မြန်မာသည်အာရှ၏ ဂိမ်းချိန်ဂျာလော

ကိုသန်းမြင့်ဦး၏စာအုပ်သည် 2011 ခုနှစ်၊ နှစ်ကုန်ပိုင်းလောက်တွင် ထုတ်ဝေခဲ့သည်ဖြစ်၍ အချက်အလက်အချို့အနေနှင့် (ဥပမာ – မြစ်ဆုံစီမံကိန်း)နောက်ကျန်နေခဲ့ပြီဖြစ်သော်လည်း ရှာဖွေဖော်ထုတ်ထားသော သမိုင်းနှင့်မှန်းဆ၍ချပြထားသော မြန်မာနိုင်ငံ၏ အနာဂတ်ဖြစ်တန်ရာချေတို့သည်ကား တန်ဖိုးကြီးလှသည်။ မြန်မာတို့ အထူးဂရုပြု၍ နှလုံးသွင်းဆင်ခြင်သင့်လှသည်။ တစ်နည်းအားဖြင့် “မြေမြိုလို့ လူမျိုးနမတုံး၊ လူမြိုမှ လူမျိုးတုံးမည့်”  ဘေးအန္တရာယ်ဆိုးကြီးကို သတိပေးလိုက်သော စာအုပ်ဟုဆိုချင်သည်။ ကိုသန်းမြင့်ဦး၏ အဆိုအရ မြန်မာတို့ပိုင်ဆိုင်လေသမျှ အဖိုးတန်ဥစ္စာပစ္စည်းတို့အနက် နေရာ (where china meets india)သည် အဖိုးတကာ့ အဖိုးထိုက်ဆုံးဖြစ်သည်။ စီးပွားရေးစကားနှင့်ဆိုရသော် စျေးကွက်ကျသည့် နေရာကောင်းတစ်နေရာကို ပိုင်ဆိုင်ထားခြင်းဖြစ်သည်။ သို့ပေမဲ့ ထိုနေရာကို ဗမာတွေ သုံးတတ်လျှင် တစ်ပြည်လုံး ရွှေအတိလွှမ်းသွားနိုင်သော်လည်း မသုံးတတ်လျှင်မူ……….။

(ဆရာနိုင်ဦး၏ အမှာစာမှ ကောက်နှုတ်ချက်)