Not-To-Be
S 1A
S 1B

ဆက်ရန်မရှိတော့ပါ

( 10 မှတ်ချက်)

4000 (ကျပ်)

အချစ်ဆိုတာ တောင်းတိုင်းရကောင်းသော အရာမဟုတ်ပေ။ တစ်စုံတစ်ယောက်ကို ကိုယ်က ဘယ်လောက်ပင်ချစ်ချစ်၊ သူကိုယ့်ကို ဆတူပြန်ချစ်လာဖို့ဆိုတာက မျှော်လင့်ရုံလောက်သာ တတ်နိုင်သည်။ သားသမီးပေါ်မှာပဲဖြစ်ဖြစ်၊ အိမ်ထောင်ဖက်ပေါ်မှာပဲဖြစ်ဖြစ်…. ချစ်ချင်သပဆိုလျှင် ကိုယ်… ချစ်နိုင်သမျှ ချစ်ပေးလိုက်ဖို့ပါပဲ။ သူတစ်ဘက်သားဆီက တုံ့ပြန်မှုရဖို့ဆိုတာက သူတို့ အလိုအတိုင်းသာလျှင် ဖြစ်၏။ မျှော်လင့်ချက်တွေ ထားနေရသမျှ ပင်ပန်းမှုတွေနှင့်သာ အဆုံးသတ်သွားရတတ်သည်… (စာအုပ်ကောက်နှုတ်ချက်လေး ဖြစ်ပါတယ်)

မွန်ဟော်စီရဲ့ လက်ရာ စာအုပ်ကောင်းတွေ နှစ်သက်စွဲလမ်းဖတ်ရှုသူတွေအတွက်တော့ အသစ်ထွက်စာအုပ်လေးက စာဖတ်သူရဲ့ နှလုံးသားကို ညွှတ်နူးသိမ်းပိုက်မယ့် ရသစာအုပ်ကောင်းလေးတစ်အုပ်ဆိုတာ သေချာလှပါတယ်….

စာမျက်နှာ

192
စာအုပ်အရွယ်အစား

5.3 x 0.5 x 8.1 inches
ပုံနှိပ်မှတ်တမ်း

ပန်းဆက်လမ်းစာပေ၊ 2020 ဖေဖော်ဝါရီလ (ပဉ္စမ-ကြိမ်)

49 in stock

Share

ဆက်ရန်မရှိတော့ပါ အား ဝေဖန်သုံးသပ်မှု 10 ရှိပါသည်။

  1. Shinmin Thadar –

    ဘဝ ဆိုတာ အမြဲတမ်း အစစ အရာရာ လိုလေသေးမရှိ ပြည့်စုံနေမှာ မဟုတ်ဘူးဆိုတာ ဒီစာအုပ်လေးဖတ်ပြီး သိခဲ့ရတယ်။ ပထမ ဘဝမှာ သိပ်ချစ်တဲ့ ဇနီးနဲ့ သမီလေးကို ဆုံးရှုံးခဲ့ပြီး ဒုတိယဘဝ မှာ ချစ်ခဲ့ ဖူးသူ မမ နဲ့ သမီးလေး သက် အပြင် ငွေကြေးဥစ္စာတွေ ပြည့်စုံ ခဲ့ပေမယ့် ဘဝဟာ ထင်ထားသလို ဖြောင့်ဖြူးမနေဘဲ မမမှာ မထင်မှတ်လောက်တဲ့ ရောဂါ ရှိမှန်းသိတဲ့ အခါ၊ ခပ်ဆိုးဆိုး သမီးလေး သက် ကလည်းဖခင် ရဲ့ စကားနားမထောင်သောအခါ
    စသည်ဖြင့် ကံကြမ္မာကို လှည့်ကွက်မျိုးစုံကို ဆရာမရဲ့ လွေ့ဆန်ဆန် ခပ်သွက်သွက် ရေးသားထားတဲ့ စာအုပ်ကောင်း လေးတစ်အုပ်ဖြစ်လို့ ဖတ်ရကျိုး နပ်ပါတယ်။??

  2. Mg Zin Min Aung –

    မိဘနဲ့သားသမီးကြားထဲက ပဋိပက္ခကို ပုံဖော်ရေးသားထားသောစာအုပ်လေးပါ အရမ်းဖတ်လို့ကောင်းသလို သင်ခန်းစာလဲရပါတယ်အများကြီး တကယ်ဖတ်ဖို့recomand ပေးချင်သောစာအုပ်လေးတစ်အုပ်ပါ ဖခင်နဲ့သမီးကြားထဲက ပြဿနာလေးတွေကိုဖော်ပြပေးထားပါတယ် ဖခင်ရဲ့မေတ္တာတွေကိုလဲတွေ့မြင်ရပါမှာ

  3. Sein Sein Hlaing –

    မေတ္တာ နဲ့ အချစ် ကို မြင်ရခွင့် ရခဲ့ပါတယ်။
    ကိုယ်တိုင်ထိတွေ့နေရသလို နင့်ခနဲ ဖြစ်ခဲ့ရလို့ အချစ် နဲ့ ပတ်သက်ပြီး.မျှော်လင့်တတ်တာတွေ လျော့ဖို့အတွေးလေးရခဲ့ပါတယ်။

  4. May Thingyan –

    ” ဆက်ရန်မရှိတော့ပါ “ဖတ်ပြီးနောက် ဘယ်လောက်ပဲ ပြည့်စုံ
    ပြည့်စုံ ကံကြမ္မာကိုတော့ လွန်ဆန်လို့မရဘူးဆိုတာ ဒီစာအုပ်လေးမှာ နားလည်ခဲ့ရတယ် ဇနီးနဲ့ သမီးလေးကို ဆုံးရှုံးမှုနဲ့အတူ ခြေထောက်တဖက်ပါ ဆုံးရှုံးရတဲ့ ချမ်းသာ၊ မမ နဲ့သမီး သက် ကို တွေ့ဆုံတဲ့ အခါ ချမ်းသာရဲ့ ပျော်ရွှင်မှု၊ မထင်မှတ်တဲ့ အချိန်မှာ မထင်မှတ်တာတွေ ဖြစ်တတ်တဲ့ ကံတရားရဲ့ ဆန်းကျယ်မှု၊ အချစ်သစ်တဖန် ပြန်လည်မွေးဖွားလာတဲ့အခါ သမီးသက်ရဲ့ ဆိုးသွမ်းမှုတွေ ခံစားလာရတဲ့အခါ၊ ချမ်းသာတယောက် ကံကြမ္မာဇာတ်ခုံအပေါ်မှာ အမျိုးမျိုး က ပြတာကို ဆရာမရဲ့ လက်ရာနဲ့အတူ တွေ့ရမဲ့ စာအုပ်လေးပါ

    ဆရာမ စာတွေအများကြီး ရေးနိုင်ပါစေ

  5. Mi Shweyee Win Htet –

    #ဆက်ရန်မရှိတော့ပါ📖
    #မွန်ဟော်စီ✍️

    *****************

    ဆရာမ မွန်ဟော်စီရဲ့ဆက်ရန်မရှိတော့ပါဆိုတဲ့ စာအုပ်ကို စစဖတ်တဲ့အခါမှာ ပုံမှန်ဝတ္ထုတစ်ခုလိုပဲ ထင်နေရပေမဲ့ ‌အလယ်ပိုင်းမှာ တစ်ထိုင်တည်းနဲ့ ဇာတ်ကောင်နောက်ကို လိုက်ပါသွားခဲ့တဲ့အထိ စွဲဆောင်သွားတယ်။

    ဆက်ရန်မရှိတော့ပါစာအုပ်ရဲ့ အရှေးအပိုင်းဆက်ဖြစ်တဲ့ ဆက်ရန်ရှိသေးတယ်စာအုပ်ကို ဖဖတ်ခဲ့ရပေမဲ့ ဖတ်ရတာ အဆက်အစပ်ရှိစေတယ်။ ဒါပေမဲ့ ဇာက်လမ်းဇာက်ကွက်ကိုတော့ မခန့်မှန်းတတ်ခဲ့ဘူး။
    ဆရာမရဲ့အရေးအသားက ခေတ်မှီစေတယ်လို့ပဲပြောရမှာလားပဲ။
    ဇာတ်လမ်းကိုဖတ်နေတာ နိုင်ငံခြားကား dramaကိုကြည့်နေရသလိုပဲ မျက်လုံးထဲမှာ ပေါ်စေတယ်။

    ဦးချမ်းသာသည် ဘဝမှာ ရှေးဆက်နိုင်ဖို့ ဆက်ရန်နိုင်သမျှအကောင်းဆုံး ရှေးဆက်သွားခဲ့တယ်။
    (ဘဝမှာဘာတွေပိုင်ဆိုင်သလဲဆိုတာအရေးမကြီး။ဘယ်သူနှင့်အတူရှိနေလဲဆိုတာကပိုပြီးအရေးကြီးသည်။ဘဝဆိုတာ ရှင်သန်နေထိုင်ဖို့သာဖြစ်တာမို့ နေခွင့်မကုန်ဆုံးသရွေ့ပျော်အောင်နေထိုင်သွာစဖို့က ကိုယ်တိုင်မှသာတာဝန်ရှိသည်။ Life is for Living.)
    ဘဝမှာချစ်မြတ်နိုးခဲ့ရတဲ့ သူတွေ လူ့လောက က‌နေတစ်ဖြည်းဖြည်း ထွက်ခွာသွားခဲ့ပေမဲ့ သူ့မှာ ချစ်ရဆုံးသမီးလေး သက်သီရီချမ်းသာကြောင့် ရှေးဆက်နိုင်ခဲ့တယ်။ငယ်ငယ်က psycho အရ စိတ်ဒဏ်ရာရခဲ့တဲ့ သမီးလေးသက်ဟာ ဆိုးသွမ်းခဲ့ရတယ်၊ဖအေအပေါ်ကို မကျေမနပ်မှုတွေနဲ့ဆက်ဆံခဲ့တယ်။ဒီအပိုင်းကနေ ဆရာမသည် psychologyအရလည်း ရင်းနှီးနေတယ်။ဒါကြောင့်လည်း ဆရာမရဲ့အရေးအသားတွေဟာ အထက်စီးဆန်တယ်လို့ပဲ ပြောရမှာပါ။(ကျွန်မရဲ့သဘောထားသက်သက်သာဖြစ်ပါသည်။)

    သို့သော် ဦးချမ်းသာဟာ အဖေတစ်ယောက်အနေနဲ့ ဖခင်မေတ္တာအပြည့်နဲ့ သမီးလေးသက်ကို အဆုံးထိဆက်ချစ်နိုင်ခဲ့တယ်။
    ဖခင်ဖြစ်သူ ဦးချမ်းသာဟာ သမီးလေးသက်အပေါ်ကို ဘယ်လောက်ထိချစ်နိုင်ခဲ့သလဲဆိုတာ သမီးလေးသက်ရဲ့”Daddy,help me”ဆိုတဲ့စာတစ်ကြောင်းကြောင့် ခြေတောက်တစ်ဖက်ပြတ်နေတဲ့ကြားထဲကနေ ခြေတောက်အတုတပ်ဆင်ပြီး မြန်မာနိုင်ငံကနေ အမေရိကန်သို့ရောက်အောင်သွားခဲ့ပြီး ဒုက္ခနွံထဲရောက်နေတဲ့ သမီးလေးကို အစွမ်းကုန် ကူညီပြီးကယ်တင်ပေးခဲ့တယ်။
    (“အချစ်ဆိုတာတောင်းတိုင်းရကောင်းသောအရာမဟုတ်၊တစ်စုံတစ်ယောက်ကို ကိုယ်က ဘယ်လောက်ပဲချစ်ချစ် သူ့ကိုယ်ကို ဆတူပြန်ချစ်လာဖို့ဆိုတာမျှော်လင့်ရုံလောက်သာတတ်နိုင်တာမျိုး။သားသမီးအပေါ်မှာပဲဖြစ်ဖြစ်၊အိမ်ထောင်ဖက်ချစ်သူရည်စားအပေါ်မှာပဲဖြစ်ဖြစ် ချစ်ချင်သပဆိုလျှင် ကိုယ်ချစ်နိုင်သမျှ ချစ်ပေးလိုက်ဖို့သာပါပဲ”)

    သမီးလေးသက်ကို မြန်မာနိုင်ငံသို့ခေါ်သွားဖို့ရအောင် ခေါ်ပြန်ခဲ့ပေမဲ့ သံယောဇဉ်ပြတ်နိုင်လောက်အောင် အဖေနဲ့သားလေးဂျူနီယာကို ထားခဲပြီး နောက်ဆုံးလေဆိပ်မှာ ထွက်ခွာသွားရလောက်တဲ့အကြောင်းရင်းကဘာများလဲဆိုတာကိုဆက်ပြီးသိချင်တယ်။ပြီးတော့ ဖခင်တစ်ယောက်ကို ဒီလောက်ထိ စိတ်နာကြင်မှုတွေကိုစိတ်ဆင်းရဲမှုတွေကိုပေးခဲ့ပေမဲ့ ဦးချမ်းသာအတွက်ကတော့
    “ကိုယ်..ဘယ်လောက်ပဲဝမ်းနည်းကြေကွဲနေပါစေ၊ဆုံးရှုံးမှုတွေတွေ့ကြုံနေပါစေ၊မိမိရဲ့ဆွေ့မြေ့နာကျင်မှုအတွက် ကမ္ဘာလောကကြီးကတော့ ရပ်တန့်မသွားပါ၊အရာအားလုံးသည် ပုံမှန်လည်ပတ်နေပါလိမ့်မည်။ကိုယ်မပါလျှင် မပြီးတဲ့ကိစ္စဆိုတာ ဘယ်တော့အခါမှ မရှိ”
    ဒီဇာတ်ဝင်ခန်းနေရာကိုဖတ်ပြီး ဒီကမ္ဘာပေါ်မှာရှိတဲ့
    ဖခင်တိုင်းကိုလည်း ဦးချမ်းသာလို ရှေးဆက်သွားစေချင်တယ်။ သားသမီးဘက်က ကိုယ့်ကို သံယောဇဉ်ပြတ်သားနိုင်လို့ ကိုယ့်ကိုနာကျင်စေခဲ့လျှင် အဖေတစ်ယောက်အနေနဲ့လည်း ကိုယ်မပါရင် မပြီးတဲ့ကိစ္စတွေဟာ ရှိလာမှာမဟုတ်ဘူးလို့တွေးစေချင်တယ်။ ဘဝမှာ သူ့ရွေးချယ်မှုနဲ့သူပဲဆိုပေမဲ့ ဖခင်တစ်ယောက်အနေနဲ့ အစွမ်းကုန်ကြိုးစားပေးခဲ့ပြီးပြီး။ ဒီလောက်ဒီမျှနဲ့ပဲ ကိုယ့်အတွက်အပဲ ရှေးဆက်စေချင်တယ်။

    ဒီစာအုပ်ဟာဆိုရင် hollywood dramaလိုမျိုးဖတ်ရတာ အသစ်အဆန်းတွေနဲ့ပြည့်နှက်နေတဲ့အပြင် အမေရိကန်လူမျိုးစုတစ်စုဖြစ်တဲ့ Amish အကြောင်းတွေကို ဗဟုသုတအနေနဲ့ အများကြီးသိခဲ့ရပါတယ်။ မမနဲ့ဦးချမ်းသာတို့ရဲ့ အိမ်ပြာတော်မှာ ပျော်ရွှင်ခဲ့ရတဲ့အပိုင်းလေးကိုဖတ်ရတာအမေရိကန်ကို ရောက်သွားသလိုမျိုးပါပဲခံစားရတယ်။

    ဘာသာရေးအရ စာဖတ်သူတွေကို သတိပေးချင်တဲ့ စာရေးဆရာရဲ့မေတ္တာကိုလည်းတွေ့ရှိခဲ့ရပါတယ်။ ဘဝမှာ ဘယ်လောက်ပဲပြည့်စုံနေပါစေ နောက်ဆုံး မသေခင်အချိန်လေးမှာ သားစွဲသမီးစွဲ၊ဥစ္စာစွဲ တွေစတဲ့ အစွဲတွေကို နောက်ဆုံးအချိန်မှာ အကုန်လွှတ်ချပေးရမယ်။
    မမလို ချမ်းသာပြည့်ဝနေတဲ့သူမအတွက်တကတော့ သူမဆန္ဒအတိုင်းနောက်ဆုံးအချိန်လေးမှာ အေးအေးချမ်းချမ်းလေးနဲ့
    တရားမှတ်ပြီး ထွက်ခွာခဲ့ရပါပြီး။သူမဖြစ်စေချင်တဲ့အတိုင်း နောက်ထပ် ဘဝသံသရာတွေမှာ ထပ်ပြီး ဆက်ရန်မရှိတော့ပါဘူး။
    ဒီစာအုပ်ကိုဖတ်ပြီး ကိုယ့်ရဲ့မိဘတွေကိုလည်း နောက်ထပ်ဘဝသံသရာတွေကို ဆက်ရန်မရှိစေချင်ဘူး။ ဖြစ်နိုင်ရင် သံယောဇဉ်ကြိုးတွေကိုထပ်ပြီး မရစ်ပတ်စေချင်တော့ပါဘူး။(ဒါဟာ ဒီစာအုပ်ကို ဖတ်ပြီး ရရှိလာတဲ့ ရသတွေကြောင့် ကိုယ့်မိဘတွေကို အမှတ်ရမိစေတယ်။)

    ဦးချမ်းသာ သည် အရမ်းချစ်ရတဲ့ ဇနီးဖြစ်သူမမ က သူ့ကို မသေခင်အချိန်လေးမှာ ပြောလာတဲ့စကားတွေကို အမှတ်ရလာ‌ပြီး ချက်ချင်ပင် ဆက်ရန်မလိုတဲ့ ဘဝကို မမလိုပဲ ဦးချမ်းသာ ကြိုစားဖို့ ဆန္ဒရှိလာခဲ့တယ်။သို့သော် နောက်ဆုံးအပိုင်းမှာ စာဖတ်သူတွေ မျှော်လင့်ထားသလို မဖြစ်လာခဲ့ရတဲ့ ဦးချမ်းသာရဲ့ဇာတ်သိမ်းကိုဖတ်ရပြီး ရင်နင့်နေအောင် ခံစားခဲ့ရတယ်။ဦးချမ်းသာကိုဖြစ်နိုင်ရင် မသေစေချင်သေးဘူး။သမီးလေးသက်နဲ့မြေးလေးနဲ့ ‌ နှလုံးသားအသစ်ကိုဖန်တီးပေးခဲ့တဲ့ချစ်ရတဲ့အမျိုးသမီး မီ နဲ့ ၊မွေးစားသား စိုင်းစိုင်းတို့နဲ့အတူ ပျော်ရွှင်တဲ့ဘဝကို ဖြတ်သန်းစေချင်တယ်။ ဒါဟာ ကျွန်မရဲ့ ဖြစ်စေချင်တဲ့ဆန္ဒပေါ့။ ဒါပေမဲ့ ဆရာမ မတူကွဲပြားတဲ့ အတွေးတွေနဲ့ ဆက်ရန်ရှိသေးတယ်လို့ ထင်တယ်။ ဒါကြောင့် ဒီလိုဇာတ်သိမ်းထားတာဖြစ်မယ်။

    ဦးချမ်းသာရဲ့ဘဝကတော့ ဆက်ရန်မရှိတော့ပေမဲ့ သက်သီရိချမ်းသာရဲ့အကြောင်းကို တော့ ဦးချမ်းသာကိုသနားတော့အားဖြင့်အဖေ့အပေါ်ကိုနားလည်ခွင့်လွတ်ပေးပြီး ဦးချမ်းသာဖြစ်စေချင်တဲ့လိမ္မာတဲ့သမီးလေးတစ်ယောက်အနေနဲ့ ဆက်ရန်ရှိစေချင်တယ်။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

မွန်ဟော်စီ စာအုပ်များ