ကျွန်တော်ချစ်တဲ့နိုင်ငံရေး

တကယ်တော့ နိုင်ငံရေးဆိုတာ မွန်မြတ်ပါသည် အများကောင်းစားရေး ပရဟိတလုပ်ငန်းအစစ်ဖြစ်ပါသည် ထိုအထဲတွင် ကိုယ်ကျိုးရှာသမားတွေ​ကြောင့် နိုင်ငံရေး နာမည်ပျက်ရသည်။ ကိုယ့်ဝါဒ ကိုယ့်ပါတီသာ မှန်သည် ကျန်တာတွေ မှားသည်ဆိုသော ဂိုးဏ်းဂဏစွဲတွေကြောင့် ညီညွတ်ရေးလည်းပြိုကွဲ ၊ တိုင်းပြည်လည်းနစ်နာခဲ့ရသည်။ ယခု ကျွန်တော်အသက် (၈၂) နှစ်ရှိပြီ နိုင်ငံရေးကို ချစ်နေဆဲ အဘိုးအိုကြီးတစ်ယောက်အနေဖြင့် တိုင်းပြည်အတွက် ကျွန်တော်နိုင်ငံရေးမလုပ်နိုင်တော့ပြီ သို့သော်လည်း ကျွန်တော်လုပ်နိုင်သေးတာလေးတော့ ရှိပါသေးသည် အဲဒါကတော့ ကျွန်တော်၏နိုင်ငံရေးတွေးထင်ချက် နိုင်ငံရေးအမြင်များကို မျိုးဆက်သစ်လူငယ်တွေ လေ့လာနိုင်ရန် မှီငြမ်းပြုရန် စာဖြင့်ရေးသားထုတ်ဝေခြင်း ဟောပြောပို့ချခြင်းများဖြစ်သည် ထိုအလုပ်နှစ်ခုကိုတော့ ကျွန်တော်လုပ်နေဆဲပါ မျှော်လင့်ချက်ကတော့ များများစားစားမဟုတ်ပါ နိုင်ငံရေးအတွေးအမြင် တစ်စုံတစ်ရာရကြလျှင် ကျွန်တော်၏ ကြိုးပမ်းချက်သည် အချည်းနှီးမဟုတ်တော့ပါ…။