်တတ်သူ၊ ခံစားတတ်သူတွေထဲမှာ အောင်သီဟ ခေါ် မှော်ဝန်းသီဟလဲ ပါပါတယ်။

စာတပုဒ်နဲ့ ပတ်သက်နှီးနွယ်ရာတွေကိုပါ ဆက်စပ်လေ့လာ ဖတ်ရှုတတ်တာလဲ သူ့ရဲ့ သုတေသန ဝသီလို့ ထင်ပါတယ်။ သူ့ရဲ့ ရေ​မွှေးစာအုပ်အညွှန်းကို ကြည့်ရင် သိသာပါတယ်။

စာရေးပြန်တော့လဲ စာနာသူ၊ တွေးခေါ်တတ်သူ၊ ခံစားတတ်သူပီ မှော်၀န်းသီဟရဲ့ စာတွေဟာ ပြေပြေပြစ်ပြစ်နဲ့ သူ ပေးလိုတဲ့ အကြောင်းအရာ၊ အသိပညာဗဟုသုတကို နှလုံးထဲကိုရော ဦးနှောက်ထဲကိုပါ မြားတစင်းနဲ့ ပစ်မှတ်နှစ်ခုကို မှန်အောင် ပစ်နိုင်စွမ်းသူပါ။

အခု အကြောက်တရားကို တွန်းလှန်ခြင်းနှင့် ညီလေးသို့ ပေးစာများ စာအုပ်မှာ ဉာဏ်ပညာ ပြည့်နှက်ရင့်ကျက်ပြီး မေတ္တာတရား လျှံပြည့်ဝေဆာတဲ့ အစ်ကိုတယောက်က သူရဲ့ ချစ်မြတ်စွာသော ညီလေးဆီ ပေးစာလေးတွေ ရေးထားသလိုပါပဲ။

ဒီစာအုပ်လေးထဲမှာ….
၁။ ယုံကြည်ရာ
၂။ အလက်ဇန္ဒား မဖြစ်ခဲ့ရင် ဒိုင်အိုဂျီးနီးစ် ဖြစ်ချင်တယ်
၃။ ဝေဖန်ခြင်း အနုပညာ
၄။ ပြန်ဆုံဝံ့သူ ဖြစ်ပါစေ
၅။ လို၍ မရသော ဆင်းရဲနှင့် လောကလူသား
၆။ လွတ်လပ်စွာ ကစားပါစေ
၇။ အကြောက်တရား တွန်းလှန်ရေးကဗျာ
၈။ လောင်းရိပ်အောက်က ရုန်းထွက်ရှင်သန်ပါ
၉။ စတေနာမုသား
၁ဝ။ တွန်းလှန်ကာကွယ် အဖြူရောင်အန္တရာယ်
၁၁။ ပရိုးမီးသယူးစ်၊ သို့မဟုတ် အဓမ္မကို တော်လှန်သူ
ဆိုပြီး ပေးစာ ၁၁ စောင် ပါပါတယ်။

အကြောက်တရားကို တွန်းလှန်ခြင်းနှင့် ညီလေးသို့ ပေးစာများ စာအုပ်ဟာ မိသားစုဘဝကို မြတ်မွန်စွာ တန်ဖိုးထားသူတိုင်း ဖတ်ရှုသင့်ပါတယ်။

စာမျက်နှာ

111

စာအုပ်အရွယ်အစား

4.7 x 0.2 x 7.3 inches

ပုံနှိပ်မှတ်တမ်း

ဇလပ်နီစာပေ၊ 2023 ဩဂုတ်လ (ပထမ-ကြိမ်)

1 in stock

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“အကြောက်တရားတွန်းလှန်ခြင်းနှင့် ညီလေးသို့ပေးစာများ” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published. Required fields are marked *

မှော်ဝန်းသီဟ စာအုပ်များ