မြန်မာ့သမိုင်းဆိုင်ရာဖတ်ညွှန်း ၁၁၁

ဆရာဖိုးအောင်လေးပြုစုလိုက်တဲ့ “မြန်မာ့သမိုင်းဆိုင်ရာ ဖတ်ညွှန်း ၁၁၁” ဟာ စာဖတ်သူတွေအတွက်သာမက စာကြည့်တိုက်တိုင်းမှာ ရှိသင့်တဲ့၊ စာကြည့်တိုက်မှူးများ လက်စွဲထားရမယ့် ရည်ညွှန်းစာအုပ်တစ်အုပ်ပါ။ စာကြည့်တိုက်မှူးတွေ စာကြည့်တိုက်မှာ မြန်မာ့သမိုင်းဆိုင်ရာစာအုပ်တွေ စုဆောင်းတဲ့လုပ်ငန်း၊ စာကြည့်တိုက် ဝေါဟာရနဲ့ ပြောရရင် Collection Development စာကြည့်တိုက်မှာ စာဖတ်သူသိလိုတဲ့ မြန်မာ့သမိုင်းဆိုင်ရာ အချက်အလက်၊ အကြောင်းအရာ ထောက်ပံ့ပေးတဲ့လုပ်ငန်း Reader Advisory Service မှာ လက်စွဲသုံးရမယ့် ရည်ညွှန်းစာအုပ်တစ်အုပ် (Reference Book) ဖြစ်နေပါတယ်။

– မောင်ဇေယျာ၏ အမှာစာမှ ကောက်နှုတ်ဖော်ပြချက်

ဤစာအုပ်သည် စာပေဝေဖန်ရေး ၊စာအုပ်ဝေဖန်ချက် စာအုပ်မဟုတ်ပါ သမိုင်းဆိုင်ရာ စာအုပ်များစွာထဲမှ ဖတ်စေချင်၊ သိစေချင်သော စာအုပ်များကို ရွေးထုတ်ညွှန်းဆိုထားခြင်းသာ ဖြစ်ပါသည်။ ဤစာအုပ်တွင်မပါသော သမိုင်းဆိုင်ရာ စာအုပ်များလည်းအများအပြား ကျန်ရှိနေပါသေးသည်။ ယင်းစာအုပ်များသည်လည်း လေ့လာလိုသူများအတွက် အသုံးတည့်ကြမည်သာဖြစ်ပါသည်။ နေရာမပေးနိုင်၍ ကျန်ရှိခဲ့ရခြင်းသာဖြစ်ပါသည် ထို့အတွက် စာအုပ်တချို့ကို ဖြည့်စွက်လေ့လာ ဖတ်ရှုသင့်သော စာအုပ်များအဖြစ် နောက်ဆက်တွဲတွင် အမည်ဖော်ပြပေးထားပါသည်…။