မိုးအဆုံး မြေအဆုံး

ဤဝတ္ထုသည် ဒုတိယကမ္ဘာစစ်ကိုနောက်ခံပြုသော ဝတ္ထုတစ်ပုဒ်ဖြစ်သည်။ ဗြိတိန်နိုင်ငံရှိ သုံ့ပန်းစခန်းတစ်ခုတွင် ဖမ်းဆီးခြင်းခံနေရသော ဂျာမန်လေတပ်ဗိုလ်ချုပ်တစ်ဦးကို ဂျာမနီနိုင်ငံမှ အထူးကွန်မန်ဒိုအဖွဲ့တစ်ဖွဲ့စေလွှတ်၍ ကယ်တင်သည့် ဇာတ်လမ်းဖြစ်သည်။ စာရေးဆရာသည် အရေးအသားကောင်းမွန်သဖြင့် ကွန်မန်ဒိုတပ်ဖွဲ့၏ စွန့်စားမှု၊ သုံ့ပန်းများ၏လွတ်မြောက်ရေး ကြိုးပမ်းမှုနှင့် နောက်ဆုံးအကျဉ်းစခန်းကိုဖောက်ပြီး ထွက်ပြေးသည့်အခန်းတို့သည် အသည်းတထိတ်ထိတ် ရင်တလှပ်လှပ်ဖြစ်ရသည်သာမက ဇာတ်ကောင်များ၏ စရိုက်တို့မှာလည်း ပေါ်လွင်လှသဖြင့် ဝတ္ထုသည် တကယ့်အဖြစ်အပျက် တစ်ခုပမာ အသက်ဝင်လှုပ်ရှားလျက်ရှိပါသည်။
(စာရေးသူအမှာစာမှကောက်နှုတ်ဖော်ပြချက်)