နွမ်းလျအိမ်ပြန်

( 4 မှတ်ချက်)

1300 (ကျပ်)

စာမျက်နှာ

73

စာအုပ်အရွယ်အစား

5.2 x 0.3 x 8.2 inches

ပုံနှိပ်မှတ်တမ်း

စိတ်ကူးချိုချိုစာပေ ၊ 2020 ဖေဖော်ဝါရီလ၊ (စတုတ္ထ-ကြိမ်)

Out of stock

နွမ်းလျအိမ်ပြန် အား ဝေဖန်သုံးသပ်မှု 4 ရှိပါသည်။

  1. U Thein Win

    ကြိုက်နှစ်သက်

  2. Aye Thiri Nyein

    အိမ်ပြန်ရတာ နွမ်းလျရတာလား
    နွမ်းလျပြီး အိမ်ပြန်ရတာလားလို့ တွေးမိတယ် မဖတ်ခင်ကပေါ့..

    ဖတ်ကြည့်လိုက်တော့ နှစ်ခုလုံးဖြစ်နေတယ်..
    ဖတ်ရတဲ့လူတောင် ပင်ပန်းရပါတယ်..

    1964တုန်းကပထမအကြိမ်ထုတ်ဝေတဲ့စာအုပ်ဆိုပေမယ့် ခုနှစ်သက္ကရာဇ်တွေကို သတိမထားမိလောက်အောင် ဖြစ်ရတယ်..

    မိဘတွေရဲ့ အိမ်ထောင်ရေးပဋိပက္ခတွေရဲ့ သားသမီးတွေအပေါ်ရိုက်ခတ်မှုတွေ..
    စိတ်ဒဏ်ရာတွေ..
    စိတ်ခံစားမှုအလျောက် တုံ့ပြန်ပုံကွာသွားပုံတွေ..

    သေလောက်အောင်အိမ်လွမ်းလို့ အိမ်ပြန်ခဲ့ပေမယ့် အိမ်ကကြိုဆိုပုံတွေကြောင့် ဝမ်းနည်းတယ်ဆိုတာထက် ပိုတဲ့ ခံစားချက်ကို ရတယ်..

    “အိမ်”လို့ လွယ်လွယ်သုံးနှုန်းမိကြပေမယ့်
    အိမျရဲ့ အဓိပ်ပါယျက ဘာလဲ..
    နေစရာနေရာ တခုသက်သက်လား..
    မိသားစုဝင်တွေရှိနေရင် အိမ်လား..
    မိသားစုအချင်းချင်းနွေးနွေးထွေးထွေးရှိနေမှ အိမ်လား..
    ကိုယ့်ကို ဂရုစိုက်ပေးမယ့်လူတစ်ယောက်ယောက်ရှိနေတဲ့နေရာက အိမ်လား..

    တင်မေအတွက်အိမ်ကို စဥ်းစားပေးလို့မရခဲ့ဘူး..။

    #နွမ်းလျအိမ်ပြန်
    #ကြည်အေး

  3. မအိမ့်အိမ့်ထူးအောင်

    #ကြည်အေး_နွမ်းလျအိမ်ပြန်

    ဆရာမကြီးကြည်အေးရဲ့ “ဤမာန” နဲ့
    ” မောင် ၊ ကိုကို နှင့် မြနန္ဒာ” စာအုပ်တို့ကိုဖတ်ပြီး ဆရာမရဲ့ fanစစ်စစ်တစ်ယောက်
    ဖြစ်လာခဲ့ပြီးနောက် အခု “နွမ်းလျအိမ်ပြန်”ဆိုတဲ့ စာအုပ်လေးကိုလည်း စိတ်ဝင်စားမှုအပြည့်နဲ့ ဖတ်ဖြစ်ခဲ့ပါတော့တယ်။ ဒီစာအုပ်လေးကတော့ ဖတ်ဖူးခဲ့တဲ့ ဆရာမရဲ့တခြားစာအုပ်တွေနဲ့မတူဘဲ မြန်မာဝတ္ထုတစ်ပုဒ်စစ်စစ်ရဲ့ အငွေ့အသက်ကိုလည်း ခံစားရစေသလို ဆယ်ယောက်တောင်မပြည့်တဲ့ ဇာတ်ကောင်တွေကလည်း လူ့လောကလူ့သဘာဝကြီးအကြောင်းကို နက်နက်နဲနဲ ပိုသိမြင်လာစေခဲ့ပါတယ်။

    ဝတ္ထုအစမှာ ချောင်းဆိုးသွေးပါ ရောဂါသည်
    “မတင်မေ”က သူမတို့ရဲ့ရွာအနီး မြရာကုန်း ချောင်းစပ်ကိုလာပြီး ရောဂါဆိုးရဲ့ဒဏ်ကို
    ကိုယ့်ကိုယ်ကိုယ် အဆုံးစီရင်ခြင်းဖြင့် အဆုံးသတ်ဖို့ စီစဥ်နေပုံနဲ့ ဇာတ်လမ်းကို အစပြုထားပါတယ်။ သူမရဲ့အသက်က အခုမှ ၁၉နှစ် ကျော်ခါစပါ…။

    “ကဲ…ဘယ်လောက်တောင် မွဲတဲ့ တင်မေလဲကွယ်” ဆိုတဲ့ တီးတိုးရေရွတ်သံလေးနဲ့
    မွေးကင်းစကနေ အခုအရွယ်ထိ ဖြတ်သန်းလာခဲ့ရသမျှ ၁၉နှစ်နဲ့လေးလ ကာလတာအတွင်းက ပစ္စည်းဥစ္စာကလွဲလို့ ချစ်ခြင်းမေတ္တာနဲ့ ကြင်နာယုယမှုကအစ အရာရာ မွဲတေခဲ့ရတဲ့ သူမရဲ့ ဘဝကံအကျိုးပေးမကောင်းပုံကို နာကျင်ကြေကွဲဖွယ် နောက်ကြောင်းပြန် တွေးတောနေရင်း ဒီဝတ္ထုတစ်ပုဒ်လုံးကို ဇာတ်အိမ်ခိုင်ခိုင် ဆွဲခေါ်လာခဲ့တော့တာပါပဲ။

    “တင်မေ”ဆိုတာ ဘယ်လိုမိန်းကလေးမျိုးလဲ…။ တင်မေဟာ သိပ်ကို သနားစရာပါ။
    လူမှန်းသိတတ်စအရွယ်တည်းက အဖြစ်နဲ့အပျက်မှာ အပျက်ကို ဦးစွာ တွေ့ကြုံခဲ့ရတဲ့သူ၊ အိမ်က စွန့်ပစ်ထားတာလား လွတ်လပ်မှုပေးထားတာလား မသဲကွဲလောက်အောင် မိဘတွေရဲ့ လျစ်လျူရှုခြင်း နဲ့ စိတ်ပိုင်းဆိုင်ရာနှိပ်စက်ခြင်းတွေကို ခံခဲ့ရတဲ့သူ၊ အဲ့ဒီမိဘတွေရဲ့ တစ်ချက်လွှတ် အစွန်းရောက်တဲ့ ဩဇာအာဏာတွေကို စိတ်နာစွာ အလွှမ်းမိုးမခံခဲ့တဲ့သူ၊ ငယ်ငယ်ရွယ်ရွယ်နဲ့ ကြီးကြီးကျယ်ကျယ်တွေ ခံစားခဲ့ရတဲ့အပြင် ကောင်းကောင်းမဆင်ခြင်နိုင်သေးခင်မှာ စာအုပ်တွေ အရမ်းဖတ်ခဲ့တော့ အရာရာကို အယုံအကြည်ကင်းမဲ့နေခဲ့တဲ့သူ၊ ဒီလို စိတ်ဒဏ်ရာတွေနဲ့ ရှင်သန်နေရတဲ့ ကောင်မလေးတစ်ယောက်ပါပဲ။ တင်မေ့အတွက်တော့ “#စိတ်ချမ်းသာခြင်းဆိုသည်မှာ လက်တွေ့နှင့်ကျတော့ ဖမ်း၍မမိသော စိတ်ကူးနှင့်လွမ်းသည့် စကားလုံးတစ်ခုပဲ”လို့ ယူဆထားရတဲ့ အရာမျိုးသက်သက်ရယ်ပါ…။ ဆရာမကြီး ကြည်အေးရဲ့ အရေးအသားတွေက ရိုးရိုးရှင်းရှင်းနဲ့ ထိမိလွန်းလှတော့ တင်မေ့အတွက် ခံစားပေးရတဲ့ ကျွန်မနှလုံးသားဟာလည်း သိပ်ကိုအထိနာလှပါတယ်…။

    (ဒီစာအုပ်လေးဖတ်ပြီး တင်မေ့နေရာကနေ ဝင်ခံစားမိတော့ ကိုယ့်ကို ချုပ်ချယ်တယ်လို့ တခါတလေ ယောင်မှားတွေးမိဖူးတဲ့ အိမ်ကကျွန်မမိဘတွေကို သွားသတိရမိတယ်။ နောက်ပြီး အခုအသက်အရွယ်ထိ ဘဝတစ်ခုလုံးကို လုံခြုံနွေးထွေးစေတဲ့ မေတ္တာဓာတ်တွေနဲ့ ဂရုစိုက်မှုတွေကို အပြည့်အဝ ပုံပေးထားကြတဲ့ ကျွန်မရဲ့မိသားစုကို ကျေးဇူးလည်းတင်မိသလို ကိုယ်ကိုယ်တိုင်ရဲ့ဖြစ်တည်မှုကိုလည်း အရှိအတိုင်း ကျေနပ်ရောင့်ရဲမိစေပါတယ်။)

    တင်မေဟာ ဘဝကို နေချင်သလိုနေခဲ့မိပေမယ့် သူမကိုယ်သူမတော့ ဘယ်လိုအနေအထား ရှိနေလဲဆိုတာ အမြဲသိနေတတ်သူပါ။ ဒါကြောင့်လည်း ” လူတွေနဲ့မတူတဲ့ သူမလိုလူတွေ ဖြစ်လာမှာစိုးလို့”ဆိုတဲ့ အတွေးနဲ့ သားသမီးမွေးဖို့ ငြင်းပယ်ခဲ့တာပေါ့။ ဒါကိုသေချာတွေးကြည့်ရင် တော်တော်ခံစားရပါတယ်။ တင်မေဟာ သူမမိဘတွေကြောင့် အရာရာချွတ်ခြုံကျခဲ့ရတဲ့ မိန်းကလေးတစ်ယောက်ဖြစ်ခဲ့ရပေမယ့် သူမကြောင့်တော့ နောက်ထပ်ကလေးငယ်တွေ အပြစ်မဲ့စွာနဲ့ သူမလို ထပ်မဖြစ်စေရမယ့်လမ်းကို ရွေးချယ်ခဲ့တာ ချီးကျူးမိပါတယ်။

    စာအုပ်လေးဖတ်ရင်း တင်မေ့အတွက် ရင်မောရပေမယ့် ဘဝတစ်လျှောက်လုံး တင်မေ့အနားမှာ ရှိနေပေးပြီး မှန်ကန်တဲ့ ဆုံးဖြတ်ချက်တွေကို မတိမ်းမစောင်း ချမှတ်နိုင်အောင် အသင့်တော်ဆုံး အကြံဉာဏ်တွေနဲ့ အားအင်တွေ ပေးခဲ့ပါသော ဆရာအောင်မင်းကိုတော့ ကျေးဇူးလည်းတင်ကာ ချီးလည်းချီးကျုးမိပါတယ်။ “#ဘဝကို ရယူတဲ့သဘောက လူတွေအားလုံးကို ပစ်ပယ်ပြီး မုန်းဖို့မဟုတ်ဘူးကွယ်၊ ရလာတဲ့ဘဝကို လက်ခံပြီး ကျေနပ်ပျော်ရွှင်နိုင်ဖို့ပဲ” ဆိုတဲ့ စကားကလည်း ဆရာအောင်မင်းပေးတဲ့ အကောင်းဆုံး အကြံဉာဏ်တွေထဲက တစ်ခုပေါ့…။

    “နွမ်းလျအိမ်ပြန်”ရဲ့ ဇာတ်သိမ်းပိုင်း (သို့)
    တင်မေ့ရဲ့ နောက်ဆုံးအိမ်ပြန်ချိန်ကလည်း သိပ်ကို ခံစားရခက်လှပါတယ်။ ဆိုးရွားလှတဲ့ ရောဂါဒဏ်ကို အံတုပြီး မြရာကုန်းချောင်းအထိ ခက်ခက်ခဲခဲ တွားသွားလာခဲ့ရတာ သုံးကြိမ်အထိ ရှိခဲ့ပြီဖြစ်တာတောင် သူမ ဘာကြောင့် ကိုယ့်ကိုယ်ကိုယ် သတ်မသေဖြစ်ခဲ့တာလဲ…။ တစ်သက်နဲ့တစ်ကိုယ် “အိမ်”လို့ မခံစားမိခဲ့တဲ့ မိဘတွေရှိရာနေရာကို ဘာကြောင့် စိတ်ပင်ပန်း နွမ်းလျလွန်းစွာနဲ့ အခါခါ ပြန်လာခဲ့ရတာလဲ။ ကျွန်မကတော့
    စာအုပ်လေးဖတ်ရင်း တင်မေ့ကို ထပ်မညှင်းဆဲစေချင်မိတော့ဘူး။ ဒီလို နွမ်းလျစွာ အိမ်ကို ပြန်လာဖြစ်ခဲ့ခြင်းရဲ့ အကျိုးဆက်တစ်ခုအနေနဲ့ သူမ လိုချင်တဲ့ မေတ္တာဓာတ်တွေကိုလည်း နောက်ဆုံးထွက်သက်မတိုင်မီလေးမှာ ရရှိကောင်း ရရှိသွားပါစေလို့ မဖြစ်နိုင်စွာ ဆုတောင်းပေးမိရင်း တင်မေ့ရဲ့ ဆွေးမြည့်ဖွယ် စကားလေးတစ်ခွန်းကို ကျွန်မနှုတ်ကနေ နောက်ဆုံးအနေနဲ့ ရေရွတ်မိပါရဲ့လေ…။

    “#မိဘဆီက သားသမီးတွေလိုချင်တာက ဖြုန်းဖို့ ကြွားဖို့ ရွှေ ငွေ မဟုတ်ပါဘူး။ ဂရုတစိုက်
    ကြင်နာတဲ့ မေတ္တာပါ ဆရာရယ်…”တဲ့။

    ဒီစာအုပ်လေးမှာ ဆရာမကြီးရဲ့ နက်နဲတဲ့ အတွေးအခေါ်အယူအဆတစ်ချို့ရယ်၊ ယောက်ျားတို့ရဲ့ စိတ်သဘာဝကို မှန်မှန်ကန်ကန် ချပြထားပုံရယ်၊ စာအုပ်တွေ အများကြီးဖတ်တဲ့သူတွေအနေနဲ့ စာအုပ်ထဲကရသမျှကို ကိုယ်ပိုင်အသိဉာဏ်နဲ့ ဆင်ခြင်ပြီးမှ လက်ခံသင့်ကြောင်း သင်ခန်းစာပေးထားပုံရယ် ဒါတွေကိုပါ တွေ့မြင်ရဦးမှာပါ။

    ကျွန်မကတော့ ဒီစာအုပ်လေးဖတ်ပြီး ဆရာမကြီးရဲ့ ပရိသတ်စစ်စစ်တစ်ယောက် လုံးဝ ဖြစ်သွားခဲ့ပါပြီ။ စာဖတ်သူတွေထဲမှာလည်း ဆရာမရဲ့ စာအုပ်တွေကို မဖတ်ဖူးသေးသူရှိရင် ဒီစာအုပ်လေးကနေ အရင်စဖတ်ကြည့်ပါ။ နောက်ပြီး ဆရာမရဲ့ အရေးအသားတွေက အနှစ်သာရရှိလှတဲ့အပြင် စာအုပ်ဈေးနှုန်းကလည်း သိပ်မများတော့ #series လိုက် ဝယ်ထားဖို့ ကောင်းတဲ့ စာအုပ်တွေချည်းပဲမို့ ဝယ်ဖတ်ကြည့်ကြဖို့ အကြံပေးတိုက်တွန်းလိုက်ပါတယ်။

    ကျေးဇူးတင်ပါတယ်ရှင်။
    .
    .
    .
    #ချစ်ခင်လေးစားစွာဖြင့်
    #အိမ့်
    Tue, Oct 13, 2020

  4. သက်ထူးအောင်

    မိဘတွေဖတ်သင့်တဲ့ စာအုပ်လေးတစ်အုပ်ပါ။ ချစ်ခြင်းမေတ္တာကိုအိမ်မှအစပြုပျိုးထောပေးရမယ်ဆိုတဲ့ အတွေးတွေရလာမှာပါ။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

ကြည်အေး စာအုပ်များ