တစ်ခါကမြန်မာ့နွေဦး

တစ်ခုသော နွေဦးကာလမှာ ဂျပန်ပြည်ကနာမည်ကြီး ဂျာနယ်လစ် တာကာယူကီ ကာဆူဂါတစ်ယောက် မြန်မာပြည်ကို အလည်လာပြီးတဲ့နောက်မှာ မြန်မာ့နွေဦးအကြောင်း ခရီးသွားဆောင်းပါးတွေကို ဂျပန်နိုင်ငံကနာမည်ကြီးသတင်းစာတစ်စောင်ဖြစ်တဲ့ မိုင်နိချိ(Mainichi)သတင်းစာမှာ အခန်းဆက်ရေးသားခဲ့ပါတယ်။ သူ့ဆောင်းပါးတွေရဲ့ ခေါင်းစဉ်ကို “မြန်မာပြည်မှာ တစ်ခုသော နွေရာသီ” လို့ နာမည်ပေးထားပြီး ဂျပန်သတင်းထောက်တစ်ဦးရဲ့မှတ်စုများ လို့လည်း ဆိုပါတယ်။ ဆောင်းပါးတွေက မြန်မာပြည်ရဲ့ နိုင်ငံရေးနောက်ခံ၊မြန်မာလူမျိုးတွေရဲ့ ဓလေ့စရိုက်တွေ၊ မြန်မာတွေရဲ့ဘာသာရေးယုံကြည်မှု၊ လူမှုရေးအပြောင်းအလဲတွေအပေါ် ဂျပန်လူမျိုးတစ်ယောက်ရဲ့ အမြင်၊သတင်းထောက်တစ်ဦးရဲ့ ရှုထောင့်ကနေ ရေးသားထားတာ ဖြစ်ပါတယ်။