မနက်စာ… အာဟာရ (၁)

( 8 မှတ်ချက်)

4000 (ကျပ်)

မိမိအတွေးနဲ့ စိတ်ဝိညာဉ်ကို အားအင်ပြည့်လတ်ဆတ်နေပြီး နေ့တစ်နေ့တာချင်းစီကို အကောင်းမွန်ဆုံး နိုးထဖြတ်သန်းနိုင်ဖို့ စိတ်ခွန်အားပေးမယ့် စာအုပ်လေးဖြစ်ပါတယ်။ ခန္ဓာကိုယ်အတွက် အာဟာရလိုအပ်သလို … စိတ်ဝိညာဉ် ရှင်းသန့်ကြည့်လင်ဖို့၊ အတွေးအခေါ် အင်အားကောင်းဖို့ မိမိရဲ့ စိတ်နှလုံး ဦးနှောက်မှာ အာဟာရလိုပါတယ်။

ဆရာမရဲ့ စာချစ်သူတွေ မနက်ခင်း နိုးထလာတဲ့အခါတိုင်း.. စိတ်ကြည်လင်အေးချမ်းစွာ..
ဖတ်​ကြရတဲ့..Morning Vitamins ဆိုတဲ့ မနက်စာ အာဟာရ စာစုများကို ပထမဆုံး နံပါတ်တစ် စာအုပ်အနေနဲ့ ထုတ်ဝေလိုက်ခြင်းပဲ ဖြစ်ပါတယ်။

စာမျက်နှာ

128

စာအုပ်အရွယ်အစား

5.4 × 0.4 × 8.2 inches

ပုံနှိပ်မှတ်တမ်း

ပန်းဆက်လမ်းစာပေ၊ ဒီဇင်ဘာလ (ပ-ကြိမ်)

မနက်စာ… အာဟာရ (၁) အား ဝေဖန်သုံးသပ်မှု 8 ရှိပါသည်။

  1. Su La Pyae Tun (verified owner)

    မနက်စာ အာဟာရ(၁)
    (မွန်ဟော်စီ)

    ပေါ့ပေါ့ပါးပါးနဲ့ ခေါင်းထဲတွေးစရာတွေ ကျန်ခဲ့အောင်ထည့်ပေးနိုင်တယ့် စာအုပ်လေးလို့ပြောရမယ်။
    ရေးထားတာအများစုက ကိုယ်သာသူ့နေရာမှာဆိုရင် စိတ်နဲ့ ရေးထားတယ်လို့ ခံစားရတယ်။

    ဒီစာအုပ်ထဲက ကြိုက်မိတဲ့ ခေါင်းစဥ်တချို့က
    သတိနဲ့ နိုးထပါ။
    အချိုပွဲလေး အရင်စားပါ။
    ကိုယ်ပိုင်စည်းကမ်း
    စိတ်ရဲ့ခလုတ်
    မအိပ်ခင်မှာ … စတဲ့ ခေါင်းစဥ်လေးတွေဖြစ်ပါတယ်။
    အသိနဲ့ နိုးထသလို လုပ်ဆောင်မှုတိုင်း သတိလေးနဲ့ နေသင့်တာလေး အမှတ်ရမိသလို ပစ္စုန်ပ္ပန်မှာနေထိုင်ဖို့ကို မမေ့ခင် ပြန်ဖတ်လိုက်ရသလိုမို့ သဘောကျရပါတယ်။
    စိတ်နေမကောင်းရင် overthinking တွေများလာရင် သတိဝင်လာတဲ့တစ်ချက် လက်ရှိမှာနေထိုင်တတ်ရင် ခံစားမှုတွေ သက်သာလာနိုင်ပါတယ်။
    နောက်တစ်ခုက Attachment တွေကို ဆွဲခေါ်သွားပြီး မပင်ပန်းစေဖို့ သတိရလိုက်မိတာပါ။

    14.1.2021
    January လအတွက် ဒုတိယတစ်အုပ်ပါ။

  2. Mon Mon Aung

    #မနက်စာအာဟာရ(၁)
    #MorningVitamins (1)

    ဒီနေ့ မွန်မွန်ပြောပြမယ့်စာအုပ်လေးကတော့
    ဆရာမ မွန်ဟော်စီရဲ့ မနက်စာအာဟာရဆိုတဲ့စာအုပ်လေးပဲ ဖြစ်ပါတယ်။မွန်မွန်တို့တွေ ခန္ဓာကိုယ် ကျန်းမာစေဖို့ အာဟာရဖြစ်မယ့် အစားအစာတွေစားရသလို ဒီစာအုပ်လေးထဲမှာလည်း မနက်အိပ်ယာထမှစလို့ ကိုယ့်ရဲ့အတွေးတွေ လတ်ဆက်လန်းဆန်းနေစေဖို့ ဦးနှောက် အာဟာရ ဖြစ်စေတဲ့
    စာတွေအများကြီးကိုတွေ့ရမှာပါ။ဒီစာအုပ်ထဲမှာ
    စာစုကလေး အပုဒ် (၃၀) ပါဝင်ပါတယ်။ ဒီစာအုပ်လေးထဲက ဆရာမရဲ့ အရေးအသားတွေကိုဖတ်ပြီးဖြစ်ပေါ်လာတဲ့ မွန်မွန့်ရဲ့ အတွေးတွေကို ကောက်နုတ်ပြီး ပြောပြချင်ပါတယ်ရှင်။
    #သတိနဲ့နိုးထပါ
    နေ့တစ်နေ့ရဲ့အစက နံနက်ခင်းဖြစ်တာကြောင့်
    ဒီနံနက်ခင်းလေးမှာ စိတ်ကိုကြည်လင်အောင်ထားနိုင်မှ အဲဒီနေ့ဟာအဆင်ပြေချောမွေ့နေမှာပါ။စိတ်အလိုမကျမှုတွေနဲ့ စတင် တဲ့ နံနက်ခင်းမှာတော့စိတ်က ကြည်လင်မှုမရှိတဲ့အတွက် တစ်နေကုန်ဝရုန်းသုန်းကားနဲ့ ဘာမှအဆင်မပြေနိုင်ပါဘူး။ဒါကြောင့်နေ့တစ်နေ့ရဲ့ အစဖြစ်တဲ့ နံနက်ခင်းလေးကို
    စိတ်ကြည်လင်လန်းဆန်းစွာနဲ့ သတိနဲ့နိုးထဖို့လိုပါတယ်။
    #ရှင်သန်ခြင်းရဲ့တန်ဖိုး
    #အချိန်တွေနည်းလာတာနဲ့အမျှပိုတန်ဖိုးရှိလာ
    တယ်။ဘယ်တန်ဖိုးလဲဆိုရင်ရှင်သန်ခြင်းရဲ့တန်ဖိုးပါပဲ။ရှင်သန်ခြင်းရဲ့တန်ဖိုးဆိုတာ သေခါနီးလေ
    ပိုမြင့်တက်လာလေပဲ…။
    တကယ်တမ်း ဘဝဆိုတာ တကယ်တိုတိုလေးပါပဲ။
    ဒီအချိန်တိုတိုလေးအတွင်းမှာ ကိုယ့်အတွက်အကျိုးမရှိတာတွေ အကျိုးမရှိတဲ့စကားတွေ အကုသိုလ်စိတ်တွေနဲ့ အချိန်ကုန်မခံသင့်ဘူး မဟုတ်လား။
    ဒီအချိန်တိုလေးမှာ ကုန်ဆုံးရမယ့် ရှင်သန်ခြင်းလေး
    ကို တန်ဖိုးရှိအောင် နေထိုင်ဖို့လိုသေးတယ်
    မဟုတ်လားလေ…။
    #မတ်တာနဲ့သာ
    #ဒီအချိန်မှာပိုပြီးတစ်ယောက်ကိုတစ်ယောက်
    မေတ္တာကွန်ရက်ဖြန့်ပြီး ဖြည့်တွေးနိုင်ဖို့လိုပါတယ်။
    မေတ္တာကမ္မဌာန်းဆိုတာ positive thinking. ဖြစ်ပါတယ်။အကောင်းမြင်စိတ်ဆိုတာဟာ…ကုသိုလ်စိတ်လည်းဖြစ်ပါတယ်။တဖြည်းဖြည်း လေ့ကျင့်ယူလို့ရနိုင်ပါတယ်။မေတ္တာနဲ့သာ ပြဿနာတွေကိုဖြေရှင်းနိုင်လိမ့်မယ်…။ Only Love Can Save
    the World. မတ်တာတရားကသာ ကမ်ဘာ မွကေို
    ကယ်တင်သွားလိမ့်မယ်။
    လူတိုင်း လူတိုင်းရဲ့စိတ်ကလေး ကြည်လင်အေးချမ်းနေစေဖို့ အခြေခံက. မေတ္တာစိတ်ကလေးပဲမဟုတ်လား။ဒီမေတ္တာစိတ်ကလေးသာ ကိန်းအောင်းနေရင် အလိုလို အေးချမ်းလာ မှာပါ။
    #PositiveEnergy…တစ်စုံတစ်ယောက်ရဲ့ကောင်းသော လုပ်ရပ်၊ကောင်းသောအတွေး၊ကောင်းသောအကျင့်တွေကို မြင်လိုက် ၊ကြားလိုက်၊
    ခံစားထိတွေ့လိုက်ရလို့ စိတ်ထဲမှာ ကြည်နူး ချမ်းမြေ့မှုတွေ ဖြစ်လာရတယ်ဆိုရင် အဆိုပါပုဂ္ဂိုလ်တွေရဲ့
    အပြုသဘောဆောင်သော အလင်းစွမ်းအင်
    positive energy ဟာ…ကိုယ့်ထဲရောက်လာပြီလို့
    သတ်မှတ်ရ လိမ့်မယ်။
    အချိန်တွေဟာ ကုန်ဆုံးမြန်တာကြောင့်
    ကိုယ့်ရဲ့တန်ဖိုးရှိတဲ့အချိန်လေးတွေမှာ အားငယ်စရာတွေ ဝမ်းနည်းစရာတွေ တွေးနေမယ့်အစား
    ကိုယ့်ရဲ့ လေးစားအားကျရတဲ့ ပုဂ္ဂိုလ်တွေဆီကနေ
    ကောင်းတဲ့ စိတ်လေးတွေ ၊အမူအကျင့်လေးတွေ
    အတုယူပြီး လက်တွေ့လုပ်ဆောင်ကြည့်ရင် ကိုယ်တိုင်လည်း ကြည်နူးမှုတွေ ရရှိစေမှာ အသေအချာပါ။
    #ဘာကိုမှအတင်းလုပ်မယူပါနဲ့အရှိအတိုင်းသာနေပါ။ဘဝမှာ အရှိအတိုင်း နေလိုက်နိုင်တာကပဲ
    အလှဆုံး… အပျော်ဆုံး… အငြိမ်းချမ်းဆုံး
    ဖြစ်နေပါပြီ။
    ဟုတ်ပါတယ်…ဟန်ဆောင်မှုတွေမရှိဘဲ အရှိကို
    အရှိအတိုင်းနေတာက အငြိမ်းချမ်းဆုံးပါ။
    ကိုယ့်မှာမရှိဘဲ ကြွားဝါနေရ.တာတွေ ဖုံးကွယ်နေရတာတွေလောက် ပူလောင်တာရှိမှာ မဟုတ်ပါဘူး။
    ဒီတော့ လက်ရှိအခြေအနေလေးမှာပဲ အရှိကိုအရှိအတိုင်းနေတာ အကောင်းဆုံးပါ။
    #မေတ္တာဆိုတာစွမ်းအင်ရဲ့သဘော။
    Lovingkindness is a form of energy.
    ဆင်းရဲ ချမ်းသာ မရွေး … အနိမ့်အမြင့်မရွေး …
    ကူးစက်ပျံ့နှံ့ စီးဆင်းနိုင်တဲ့ အစွမ်းသတ္တိရှိပါတယ်။

    ဒီစာအုပ်လေးဟာ ကိုယ်တိုင်ဖတ်ဖို့ဖြစ်ဖြစ်
    လက်ဆောင်ပေးဖို့ဖြစ်ဖြစ် တကယ်သင့်တော်တဲ့
    စာအုပ်လေးပါ။ ဖတ်ပြီးတကယ် ခွန်အားရစေပါတယ်။ မဖတ်ရသေးရင် ဖတ်ကြည့်ဖို့ ညွှန်းပါရစေရှင်။
    #ချစ်ခင်လေးစားမှုများနှင့်
    #Mon
    Jan 11,2021 .

  3. yehtet aung (verified owner)

    ကိုယ့်လို စိတ်ဓာတ်ခွန်အားပေးစာ တွေ ကြိုက်ပေမယ့် အရှည်ကြီးတွေ ဖတ်ရတာ မကြိုက်တဲ့ လူအတွက် ဆရာမ ရဲ့ စာအုပ်လေးက ဖတ်ရတာ မပျင်းစေ၊ လက်တွေ့ဆန်ပြီး တစ်ပိုဒ်ဆို တစ်ပိုဒ်စာ အတွက် စိတ်ဓာတ်ခွန်းအားရစေပါတယ်။

    မနက်စာ အာဟာရ ဆိုတဲ့အတိုင်း မနက်ခင်းလေးမှာ အချိန်ခဏလေးပေးပြီး ဖတ်ရုံနဲ့ တနေ့လုံးစာအတွက် စိတ်နေစိတ်ထား ရတာ အဆင်ပြေစေပါတယ်။

    လူတိုင်း ဖတ်သင့်တဲ့ စာအုပ်ထဲမှာ တစ်အုပ် အပါအဝင်ပါပဲ

  4. Pyae Ar Kar

    တစ်နေ့တာလုံးကို စိတ်ခွန်အားတွေနဲ့ ဖြတ်သန်းချင်ပါသလား ? ဒါဆိုရင်တော့ အိပ်ရာနိုးတာနဲ့ မျက်နှာမသစ်ရသေးခင် အရင်ဆုံး ဒီထဲက စာလေး တစ်ပုဒ်ကိုဖတ်ကြည့်ပါ …

    Morning vitamin လို့ ဆိုထားတဲ့ အတိုင်း မနက်စာ အာဟာရ ခွန်အားဖြည့် စာစုလေးတွေကြောင့် စိတ်ခွန်အားတွေ ပိုမို တိုးတက်ကောင်းမွန်စေပြီး အောင်မြင် ကျေနပ်တဲ့ တစ်နေ့တာကို ပိုင်ဆိုင်နိုင်စေပါလိမ့်မယ် …

    ဘာလို့လဲဆိုတော့ နေ့တစ်နေ့အတွက် အရေးအကြီးဆုံးအချိန်ဟာ မနက်အိပ်ရာ နိုးထကာစအချိန်ပဲ ဖြစ်ပါတယ် … မနက် အိပ်ရာထ စိတ်မကြည်တဲ့ အခါ တစ်နေ့တာလုံး ဘာလုပ်လုပ် အဆင်မပြေတာမျိုးတွေဖြစ်တတ်ပါတယ် … အဲ့တာကြောင့် ပညာရှိအချို့က ပြောကြတယ် …ပြဿနာတွေရဲ့ အစဟာ မနက်ခင်း အိပ်ယာထချိန်က စတယ်တဲ့ …

    ဒီထဲမှာပါတဲ့ တချို့အကြောင်းအရာက လွယ်သယောင်ယောင်နဲ့ ခက်တာမျိုးရှိတယ် … ဒါပေမဲ့ နှလုံးသားထဲကို စွဲမြဲသွားတဲ့အခါ ကိုယ့်အတွက် ကောင်းမွန်တဲ့ ရလာဒ်တွေ ဖြစ်ပေါ်လာစေပါလိမ့်မယ် …
    ဥပမာ – ကိုယ့်ကို လူတစ်ယောက်က စော်ကားမော်ကား ပြောဆိုလာတယ် ဆိုရင်တောင် ဒီထဲက ကိုယ်ဖတ်ထားတာလေး မြင်ယောင်ပီး သည်းခံလိုက်နိုင်တာမျိုး …
    ကျွန်တော်ဆို မနက်မိုးလင်းရင် ခေါင်းမကြည်တတ်တာကြောင့် မြင်မြင်သမျှကို ဒေါသထွက် စိတ်တိုနေမိတတ်တယ် … အဲ့လိုဖြစ်တော့ လူက မနက်ပိုင်းမှာတင် energy တွေကုန်ပြီး ပင်ပန်းသွားတယ် …

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

မွန်ဟော်စီ စာအုပ်များ