ငယ်
3000 (ကျပ်)
တကယ်တော့ ငယ်က သူ့အကြောင်းစာရေးမယ်ဆိုတော့ သိပ်မကြိုက်လှဘူး။ ယေဘုယျဆန်ဆန်ပဲ ရေးပါမယ်ဆိုပြီး ကတိကဝတ်နဲ့ ဒီစာအုပ်ကိုရေးခဲ့ရတာ။ ဒီစာအုပ်ကိုဖတ်တဲ့အခါ ကျွန်တော့ငယ်က ဘယ်သူလဲဆိုတာထက် ကျွန်တော်နဲ့ငယ်ကို ဖယ်ထားပြီး ခင်ဗျားတို့ဘ၀မှာအမြဲအမှတ်တရရှိနေခဲ့တဲ့ တစ်စုံတစ်ယောက်ကိုသာ အစားထိုးပြီး ဖတ်ပေးကြဖို့ မေတ္တာရပ်ခံချင်ပါတယ်။
စာအုပ်အမှာစာပါ ကောက်နှုတ်ချက်
| စာမျက်နှာ | 119 |
|---|---|
| စာအုပ်အရွယ်အစား | 5.4 x 0.3 x 8.3 inches |
| ပုံနှိပ်မှတ်တမ်း | ACADEMIC စာပေ၊ 2022 မတ်လ (တတိယအကြိမ်) |
| စျေးနှုန်းအပြောင်းအလဲ | 1.5.2022 နေ့မှစတင်၍ မူရင်းထုတ်ဝေတိုက်မှ ကျပ် 3000 စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။ |
14 in stock (can be backordered)
ရိုးပြေပြစ်အောင် စာအုပ်များ
-
ရိုးပြေပြစ်အောင်ငယ်
3000 (ကျပ်)
လဲ့လဲ့ဝင်း –
စာပေဖွဲ့စည်းပုံဆန်းသစ်မှုရှိတဲ့အပြင် ကိုယ်ပိုင်ဟန်ကိုယ်ပိုင်ခံစားချက်ကိုရှင်းလင်းလွယ်ကူသောရေးဟန်ဖြင့်တင်ပြထားသဖြင့်ပရိသတ်ထံသို့ ဆန်းသစ်ကျော့ရှင်းသော ခံစားချက်ကို မျှဝေနိုင်သော ရသတန်ဖိုးရှိသည့်စာအုပ်ဖြစ်ပါတယ်။ စာဖတ်သူအနေနဲ့ ဇာတ်ကောင်နှစ်ဦးထံမှ မိမိပင်ကိုယ်တန်ဖိုးထားမှုကိုထိန်းသိမ်းစောင့်ရှောက်ရင်း ခိုင်မာတဲ့ဆက်ဆံရေးတစ်ခုကို ညှိနှိုင်းတည်ဆောက်သွားပုံကို အတွေးအမြင်သစ်တစ်ခုအဖြစ်ရယူနိုင်ပါတယ်။
Phoo Wai –
ချစ်ခြင်းမေတ္တာတွေဟာနားလည်မှုတွေနဲ့ထုံမွှန်းထားတယ်ဆိုရင်ဘဝတွေကကြည်နူးပီတိဖြစ်ရပါတယ်။ကိုယ့်ဘဝထဲကတန်ဖိုးထားရတဲ့ရတနာတစ်ခုလိုမြတ်နိုးတွယ်တာရတဲ့ကိုယ့်ချစ်သူအကြောင်းလေးပုံဖော်ထားကာ ထူးချွန်တဲ့အချစ် တွေကိုပုံဖော်ကြတဲ့ချစ်သူနှစ်ယောက်အကြောင်း —ဖတ်နေရင်းရသမျိုးစုံရစေခဲ့သော ရိုးပြေပြစ်အောင် ရဲ့ ငယ်
Shwe Zin Aung –
နားလည်မှုဆိုတာဘာလဲဆိုတာကိုလှလှပပရေးဖွဲ့ထားတာတွေ့ရပါတယ်..
“အဲ့လိုမျိုးလေးလည်းအချစ်ခံချင်မိတယ်”
လို့တွေးမိခဲ့တယ်
ဖတ်နေရင်းနဲ့ကိုင်တိုင်ကြုံတွေ့ရသလိုမျိုးခံစားမိတယ်
နောက်ထပ်အသစ်တွေလည်းထပ်ပြီးစောင့်နေပါတယ်
ကိုယ်ကတော့ရှင်းတယ်နော့
တစ်ယောက်ထဲကိုပဲအကြာကြီးချစ်ချင်တယ်
အပျော်တွဲကြည့်မယ်ဆိုတဲ့စိတ်နဲနဲလေးမှမရှိဘူး
ဘဝကိုအပေါစားဆန်ဆန်မဖြတ်သန်းချင်ဘူး
ကိုယ့်ရဲ့ဖြစ်တည်မှုတိုင်းကိုလက်ခံနားလည်ပေးတဲ့
သူမျိုးကိုပဲရွေးချယ်ချင်တယ်
ကိုယ်ကိုယ်တိုင်လည်းနားလည်မှာပေးမယ်
ချစ်ပြီဆိုလည်းမြဲချင်တယ်
အဆုံးထိတူတူသွားချင်တယ်
သူရောကိုယ်ပါစိတ်ချမ်းသာပျော်ရွှင်စေတဲ့အရာမျိုးပဲရွေးချယ်မယ်
အမြဲတမ်း အနိုင်ရလိုစိတ်မရှိဘူး
သေချာတာကတော့
ဘယ်လိုအခြေအနေတွေပဲဖစ်ဖစ်ကိုယ်ကိုယုံကြည်နားလည်
ပေးနိုင်တဲ့သူမျိုးပေါ့………..
#ß / æ#..
Yu Za Na –
ငယ်
💜💜
နာမည်လေးက ငယ် တဲ့။
သိပ်ချစ်စရာကောင်းပြီး သိပ်နူးညံ့တဲ့ နာမည်လေး။
စာရေးသူက ” ရိုးပြေပြစ်အောင်” တဲ့
စာရေးသူကပြောတယ်။
“ဒီစာအုပ်လေးကို ဖတ်ပြီးတဲ့အခါ ဘယ်လို ဗဟုသုတတွေ၊ မက်ဆေ့ချ်တွေ ရသွားမယ်လို့ အာမ မခံနိုင်ပေမယ့် ခင်ဗျားတို့စိတ်ထဲမှာ ကြည်နူးပီတိဖြစ်သွားရမယ် ဆိုတာတော့ သေချာပါတယ်” တဲ့။
တကယ်ကို ဟုတ်တယ်။ စာအုပ်လေးကို ဖတ်နေရင်းနဲ့ တစိမ့်စိမ့်ကြည်နူးနေမိတာ။ နှုတ်ခမ်းလေးကွေးပြီးပြုံးနေမိတာ။ သိပ်ကို ကြည်နူးရတယ်။ နားလည်မှုအပြည့်နဲ့ အေးမြတဲ့ ချစ်ခြင်းလေးက ဒီလိုပါလား ဆိုပြီးလေ။
တစ်အုပ်လုံးဖတ်အပြီးမှာ စာရေးသူကို သိပ်ပြီး ချီးကျူးမိတာပဲ။
ရေးတဲ့သူနေရာမှာ ကိုယ်သာဆိုရင်ဆိုတဲ့ စိတ်နဲ့ သက်ပြင်းတွေ
အကြိမ်ကြိမ်ချရ မျက်ရည်ဝဲရတဲ့အထိ မွန်းကြပ်နေမိတာကိုး။
ကိုယ့်ရဲ့ချစ်ခြင်းတွေ၊ ကိုယ့်ရဲ့ ဖြစ်တည်မှုတွေက သူတစ်ပါးကို ဂရုစိုက်ဆင်ခြင်ပေးနေရတဲ့အခြေအနေကို ကိုယ်လည်း သိပ်မုန်းမိတာပါပဲ။
ဒါပေမယ့် အဲ့ဒီ့စိတ်ကို ဖြေဖျောက် ကုစားပေးနိုင်တဲ့ ငယ့် ရဲ့ ချစ်ခြင်းကိုလည်း လေးစားမိရပြန်ရော။
ချစ်တဲ့သူရဲ့ စိတ်ကိုနားလည်မှုပေးတတ်တာ၊ ပြဿနာတစ်ခုကို ကျေလည်အောင်ဖြေရှင်းစေတာ၊ ချစ်သူကိုအရိပ်တကြည့်နဲ့ချစ်ပေးတတ်တာလေးတွေ၊ အသေးအဖွဲကအစ ဂရုစိုက်တတ်တာလေးတွေကအစ ပြောပြလို့မကုန်နိုင်ပါဘူး။
နှစ်ယောက်သား စကားပြောပုံလေးတွေကအစ သိပ်ချစ်ဖို့ကောင်းတာပါပဲ။
အကြိုက်ဆုံးကတော့ ငယ် က ရိုးကို မေးတဲ့ မေးခွန်းလေးနဲ့ အဖြေပါပဲ။
“ငယ်” က” ရိုး” ကို မေးတယ်။” ငယ့်ကို ဘာလို့ ချစ်တာလဲ” တဲ့။
“ရိုး” က ဖြေတယ်။
“ငယ့် ကို ကျပ် ပြည့် လို့ ချစ်တာပါ “တဲ့ လေ။
ဖတ်ပြီး ကိုယ့်မှာ ရုတ်တရက်တော့ ရယ်မိတယ်။
တကယ်သေချာတွေးကြည့်တော့ အဖြေက တကယ်ကိုပညာသားပါတယ်နော်။ တွေးကြည့်လေလေ မှန်လေလေပဲရှင့်။
Now & Ever ကြည့်ပြီးတဲ့ အခါ ” ငယ်” က ” ရိုး “ကို ဆေးစစ်ခိုင်းတဲ့ အကြောင်းလေးဖတ်ပြီးတော့လည်း ကြည်နူးရသလို၊ မျက်ရည်လည်းဝဲရပြန်ရော။ သိပ်ကို ချစ်တတ်ကြလွန်းတာ အံ့သြကြည်နူးရပါတယ်။
နောက်ထပ် နောက်ထပ်တွေလည်း ပြောပြရင် မကုန်နိုင်သေးဘူးရှင့်။ “ငယ် နဲ့ ရိုး “တို့ရဲ့ ထူးချွန်တဲ့ ချစ်ခြင်းလေးတွေက စာဖတ်သူကို ကြည်နူးရစေသလို၊ ကိုယ်သာဆိုရင်ကော ဘယ်လိုထူးချွန်တဲ့ ချစ်ခြင်းတွေ နဲ့ ဘယ်လို နားလည်မှုတွေရှိသင့်တယ်ဆိုပြီးလည်း အသိဝင်စေတယ်။
စာရေးသူက ရေးထားသလို ” ဒီစာအုပ်ဖတ်လိုက်လို့ ဘာရသွားမယ်ဆိုတာမျိုးမရှိဘူး”ဆိုတာ မဟုတ်ပါဘူး။
ဒီစာအုပ်ဖတ်ပြီး စိတ်ခံစားချက်မျိုးစုံ ၊အတွေးမျိုးစုံ ရတယ်။
ထူးချွန်တဲ့ ချစ်ခြင်းတွေကိုလည်း လေးစားမိရပါတယ်…….